ກະຕ່າໄມ້ປ່ອງເປັນທີ່ນິຍົມໃຊ້ຫຼາຍໃນປະເທດລາວ ແລະ ເປັນເຄື່ອງໃຊ້ແບບອະເນກປະສົງ ຊຶ່ງມີຮູບຮ່າງໜ້າຕາຫຼາກຫຼາຍຂຶ້ນຢູ່ກັບການໃຊ້ຂອງແຕ່ລະບ່ອນ.
ກະຕ່າໄມ້ປ່ອງເປັນຫັດຖະກຳຊະນິດໜຶ່ງທີ່ທຸກຄົວເຮືອນຢູ່ທາງພາກເໜືອນິຍົມໃຊ້. ກະຕ່າມີລັກສະນະທົ່ວໄປເປັນຊົງກະບອກ. ສ່ວນລຸ່ມ ຫຼື ສ່ວນກົ້ນນ້ອຍກວ່າ ສ່ວນປາກຂອງກະຕ່າໃຫຍ່ກວ່າໜ້ອຍໜຶ່ງ, ສ່ວນກາງກວ້າງແບບເປັນໂປ່ງພໍດີງາມ ຫຼື ກິ້ວເຂົ້າ. ໂດຍປົກກະຕິເຮັດດ້ວຍໄມ້ປ່ອງທີ່ຄົນທາງພາກເໜືອເພິ່ນເອີ້ນວ່າ ໄມ້ໄຜ່. ຂະໜາດຂອງກະຕ່າຂຶ້ນຢູ່ກັບວັດຖຸປະສົງໃນການໃຊ້ສອຍຂອງຜູ້ໃຊ້.
ກະຕ່າເຮັດດ້ວຍເສັ້ນໄຍຂອງໄມ້ປ່ອງມິຄວາມ ແຂງແຮງ, ທົນທານ ແລະ ສາມາດໃຊ້ໄດ້ຫຼາຍກວ່າ 20 ປີ.
ແຫຼ່ງຂໍ້ມູນ: ພາເຂົ້າລາວ
