ຊຸບໜໍ່ໄມ້ ອາຫານພື້ນບ້ານ ຈານທຳມະດາ ແຕ່ມີຄວາມພິເສດຢູ່ທີ່ສ່ວນປະສົມເຊັ່ນ ໝາກງາ ໂດຍສະເພາະຫົວຜັກທຽມ ແລະ ຂີງ ທີ່ຈີ່ຈົນສຸກ ແລະ ຫອມ.
ສ່ວນປະສົມ
• ໜໍ່ໄມ້
• ຂ່າ ຫຼື ຂີງ
• ໝາກເຜັດ
• ເກືອ
• ແປ້ງນົວ
• ຫົວຜັກບົ່ວ ຫຼື ກະທຽມ
• ຫອມເຮືອດ
• ຫອມເປ
• ໝາກງາຂາວ (ຂົ້ວ ແລະ ຕຳ)
ວິທີປຸງແຕ່ງ
1. ຈີ່ໝາກເຜັດ, ຂີງ, ຫົວຜັກບົ່ວ ແລະ ກະທຽມໃຫ້ສຸກ, ນຳມາຕຳໃສ່ຄົກ ພ້ອມເກືອ ແລະ ແປ້ງນົວ ຕຳໃຫ້ເຂົ້າກັນ
2. ກຽມໜໍ່ໄມ້ ໂດຍການຕົ້ມ ຫຼື ເຜົາໄຟ ໃຫ້ສຸກ, ຫຼັງຈາກນັ້ນໃຫ້ ຊອຍເປັນຕ່ອນນ້ອຍໆ ຫຼື ເສັ້ນ
3. ລ້າງຜັກຫອມໃຫ້ສະອາດ ແລ້ວນຳມາຊອຍ
4. ໃສ່ໝາກງາ ແລະ ສ່ວນປະສົມທຸກຢ່າງທີ່ຕຽມໄວ້ ລົງໃນຊາມ, ຄົນໃຫ້ເຂົ້າກັນ
5. ຊິມ ແລະ ເພີ່ມລົດຊາດຕາມຕ້ອງການ
ຂໍ້ມູນຈາກ ສຸລິວັນ ບຸນທຳມີ
ແຫຼ່ງຂໍ້ມູນ: ພາເຂົ້າລາວ
