ທີ່ສູນຂໍ້ມູນ-ຂ່າວສານ ສຳລັບແຮງງານເຄື່ອນຍ້າຍ ຂອງສະຫະພັນກຳມະບານແຂວງສະຫວັນນະເຂດ ເຊິ່ງນຳໂດຍ ທ່ານ ນາງ ພົມມາ ທອງເພັງ ແລະ ທ່ານ ຄຳຕັນ ສີໂພໄຊ ຮອງປະທານຄະນະບໍລິຫານງານສະຫະພັນກຳມະບານແຂວງ ພ້ອມດ້ວຍວິຊາການອີກຈຳນວນໜຶ່ງ.
ໄດ້ມີການແບ່ງຄວາມຮັບຜິດຊອບອອກເປັນ 2 ທີມ ເພື່ອສຶບຕໍ່ລົງເຄື່ອນໄຫວໂຄສະນາຄວາມຮູ້ພື້ນຖານກ່ຽວ ກັບແຮງງານເຄື່ອນຍ້າຍແບບປອດໄພ ໃຫ້ແກ່ປະຊາຊົນ 8 ບ້ານເປົ້າໝາຍ ທີ່ຂື້ນກັບເມືອງຈຳພອນ, ເມືອງຊົນນະບູລີ, ເມືອງໄຊພູທອງ ແລະ ເມືອງສອງຄອນ ດ້ວຍການນຳເອົາບົດຮຽນ ແລະ ຂໍ້ມູນ-ຂ່າວສານທີ່ສຳຄັນຈຳນວນໜຶ່ງ ເປັນຕົ້ນແມ່ນ:
ສິດ, ພາລະບົດບາດຂອງສະຫະພັນກຳມະບານລາວ ແລະ ຂອງສູນຂໍ້ມູນ-ຂ່າວສານທີ່ມີຕໍ່ແຮງງານເຄື່ອນຍ້າຍ, ຄວາມສ່ຽງ ແລະ ວິທີຫຼຸດຜ່ອນຄວາມສ່ຽງຂອງການເຄື່ອນຍ້າຍແຮງງານແບບບໍ່ຖືກຕ້ອງ ແລະ ບົດຮຽນອື່ນໆ ນຳມາເຜີຍແຜ່ໃຫ້ແກ່ພໍ່ແມ່ປະຊາຊົນທີ່ຂື້ນກັບເມືອງດັ່ງກ່າວ ໄດ້ຮັບຮູ້ຂໍ້ມູນ-ຂ່າວສານ ທີ່ຖືກຕ້ອງ ແລະ ຊັດເຈນ
ເພື່ອລີກລ້ຽງຈາກການຖືກກົດຂີ່ຂູດຮີດທາງດ້ານແຮງງານ ຈົນກ້າວໄປເຖິງການຫຼຸດຜ່ອນຄວາມສ່ຽງຂອງການຕົກເປັນເຫຍື່ອຂອງການຄ້າມະນຸດໃນອານາຄົດ. ເຊິ່ງໄດ້ຮັບຄວາມສົນອົກສົນໃຈ ຈາກພໍ່ແມ່ປະຊາຊົນເຂົ້າຮ່ວມຮັບຟັງເປັນຈຳນວນຫຼວງຫຼາຍ.
ແຫຼ່ງຂໍ້ມູນ: Midia Laos