Wednesday, July 9, 2025
Kbank Laos โอน รับ จ่าย

ມູນນິທິຊາວພຸດໄຕ້ຫວັນ ຊີຈື ຊ່ວຍປິ່ນປົວ ພະຍາດ ໃຫ້ປະຊາຊົນແຂວງອັດຕະປື

ຢູ່ໂຮງໝໍແຂວງອັດຕະປື, ມູນນິທິຊາວພຸດໄຕ້ຫວັນ ຊີຈື ສປ ຈີນ ໄດ້ສົມທົບກັບອຳນາດການປົກຄອງແຂວງອັດຕະປື ຈັດກິດຈະກໍາກວດປີ່ນປົວພະຍາດ, ສະໜອງຢາ ແລະ ໃຫ້ຄຳປຶກສາ ໂດຍບໍ່ເສຍຄ່າໃຫ້ແກ່ປະຊາຊົນແຂວງອັດຕະປື ທັງນີ້ ກໍເພື່ອໃຫ້ປະຊາຊົນໄດ້ເຂົ້າເຖິງການບໍລິການສາທາລະນະສຸກທີ່ມີຄຸນນະພາບ ແລະ ໄດ້ຮັບການປິ່ນປົວຖືກກັບພະຍາດທີ່ກວດພົບ.

ຜ່ານການຈັດກິດຈະກຳດັ່ງກ່າວ ມີປະຊາຊົນມາກວດສຸຂະພາບ ທັງໝົດ 1.500 ກວ່າຄົນ, ໃນນັ້ນມີຜູ້ບໍລິການກວດທົ່ວໄປຈຳນວນ 920 ຄົນ, ຝັງເຂັມ 284 ຄົນ, ກວດແຂ້ວ 266 ຄົນ ແລະ ຜ່າຕັດນ້ອຍ 40 ຄົນ ຜ່ານການກວດຂອງແພດພົບວ່າ ຫລາຍຄົນມີພະຍາດໜັກທີ່ສາມາດປິ່ນປົວໄດ້ ແລະ ໄດ້ຮັບການແນະນຳໃຫ້ຄຳປຶກສາ, ມີບາງຈຳນວນກໍນຳສົ່ງເຂົ້າໂຮງໝໍແຂວງ ເພື່ອສືບຕໍ່ຮັກສາໂດຍໃຫ້ຖືກຕ້ອງຕາມຫລັກການຂອງແພດໃນຂັ້ນຕອນຕໍ່ໄປ.

ແຫຼ່ງຂໍ້ມູນ: ສຳນັກຂ່າວສານປະເທດລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.