Friday, July 19, 2024
Lenovo

ເມືອງແບງ ເສຍຫາຍຈາກໄພພິບັດຝົນຕົກໜັກນ້ຳຖ້ວມ 4 ຕື້ກ່ວາກີບ

ທ່ານ ຄຳພອນ ພິມມະລາດ ຮອງເຈົ້າເມືອງໆແບງ, ປະທານຄະນະກຳມະການຕ້ານໄພພິບັດຂັ້ນເມືອງ ແຂວງອຸດົມໄຊ ໃຫ້ຮູ້ວ່າ:

ຜົນເສຍຫາຍຈາກສະພາບຝົນຕົກໜັກນ້ຳຖ້ວມຢູ່ເມືອງແບງ ເລີ່ມແຕ່ເວລາ 5:00-8:00 ໂມງ ຂອງວັນທີ 17 ສິງຫາ 2019 ຜ່ານມາ ມີບ້ານທີ່ໄດ້ຮັບຜົນກະທົບ 5 ບ້ານຄື:

ບ້ານຫ້ວຍ, ຫ້ວຍລາ, ທ່າກາດ ແລະ ບ້ານແບງຫຼວງ ມີ 139 ຄອບຄົວ, ພົນເມືອງ 791 ຄົນ ລວມມູນຄ່າເສຍຫາຍທັງໝົດ 1.338.020.000 ກີບ.

ໃນນີ້ ບ້ານ ນາຫ້ວຍ ມີ 10 ຄອບຄົວ, ພົນລະເມືອງ 64 ຄົນ ມູນຄ່າເສຍຫາຍ ປະມານ 685.000.000 ກີບ ໃນນີ້ມີເຮືອນໄຫຼນໍ້າ 1​ ຫຼັງ, ເຊາະເຈື່ອນບໍ່ສາມາດຢູ່ໄດ້ 4 ຫຼັງ; ບ້ານ ຫ້ວຍລາ ມີ 101 ຄອບຄົວ, ພົນລະເມືອງ 589 ຄົນ ມູນຄ່າເສຍຫາຍ 510.700.000 ກີບ; ບ້ານທ່າກາດ ມີ 14​ ຄອບຄົວ, ພົນລະເມືອງ 67 ຄົນ ມູນຄ່າຄວາມເສຍຫາຍ 25.000.000 ກີບ; ບ້ານໂພນແກ້ວ ມີ 11 ຄອບຄົວ, ພົນເມືອງ 63 ຄົນ ມູນຄ່າເສຍຫາຍ 30.500.000 ກີບ ແລະ ບ້ານແບງຫຼວງ ມີ 3 ຄອບຄົວ, ພົນລະເມືອງ 8 ຄົນ ມູນຄ່າເສຍຫາຍ 86.820.000 ກີບ.

ພ້ອມດຽວກັນ, ຍັງມີໂຮງໝໍເມືອງ ນໍ້າຖ້ວມຕຶກອາຄານ ຈຳນວນ 5 ຫຼັງ, ຢາ ແລະ ອຸປະກອນການແພດ ເສຍ ຫາຍມູນຄ່າ 66.551.000 ກີບ ແລະ ເຄື່ອງໄຟຟ້າບໍ່ສາມາດປະເມີນໄດ້; ເສັ້ນທາງຫຼວງແຫ່ງຊາດ 1​ ຈຸດຖືກເຊາະເຈື່ອນ ມູນຄ່າເສຍຫາຍ 553.000.000 ກີບ, ທາງຊົນນະບົດຈາກບ້ານນາຫ້ວຍ ຫາ ບ້ານນາໂຮມ ຖືກຕັດຂາດ 3 ຈຸດ, ບ້ານນໍ້າດໍ້ ຫາ ບ້ານພູສິງ 1 ຈຸດ ມູນຄ່າເສຍຫາຍ 513.000.000 ກີບ; ນໍ້າປະປາ ຖືກເປ່ເພ ຈໍານວນ 24​ ຈຸດ ມູນຄ່າເສຍຫາຍ 41.140.000 ກີບໃນປັດຈຸບັນຍັງບໍ່ທັນສາມາດແກ້ໄຂ ແລະ ສະໜອງນ້ຳໄດ້.

ນອກຈາກນີ້, ຍັງມີຜົນກະທົບດ້ານວຽກງານກະສິກຳ ແລະ ປ່າໄມ້ ເຊິ່ງມີບ້ານທີ່ໄດ້ຮັບຜົນກະທົບທັງໝົດ 19 ບ້ານ, ຄອບຄົວທີ່ຖືກຜົນກະທົບ 623 ຄອບຄົວ, ພົນລະເມືອງ 3.622​ ຄົນ ມູນຄ່າຄວາມເສຍຫາຍທັງໝົດ 1.938.171.500 ກີບ ເຊິ່ງມີເນື້ອທີ່ນາທີ່ຖືກຜົນກະທົບທັັງໝົດ 128​ ເຮັກຕາ, ໃນນີ້ເນື້ອທີ່ນໍ້າຖ້ວມ ແຕ່ສາມາດຟື້ນຟູ ແລະ ເກັບກູ້ຜົນຜະລິດໄດ້ ຈຳນວນ 46 ເຮັກຕາ, ບໍ່ສາມາດຟືນຟູໄດ້ 62 ເຮັກຕາ, ເນື້ອທີ່ຖືກເຊາະເຈື່ອນ ຈຳນວນ 20 ເຮັກຕາ ຄາດຄະເນຜົນເສຍຫາຍທັງໝົດ ປະມານ 1.143.722.000 ກີບ; ສາລີແຂງ ຖືກຜົນກະທົບທັງໝົດ 92 ເຮັກຕາ ສາມາດຟືນຟູ ແລະ ເກັບກູ້ຜົນຜະລິດໄດ້ 42 ເຮັກຕາ ແລະ ບໍ່ສາມາດຟືນຟູໄດ້ 16 ເຮັກຕາ, ຖືກເຊາະເຈື່ອນ 34​ ເຮັກຕາ ຜົນເສຍຫາຍທັງໝົດ 246,08 ໂຕນ ມູນຄ່າເສຍຫາຍ 246.080.000 ກີບ ແລະ ພືດອື່ນໆເຊັ່ນ:

ເຂົ້າ, ຢາງພາລາ, ໝາກແໜງ, ໝາກເຄືອນໍ້າມັນ ແລະ ພືດຜັກ ເນື້ອທີ່ໄດ້ຮັບຜົນກະທົບ 16 ເຮັກຕາ, ສາມາດຟືນຟູ ແລະ ເກັບກູ້ໄດ້ 3 ເຮັກຕາ, ບໍ່ສາມາດຟືນຟູໄດ້ 1 ເຮັກຕາ, ຖືກເຊາະເຈື່ອນ 12 ເຮັກຕາ ມູນຄ່າເສຍຫາຍທັງໝົດ 124.577.500 ກີບ.

ສ່ວນວຽກງານສັດລ້ຽງ ແລະ ການປະມົງ ມີສັດລ້ຽງເສຍຫາຍ ຈຳນວນ 280 ໂຕ ໃນນີ້ຄວາຍ 1​ ໂຕ, ງົວ 4​ ໂຕ, ໝູ 20 ໂຕ, ສັດປີກ 255​ ໂຕ ມູນຄ່າເສຍຫາຍທັງໝົດ 41.450.000 ກີບ; ໜອງປາ 61​ ໜອງ ເນື້ອທີ່ທັງ ໝົດ 3,27 ເຮັກຕາ ໃນນີ້ນໍ້າຖ້ວມ 51 ໜອງ ເນື້ອທີ່ 2,85​ ເຮັກຕາ ຖືກເຊາະເຈື່ອນ 10 ໜອງ ເນື້ອທີ່ 0,42​ ເຮັກຕາ ມູນຄ່າເສຍຫາຍ 162.000.000 ກີບ; ຊົນລະປະທານຖືກຜົນກະທົບ 9 ໂຄງການ ຈຸດທີ່ເສຍຫາຍ 9 ຈຸດ,​ ຫົວງານເປເພ 5 ຫົວງານ, ຄອງເໝືອງ 9 ເສັ້ນ ມູນຄ່າເສຍຫາຍ 315.372.000 ກີບ

ເຊິ່ງລວມມູນຄ່າຜົນເສຍຫາຍທັງໝົດ ປະມານ 4.449.883.300 ກີບ. 

ແຫຼ່ງຂໍ້ມູນ: Media Laos

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ