ທີ່ສະໂມສອນຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ມະຫາວິທະຍາໄລແຫ່ງຊາດ ໄດ້ໄຂກອງປະຊຸມໃຫຍ່ຄັ້ງທີ V ຂຶ້ນ ເພື່ອຜ່ານຮ່າງບົດລາຍງານການເມືອງ 5 ປີ ຄັ້ງທີ IV (2014-2019) ແລະ ຜ່ານແຜນຍຸດທະສາດການເມືອງ 5 ປີ ຄັ້ງທີ V (2019-2024).
ພ້ອມປ່ອນບັດເລືອກຕັ້ງເອົາຄະນະບໍລິຫານງານຊຸດໃໝ່ ໂດຍພາຍໃຕ້ການເປັນປະທານຂອງສະຫາຍ ປອ ສຳ ລານ ພັນຄະວົງ ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຄະນະພັກກະຊວງ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ກະຊວງສຶກສາທິການ ແລະ ກິລາ ສະຫາຍ ສຈ ປອ ສົມສີ ຍໍພັນໄຊ ຄະນະປະຈຳພັກກະຊວງ ເລຂາຄະນະພັກ ອະທິການບໍດີມະຫາວິທະຍາໄລແຫ່ງຊາດ ສະຫາຍ ພຽງສະນິດ ຈັນທະວີໄຊ ຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ກະຊວງສຶກສາທິການ ແລະ ກິລາ ເລຂາຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ມະຫາວິທະຍາໄລແຫ່ງຊາດ ມີຕາງໜ້າ 2 ອົງການຈັດຕັ້ງພາຄີ ແຂກຖືກເຊີນ ແລະ ສະມະຊິກເຂົ້າຮ່ວມ 400 ກວ່າສະຫາຍ.
ແຫຼ່ງຂໍ້ມູນ: ຂ່າວ: ຫຼ້າ ສາຍນໍ້າພຽງ ສູນໂຄສະນາຂ່າວສານ ການສຶກສາ ແລະ ກິລາ