ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຈັດພິທີ ໄຂສົກຮຽນໃໝ່ 2019-2020 ຂຶ້ນໃນຕອນເຊົ້າວັນທີ 9 ກັນຍາ 2019 ນີ້, ໂດຍການເປັນກຽດ ເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະ ການກົມການເມືອງສູນກາງພັກ, ລັດຖະມົນຕີກະຊວງປ້ອງກັນ ປະເທດ.
ມີ ສະຫາຍ ພົນຕີ ຄຳຫຼ້າ ພັນໄຊຍະສຸກ ກຳມະການຄະນະ ພັກກະຊວງປ້ອງກັນປະເທດ, ຫົວໜ້າການເມືອງວິທະຍາຄານ ປ້ອງກັນຊາດ ໄກສອນ ພົມວິ ຫານ, ພ້ອມດ້ວຍ ຄະນະພັກ-ຄະ ນະບັນຊາ, ພະນັກງານຄູ- ອາຈານ ແລະ ນັກສຶກສາເຂົ້າຮ່ວມ. ສະຫາຍ ພັນເອກ ປອ ສົງກາ ບຸນຄຸນ ຮອງຫົວໜ້າການທະຫານ ຫົວໜ້າກົມອົບຮົມ-ກໍ່ສ້າງ ວປກ ໄດ້ຜ່ານແຜນການບຳລຸງ-ກໍ່ສ້າງ ນາຍທະຫານປະຈຳສົກຮຽນ 2019-2020 ເຊິ່ງມີນັກສຶກສາ ທັງໝົດ:
732 ສະຫາຍ, ໃນນັ້ນ ນັກສຶກສາເກົ່າ 317 ສະຫາຍ ແລະ ນັກສຶກສາເຂົ້າໃໝ່ ຈຳນວນ 415 ສະຫາຍ, ໃນຈຳນວນ 18 ເປົ້າໝາຍ ຄື: ກໍ່ສ້າງຍຸດທະສາດ- ຍຸດທະບັ້ນຮົບ 1 ປີ ຊຸດທີ XVI, ກໍ່ສ້າງທິດສະດີມາກ-ເລນິນ 1 ປີ ຊຸດທີ XII, ກໍ່ສ້າງປະລິນຍາໂທ ການທະຫານ 2 ປີ ຊຸດທີ XII, ກໍ່ສ້າງປະລິນຍາໂທການເມືອງ 2 ປີ ຊຸດທີ XII, ກໍ່ສ້າງນາຍທະຫານ ເສນາກອງພັນໃຫຍ່ 1 ປີ ຊຸດທີ V, ກໍ່ສ້າງນາຍທະຫານການເມືອງ ກອງພັນໃຫຍ່ 1 ປີ ຊຸດທີ V, ກໍ່ ສ້າງນາຍທະຫານເສນາບັນຊາ ກອງພັນນ້ອຍ 1 ປີ ຊຸດທິ V, ກໍ່ສ້າງນາຍທະຫານການເມືອງ ກອງພັນນ້ອຍ 1 ປີ ຊຸດທີ V, ບຳ ລຸງທິດສະດີມາກ-ເລນິນ 5 ເດືອນ ຊຸດທີ XI, ບຳລຸງວຽກງານກວດ ກາໄລຍະສັ້ນ ຊຸດທີ XI, ກໍ່ສ້າງ ພາສາຈີນຊັ້ນສູງ 4 ປີຊຸດທີ XIX, ກໍ່ສ້າງພາສາຫວຽດນາມຊັ້ນສູງ 3 ປີ ຊຸດທີ IX, ກໍ່ສ້າງພາສາຣັດ ເຊຍຊັ້ນສູງ 3 ປີຊຸດທີ III ແລະ ບຳລຸງພາສາອັງກິດ 1 ປີ ຊຸດທີ XII.
ນອກຈາກນີ້ຍັງມີອີກ 4 ເປົ້າ ໝາຍທີ່ຈະເຂົ້າມາໃນທ້າຍພາກ ຮຽນທີ 1 ແລະ 2 ຄື:
ບຳລຸງວຽກ ງານການທະຫານທ້ອງຖິ່ນ ຊຸດທີ V, ບຳລຸງວຽກງານກໍ່ສ້າງຮາກ ຖານ ຊຸດທີ X, ບຳລຸງວຽກງານ ປ້ອງກັນພາຍໃນ ຊຸດທີ VI, ບຳ ລຸງວຽກງານ ປກຊ-ປກສ ຊຸດທີ 18.
ທັງນີ້ກໍເພື່ອເປັນການຍົກລະ ດັບຄວາມຮັບຮູ້ເຂົ້າໃຈຕໍ່ພື້ນຖານ ທິດສະດີ, ຫຼັກມູນວິທະຍາສາດ ຂອງລັດທິມາກ-ເລນິນ, ແນວ ທາງແຜນນະໂຍບາຍຂອງພັກ, ແນວທາງປ້ອງກັນຊາດ-ປ້ອງ ກັນຄວາມສະຫງົບ, ໜ້າທີ່ການ ເມືອງຂອງກອງທັບໃນສະພາບ ແວດລ້ອມ ແລະ ຄວາມຮຽກຮ້ອງ ຕ້ອງການໃໝ່ກັບການປະກອບ ໂລກກະທັດ, ວິໄສທັດ ທີ່ຖືກຕ້ອງ ເຂົ້າໃນການຄົ້ນຄວ້າຕີລາຄາສະ ພາບການຮອບດ້ານໃນເງື່ອນໄຂ ວິທະຍາສາດ-ເທັກໂນໂລຊີ ( Technology ) ທີ່ຂະຫຍາຍຕົວແບບກ້າວກະໂດດ, ປັບປຸງ ແບບແຜນການນຳພາ-ບັນຊາ, ການເຄື່ອນໄຫວດຳລົງຊີວິດ,ເຝິກ ຝົນຫຼໍ່ຫຼອມຄຸນສົມບັດສິນທຳ ປະຕິວັດ, ສະຕິຕື່ນຕົວປະຕິວັດ, ສະຕິຕໍ່ລະບຽບວິໄນ, ຂໍ້ກຳນົດ, ກົດໝາຍໃຫ້ສູງຂຶ້ນ, ເພື່ອເປັນພື້ນ ຖານບ່ອນອີງ ໃນເວລາສຳເລັດການສຶກສາກັບຄືນກົມກອງໃຫ້ຮູ້ຈັກຈັດຕັ້ງຜັນຂະຫຍາຍ ແລະ ຫັນເປັນແຜນການອັນລະອຽດ ສອດຄ່ອງກັບສະພາບຈຸດພິເສດຂອງເງື່ອນໄຂຕົວຈິງຂອງກົມ ກອງທ້ອງຖິ່ນຢ່າງມີປະສິດທິ ຜົນ.
ໃນໂອກາດເຂົ້າຮ່ວມພິທີ ສະ ຫາຍ ພົນເອກ ຈັນສະໝອນ ຈັນ ຍາລາດ ໄດ້ມີຄຳເຫັນເນັ້ນໜັກ ໃຫ້ຄະນະພັກ-ຄະນະບັນຊາ ຕ້ອງ ເປັນເຈົ້າການປັບປຸງວິທະຍາ ຄານ, ປັບປຸງໂຄງການຫຼັກສູດ ເພື່ອພັດທະນາຊັບພະຍາກອນ ມະນຸດໃຫ້ມີຄຸນນະພາບ, ສືບຕໍ່ປັບ ປຸງແບບແຜນວິທີເຮັດວຽກຂອງ ພະນັກງານແຕ່ລະຂັ້ນໃຫ້ຖືກ ຕ້ອງ, ສຸມໃສ່ວຽກງານແກ້ໄຂຊີ ວິດການເປັນຢູ່ຂອງກົມກອງ, ເດັດດ່ຽວສະກັດກັ້ນທຸກປະກົດ ການຫຍໍ້ທໍ້ໃນໝູ່ຄະນະ ແລະ ກົມກອງໃຫ້ມີຄວາມປອດໄສເຂັ້ມ ແຂງໜັກແໜ້ນ, ສ້າງນາຍທະ ຫານ ໃຫ້ຮູ້ນຳໃຊ້ບົດຮຽນທີ່ຮຽນ ມາເຂົ້າໃນພາກປະຕິບັດຕົວຈິງ, ນຳພາສືກສາອົບຮົມເປັນເຈົ້າ ການກໍ່ສ້າງໂຄງການ ການຮຽນ-ການສອນ, ເສີມຂະຫຍາຍມູນເຊື້ອ ຄວາມສາມັກຄີໃນໝູ່ຄະນະ ແລະ ພະນັກງານນັກຮົບທົ່ວວິທະຍາ ຄານ, ສຶກສາອົບຮົມການເມືອງ ນຳພາແນວຄິດ, ອົບຮົມລະບຽບ ກົດໝາຍຂອງລັດ, ຂໍ້ກຳນົດກົດ ລະບຽບຂອງກອງທັບ ແລະ ຂອງ ວິທະຍາຄານໃຫ້ດີ, ເອົາໃຈໃສ່ ປະຕິບັດແນວທາງການຕ່າງປະ ເທດຂອງພັກ, ຮັກສາແໜ້ນການ ພົວພັນຮ່ວມມືກັບສາກົນບົນພື້ນ ຖານສັນຍາ, ອະນຸສັນຍາ ພິເສດ ແມ່ນກັບເພື່ອນມີດຍຸດທະສາດ.
ສຳລັບພາກສ່ວນອົງການ, ວິຊາ ການ, ຄູ-ອາຈານ ໃຫ້ເອົາໃຈໃສ່ ຍົກສູງຄວາມຮັບຜິດຊອບການ ເມືອງຂອງຕົນ, ຄົ້ນຄວ້າ ແລະ ແຕ່ງບົດສອນຂຶ້ນຫ້ອງສອນ ຕາມໂຄງການອົບຮົມ ແລະ ຕາ ຕະລາງແຜນການໃຫ້ຖືກຕ້ອງ ແລະ ເຂັ້ມງວດ, ສຸມທຸກຄວາມ ພະຍາຍາມຖ່າຍທອດຄວາມຮູ້-ຄວາມສາມາດທາງດ້ານທີດສະ ດີ ແລະ ພຶດຕິກຳຂອງຕົນທີ່ມີໃຫ້ ບັນດານັກຮຽນ, ນັກສຶກສາຢ່າງ ເປັນລະບົບຄົບຊຸດ, ອອກແຮງ ແຂ່ງຂັນກັນເຝິກຝົນຄຸນສົມບັດ, ຈັນຍາທຳໃຫ້ກາຍເປັນຄູປະຕິ ວັດສອນດີ-ສອນເກັ່ງ ແລະ ມີ ລະບຽບວິໄນເຂັ້ມງວດ.
ໂດຍ: ດາວວິນ ໂສພາພອນ
