ຂໍຂອບໃຈນຳຜູ້ສະໜັບສະໜູນ

ດ່ານພາສີສາກົນປາກຊັນ ແຂວງບໍລິຄໍາໄຊ ເປັນອີກດ້ານຫນຶ່ງທີ່ມີການບໍລິການສິນຄ້າ ມີເສັ້ນທາງເຊື່ອມຕໍ່ລະ ຫວ່າງ ໄທ-ລາວ-ຫວຽດນາມ ຈຶ່ງ ກາຍເປັນປະຕູເສດຖະກິດ ການບໍລິການທາງຜ່ານ ອັນໄດ້ສ້າງເງື່ອນໄຂໃຫ້ແກ່ການຄ້າ ການລົງທຶນ ການທ່ອງທ່ຽວໃນປີຜ່ານມາມີບັນຍາກາດ ຟົດຟື້ນ ແລະ ເຮັດໃຫ້ການຈັດເກັບລາຍຮັບເຂົ້າງົບປະມານແຫ່ງລັດໄດ້ເກີນຄາດຫມາຍ ແຕ່ໃນປີ 2019 ດ່ານພາສີສາກົນປາກຊັນ ໂດຍສະເພາະ ການນໍາເຂົ້າປະເພດນ້ໍາມັນເຊື້ອໄຟ ພາຫະນະ ສິ້ນສ່ວນອາໄຫຼ່ ແກັສ ເຄື່ອງໃຊ້ໄຟ ຟ້າ ສິນຄ້າປະເພດອື່ນໆມີລັກສະນະຫຼຸດລົງ ເປັນສາເຫດຫຼັກ ເຮັດໃຫ້ດ່ານພາສີສາກົນປາຊັ້ນບໍ່ສາມາດປະຕິບັດລາຍຮັບໄດ້ຕາມແຜນການຕາມທີ່ໄດ້ຮັບມອບຫມາຍຄື 302 ຕື້ກີບ ເພາະໃນ 8 ເດືອນຜ່ານ ມາສາມາດປະຕິບັດໄດ້ພຽງແຕ່ 132 ຕື້ກວ່າກີບ ເທົ່າກັບ 43,81% ຂອງແຜນການປີ ແຕ່ຖ້າທຽບໃສ່ໄລຍະດຽວກັນຂອງປີຜ່ານມາເທົ່າກັບ 57,68% ຫຼຸດລົງ 42,32% ຖ້າຄິດເປັນເງິນປະມານ 97,2 ຕື້ກວ່າກີບ.

ທ່ານ ໄຊຊະນະ ວົງຊົມພູ ຮອງຫົວຫນ້າດ່ານພາສີສາກົນປາກຊັນກ່າວວ່າ ດ່ານພາສີສາກົນປາກຊັ້ນໄດ້ເນັ້ນໃສ່ຂອດການບໍລິການໃຫ້ມີຄວາມ ສະດວກວ່ອງໄວ ມີຄວາມໂປ່ງໃສ ແຕ່ສາເຫດຫຼັກທີ່ພາໃຫ້ເກັບລາຍຮັບບໍ່ໄດ້ຕາມແຜນແມ່ນມາຈາກການນໍາເຂົ້ານ້ໍາມັນເຊື້ອໄຟຫຼຸດລົງ ໂດຍ ສະເພາະໂຄງການກໍ່ສ້າງເຂື່ອນໄຟຟ້າງຽບ 1 ແລະ ໂຄງການຟູເບ້ຍມາຍນິງຫຼຸດລົງ ເຫັນໄດ້ໃນຕົວເລກ 8 ເດືອນປີ 2018 ການນໍາເຂົ້າມີທັງຫມົດ 51 ລ້ານກວ່າລິດ ຄ່າພາສີອາກອນ 106 ຕື້ກວ່າກີບ ສ່ວນ 8 ເດືອນປີ 2019 ການນໍາເຂົ້າ 43 ລ້ານກວ່າລິດ ຄ່າພາສີອາກອນ 90 ຕື້ກວ່າກີບ ພາຫະນະການນໍາເຂົ້າ ບໍລິສັດ ລາວທານີ 8 ເດືອນປີ 2018 ມີ 650 ຄັນ ຄ່າພາສີອາກອນ 97 ຕື້ກວ່າກີບ ສ່ວນ 8 ເດືອນປີ 2013 ນໍາເຂົ້າ ພຽງ 55 ຄັນ ຄາພາສີອາກອນ 11,7 ຕື້ກີບ ປະເພດເຄື່ອງໃຊ້ໄຟຟ້າ ໃນຂະນະທີ່ສິນຄ້ານໍາເຂົ້າເພື່ອສົ່ງອອກ (ເຄື່ອງດື່ມຊູກໍາລັງ) ຍ້າຍໄປນໍາເຂົ້າ ທີ່ດ່ານພາສີສາກົນຂົວມິດຕະພາບ III ແລະ ອື່ນໆແທນ.

ຂະນະທີ່ ທ່ານນາງ ວົງວິໄລ ລອດປານີ ຮອງຫົວຫນ້າດ່ານພາສີສາກົນປາກຊັ້ນໄດ້ໃຫ້ຮູ້ວ່າ ອີກສາເຫດເຮັດໃຫ້ການພາສີສາກົນປາຊັ້ນບໍ່ສາດປະຕິບັດລາຍຮັບໄດ້ຕາມ ແຜນການເນື່ອງຈາກວ່ານແຫ່ງນີ້ມີ 8 ຂະແຫນງການເຮັດວຽກຮ່ວມກັນ ບວກກັບຈຸດທີ່ຕັ້ງຂອງດ່ານຢູ່ເທສະບານແຂວງ ສະພາບການອໍານວຍ ຄວາມສະດວກຍັງຖືກຈໍາກັດ ໂດຍສະເພາະທ່າຜູ້ໂດຍ ສານກັບທ່າສິນຄ້າໃຊ້ບ່ອນດຽວກັນ ສະຖານທີ່ຄັບແຄບສ່ຽງເກີດອຸບັດເຫດ ການຂົນສົ່ງ ສິນຄ້າໃຊ້ເຮືອບັກໃຫຍ່ເປັນພາຫະນະ ການຂົນສົ່ງສິນຄ້າຜ່ານດ່ານໃຊ້ເວລາດົນ ເດີ່ນບໍລິເວນສາງຍັງຢູ່ໃນຂັ້ນຕອນປັງປຸງ ການບໍລິການຍັງບໍ່ທັນ ເຂົ້າສູ່ລະບົບສາກົນແບບ CIQ ແລະ ຍັງມີຫຼາຍຂະແຫນງການເຮັດວຽກຜ່ານຫຼາຍຂອດຂັ້ນ ການປະຕິບັດມູນຄ່າແຈ້ງຕາມຫຼັກການຊື້-ຂາຍຕົວຈິງ ພົບຄວາມຫຍຸ້ງຍາກ ການຊໍາລະສະສາງທາງດ້ານເອກະສານສໍາລັບການນໍາເຂົ້າສິນຄ້າເຄື່ອງຂອງໂຄງການທີ່ໄດ້ຮັບບຸລິມະສິດຍັງຊັກຊ້າບໍ່ທັນ ຕາມກໍານົດເວລາ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເຖິງແນວໃດກໍ່ຕາມໃນ 4 ເດືອນທ້າຍປີ 2019 ຄະນະດ່ານພາສີປາກຊັນໄດ້ວາງຕົວເລກແຜນສູ້ຊົນໃຫ້ໄດ້ 170 ຕື້ກີບ ດ້ວຍການສືບຕໍ່ປະສານ ສົມທົບກັບກອງກວດພາສີປະຈໍາແຂວງໃນການຄຸ້ມຄອງຕິດຕາມສິນຄ້ານໍາເຂົ້າເພື່ອສົ່ງອອກ ສິນຄ້າຜ່ານດ່ານສາກົນ ແລະ ສິນຄ້ານໍາໃຊ້ ໂຄງການລົງທຶນຕ່າງໆ ຕິດຕາມການປະຕິບັດຫນ້າທີ່ຂອງພະນັກງານເພື່ອຕ້ານ ແລະ ສະກັດກັ້ນປາກົດການຫຍໍ້ທໍ້ ເຂັ້ມງວດການປະຕິບັດ 10 ຂໍ້.

ຫ້າມເພີ່ມທະວີການຄຸ້ມຄອງກວດກາສິນຄ້າເຂົ້າ-ອອກດ່ານ ຄຸ້ມຄອງການເກັບລາຍຮັບເຂົ້າງົບປະມານໃຫ້ຖຶກຕ້ອງຄົບຖ້ວນ ແລະ ທັນກໍານົດ ເວລາ ເຂັ້ມງວດໃນການປະຕິບັດຄໍາສັ່ງເລກທີ 15/ນຍ ໃຫ້ຖືກຕ້ອງຕາມກົດ ຫມາຍ ລວມເຖິງເອົາໃຈໃສ່ຕ້ານ ແລະ ສະກັດກັ້ນການລັກລອບຫນີ ພາສີທັງໃນດ່ານ ແລະ ນອກດ່ານເພື່ອບໍ່ໃຫ້ມີຊ່ອງຫວ່າງຮົ່ວໄຫຼ.

ແຫຼ່ງຂໍ້ມູນ: ລາວໂພສ

Hits: 3

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້