Sunday, June 23, 2024
Lenovo

ສ້າງຄວາມເຂົ້າໃຈ ລະບຽບກົດໝາຍສ່ວຍສາອາກອນ ໃຫ້ແກ່ຜູ້ປະກອບການທຸລະກິດ

ພະ​ແນກ​ສ່ວຍ​ສາ​ອາ­ກອນ ນະ­ຄອນ­ຫຼວງ​ວຽງ​ຈັນ (ນວ) ຈັດ​ກອງ​ປະ­ຊຸມ​ເຜີຍ­ແຜ່​ແນະ­ນຳ​ລະ­ບຽບ​ກົດ­ໝາຍ​ວ່າ​ດ້ວຍ​ສ່ວຍ​ສາ​ອາ­ກອນ ແລະ ວິ­ທີ​ການ​ເສຍ​ອາ­ກອນ​ຜ່ານ​ລະ­ບົບ TaxRIS ສຳ­ລັບ​ຜູ້​ປະ­ກອບ​ການ​ດ້ານ​ໂຮງ­ແຮມ ພັດ​ຕະ​ຄານ ແລະ ຮ້ານ​ອາ­ຫານ ຂຶ້ນ​ວັນ​ທີ 11 ກັນ­ຍາ 2019 ທີ່​ຫ້ອງ​ວ່າ­ການ​ປົກ­ຄອງ ນວ ເປັນ​ປະ­ທານ​ຂອງ​ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ ນວ ມີ​ທ່ານ ພູ​ທະ­ນູ​ເພັດ ໄຊ​ສົມ­ບັດ ຫົວ­ໜ້າ​ກົມ​ສ່ວນ​ສາ​ອາ­ກອນ ກະ­ຊວງ​ການ​ເງິນ ຫົວ­ໜ້າ ຮອງ​ຫົວ­ໜ້າ​ພະ​ແນກ​ສ່ວຍ​ສາ​ອາ­ກອນ ນວ ຜູ້​ປະ­ກອບ​ການ​ໂຮງ­ແຮມ ພັດ​ຕະ​ຄານ ຮ້ານ​ອາ­ຫານ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

ທ່ານ ຄຳ​ມ່ວນ ຄຳ​ບຸນ​ມີ ຮອງ​ຫົວ­ໜ້າ​ພະ​ແນກ​ກວດ­ກາ ຫຼັງ​ການ​ແຈ້ງ​ກົມ​ອາ­ກອນ ໄດ້​ຂຶ້ນ​ເຜີຍ­ແຜ່​ການ​ແຈ້ງ​ເສຍ​ອາ­ກອນ​ຜ່ານ​ລະ­ບົບ TaxRIS ໂດຍ​ຜ່ານ​ຂັ້ນ​ຕອນ​ຕ່າງໆ​ເລີ່ມ​ຈາກ​ການ​ແນະ­ນຳ​ໜ້າ​ຫຼັກ​ຂອງ​ເວັບ​ໄຊ taxser vice.mof.gov.la ລວມ​ທັງ​ສ່ວນ​ປະ­ກອບ​ຂອງ​ເວັບ​ໄຊ ພາຍ​ນອກ ເປັນ­ຕົ້ນ ຂ່າວ ແລະ ແຈ້ງ​ການ​ຕ່າງໆ ນິ­ຕິ​ກຳ​ສ່ວຍ​ສາ​ອາ­ກອນ ຄຳ​ແນະ­ນຳ ແບບ​ຟອມ ແລະ ວິ­ທີ​ການ​ຄິດ­ໄລ່​ດ້ວຍ​ຕົນ​ເອງ ຂໍ້​ມູນ​ຫ້ອງ­ການ​ສ່ວຍ​ສາ​ອາ­ກອນ ແລະ ແນະ­ນຳ​ການ​ໃຊ້ e-Service ຂໍ້​ມູນ​ຜູ້​ເສຍ​ອາ­ກອນ ຂໍ​ສະ­ໝັກ TIN ສະ­ໝັກ​ລະ­ຫັດ​ແຈ້ງ​ມອບ Online ພ້ອມ​ທັງ​ແນະ­ນຳ ຂັ້ນ​ຕອນ​ການ​ສ້າງ​ລະ­ຫັດ​ແຈ້ງ​ມອບ Online ສະ­ໝັກ​ຂໍ​ແຈ້ງ​ມອບ​ອາ­ກອນ​ຜ່ານ​ເວັບ​ໄຊ ລວມ​ໄປ​ເຖິງ​ວິ­ທີ​ການ​ແຈ້ງ​ມອບ ການ​ຄິດ­ໄລ່ ການ​ອອກ​ໃບ​ແຈ້ງ​ມອບ​ອາ­ກອນ ເຊິ່ງ​ຊ່ອງ​ທາງ​ໃນ​ການ​ແຈ້ງ​ມອບ​ອາ­ກອນ​ມີ 2 ຊ່ອງ​ທາງ ຄື:

ການ​ແຈ້ງ​ຢູ່​ສູນ​ບໍ­ລິ­ການ​ຂອງ​ສຳ­ນັກ­ງານ​ສ່ວຍ​ສາ​ອາ­ກອນ​ບ່ອນ​ທີ່​ຂຶ້ນ​ທະ­ບຽນ ແຈ້ງ​ໂດຍ​ການ​ບັນ­ທຶກ​ຂໍ້​ມູນ​ເຂົ້າ​ໃນ​ລະ­ບົບ​ໃບ​ແຈ້ງ​ຕາມ​ເວບ​ໄຊ ປະ­ເພດ​ອາ­ກອນ​ທີ່​ຜູ້​ເສຍ​ອາ­ກອນ​ສາ­ມາດ​ແຈ້ງ​ມອບ​ອາ­ກອນ​ຢູ່​ໃນ​ລະ­ບົບ​ນີ້​ໄດ້ ອາ­ກອນ​ແຈ້ງ​ມອບ​ປົກ­ກະ­ຕິ ອາ­ກອນ​ມູນ​ຄ່າ​ເພີ່ມ ອາ­ກອນ​ຊົມ­ໃຊ້ ອາ­ກອນ​ເງິນ­ເດືອນ ອາ­ກອນ​ກຳ­ໄລ ອາ­ກອນ​ທີ່​ຫັກ​ໄວ້​ເວ­ລາ​ຈ່າຍ​ຄ່າ​ທຳ­ນຽມ ແລະ ລາຍ​ຮັບ​ວິ­ຊາ​ການ​ຕ່າງໆ (ສຳ­ລັບ​ພາກ​ລັດ) ກອງ​ປະ­ຊຸມ​ຍັງ​ໄດ້​ຮັບ​ຟັງ​ກົດ­ໝາຍ​ສ່ວຍ​ສາ​ອາ­ກອນ ແລະ ເປີດ​ໂອ­ກາດ​ໃຫ້​ຜູ້​ເຂົ້າ​ຮ່ວມ​ໄດ້​ຊັກ​ຖາມ​ປະ­ກອບ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ ເພື່ອ​ໃຫ້​ມີ​ຄວາມ​ກະ­ຈ່າງ​ແຈ້ງ ແລະ ເປັນ​ເອ­ກະ​ພາບ​ກັນ​ໃນ​ການ­ຈັດ­ຕັ້ງ​ປະ­ຕິ­ບັດ.

ທ່ານ ອາດ​ສະ­ພັງ​ທອງ ສີ​ພັນ​ດອນ ກ່າວ​ວ່າ:

ກອງ​ປະ­ຊຸມ​ຄັ້ງ​ນີ້​ມີ​ຄວາມ​ໝາຍ​ສຳ­ຄັນ ແລະ ຈຳ­ເປັນ ໂດຍ​ສະ­ເພາະ​ເປັນ​ການ​ສ້າງ​ຄວາມ​ເຂົ້າ­ໃຈ ທີ່​ເປັນ​ເອ­ກະ​ພາບ​ກັນ​ຂອງ​ຜູ້​ປະ­ກອບ​ການ​ໃຫ້​ຮັບ​ຮູ້​ເຊື່ອມ​ຊຶມ​ເຂົ້າ­ໃຈ​ຕໍ່​ລະ­ບຽບ​ການ ແລະ ກົດ­ໝາຍ​ກ່ຽວ​ກັບ​ສ່ວຍ​ສາ​ອາ­ກອນ ເຮັດ​ໃຫ້­ການ​ດຳ­ເນີນ​ທຸ­ລະ​ກິດ​ເປັນ​ໄປ​ຕາມ​ລະ­ບຽບ​ກົດ­ໝາຍ ສອດ ຄ່ອງ​ກັບ​ແບບ­ແຜນ​ນະ­ໂຍ­ບາຍ​ຂອງ​ພັກ-ລັດ­ຖະ­ບານ ໃນ​ການ​ຫັນ​ທຸກ​ວຽກ​ງານ​ຂະ­ແໜງ­ການ​ເຂົ້າ​ສູ່​ລະ­ບຽບ​ກົດ­ໝາຍ ເຮັດ​ໃຫ້​ມີ​ຄວາມ​ໂປ່ງ​ໃສ ກວດ​ສອບ​ໄດ້ ສະ­ດວກ​ໃນ​ການ​ຄຸ້ມ​ຄອງ​ສາ­ມາດ​ຮັກ­ສາ​ໄດ້​ສິດ­ຜົນ­ປະ­ໂຫຍດ​ອັນ​ຊອບ​ທຳ​ຂອງ​ປະ­ຊາ­ຊົນ ເຮັດ​ໃຫ້​ກາຍ­ເປັນ​ລັດ​ແຫ່ງ​ກົດ­ໝາຍ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

ພະ​ແນກ​ສ່ວຍ​ສາ​ອາ­ກອນ ນະ­ຄອນ­ຫຼວງ​ວຽງ​ຈັນ (ນວ) ຈັດ​ກອງ​ປະ­ຊຸມ​ເຜີຍ­ແຜ່​ແນະ­ນຳ​ລະ­ບຽບ​ກົດ­ໝາຍ​ວ່າ​ດ້ວຍ​ສ່ວຍ​ສາ​ອາ­ກອນ ແລະ ວິ­ທີ​ການ​ເສຍ​ອາ­ກອນ​ຜ່ານ​ລະ­ບົບ TaxRIS ສຳ­ລັບ​ຜູ້​ປະ­ກອບ​ການ​ດ້ານ​ໂຮງ­ແຮມ ພັດ​ຕະ​ຄານ ແລະ ຮ້ານ​ອາ­ຫານ ຂຶ້ນ​ວັນ​ທີ 11 ກັນ­ຍາ 2019 ທີ່​ຫ້ອງ​ວ່າ­ການ​ປົກ­ຄອງ ນວ ເປັນ​ປະ­ທານ​ຂອງ​ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ ນວ ມີ​ທ່ານ ພູ​ທະ­ນູ​ເພັດ ໄຊ​ສົມ­ບັດ ຫົວ­ໜ້າ​ກົມ​ສ່ວນ​ສາ​ອາ­ກອນ ກະ­ຊວງ​ການ​ເງິນ ຫົວ­ໜ້າ ຮອງ​ຫົວ­ໜ້າ​ພະ​ແນກ​ສ່ວຍ​ສາ​ອາ­ກອນ ນວ ຜູ້​ປະ­ກອບ​ການ​ໂຮງ­ແຮມ ພັດ​ຕະ​ຄານ ຮ້ານ​ອາ­ຫານ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

ທ່ານ ຄຳ​ມ່ວນ ຄຳ​ບຸນ​ມີ ຮອງ​ຫົວ­ໜ້າ​ພະ​ແນກ​ກວດ­ກາ ຫຼັງ​ການ​ແຈ້ງ​ກົມ​ອາ­ກອນ ໄດ້​ຂຶ້ນ​ເຜີຍ­ແຜ່​ການ​ແຈ້ງ​ເສຍ​ອາ­ກອນ​ຜ່ານ​ລະ­ບົບ TaxRIS ໂດຍ​ຜ່ານ​ຂັ້ນ​ຕອນ​ຕ່າງໆ​ເລີ່ມ​ຈາກ​ການ​ແນະ­ນຳ​ໜ້າ​ຫຼັກ​ຂອງ​ເວັບ​ໄຊ taxser vice.mof.gov.la ລວມ​ທັງ​ສ່ວນ​ປະ­ກອບ​ຂອງ​ເວັບ​ໄຊ ພາຍ​ນອກ ເປັນ­ຕົ້ນ ຂ່າວ ແລະ ແຈ້ງ​ການ​ຕ່າງໆ ນິ­ຕິ​ກຳ​ສ່ວຍ​ສາ​ອາ­ກອນ ຄຳ​ແນະ­ນຳ ແບບ​ຟອມ ແລະ ວິ­ທີ​ການ​ຄິດ­ໄລ່​ດ້ວຍ​ຕົນ​ເອງ ຂໍ້​ມູນ​ຫ້ອງ­ການ​ສ່ວຍ​ສາ​ອາ­ກອນ ແລະ ແນະ­ນຳ​ການ​ໃຊ້ e-Service ຂໍ້​ມູນ​ຜູ້​ເສຍ​ອາ­ກອນ ຂໍ​ສະ­ໝັກ TIN ສະ­ໝັກ​ລະ­ຫັດ​ແຈ້ງ​ມອບ Online ພ້ອມ​ທັງ​ແນະ­ນຳ ຂັ້ນ​ຕອນ​ການ​ສ້າງ​ລະ­ຫັດ​ແຈ້ງ​ມອບ Online ສະ­ໝັກ​ຂໍ​ແຈ້ງ​ມອບ​ອາ­ກອນ​ຜ່ານ​ເວັບ​ໄຊ ລວມ​ໄປ​ເຖິງ​ວິ­ທີ​ການ​ແຈ້ງ​ມອບ ການ​ຄິດ­ໄລ່ ການ​ອອກ​ໃບ​ແຈ້ງ​ມອບ​ອາ­ກອນ ເຊິ່ງ​ຊ່ອງ​ທາງ​ໃນ​ການ​ແຈ້ງ​ມອບ​ອາ­ກອນ​ມີ 2 ຊ່ອງ​ທາງ ຄື:

ການ​ແຈ້ງ​ຢູ່​ສູນ​ບໍ­ລິ­ການ​ຂອງ​ສຳ­ນັກ­ງານ​ສ່ວຍ​ສາ​ອາ­ກອນ​ບ່ອນ​ທີ່​ຂຶ້ນ​ທະ­ບຽນ ແຈ້ງ​ໂດຍ​ການ​ບັນ­ທຶກ​ຂໍ້​ມູນ​ເຂົ້າ​ໃນ​ລະ­ບົບ​ໃບ​ແຈ້ງ​ຕາມ​ເວບ​ໄຊ ປະ­ເພດ​ອາ­ກອນ​ທີ່​ຜູ້​ເສຍ​ອາ­ກອນ​ສາ­ມາດ​ແຈ້ງ​ມອບ​ອາ­ກອນ​ຢູ່​ໃນ​ລະ­ບົບ​ນີ້​ໄດ້ ອາ­ກອນ​ແຈ້ງ​ມອບ​ປົກ­ກະ­ຕິ ອາ­ກອນ​ມູນ​ຄ່າ​ເພີ່ມ ອາ­ກອນ​ຊົມ­ໃຊ້ ອາ­ກອນ​ເງິນ­ເດືອນ ອາ­ກອນ​ກຳ­ໄລ ອາ­ກອນ​ທີ່​ຫັກ​ໄວ້​ເວ­ລາ​ຈ່າຍ​ຄ່າ​ທຳ­ນຽມ ແລະ ລາຍ​ຮັບ​ວິ­ຊາ​ການ​ຕ່າງໆ (ສຳ­ລັບ​ພາກ​ລັດ) ກອງ​ປະ­ຊຸມ​ຍັງ​ໄດ້​ຮັບ​ຟັງ​ກົດ­ໝາຍ​ສ່ວຍ​ສາ​ອາ­ກອນ ແລະ ເປີດ​ໂອ­ກາດ​ໃຫ້​ຜູ້​ເຂົ້າ​ຮ່ວມ​ໄດ້​ຊັກ​ຖາມ​ປະ­ກອບ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ ເພື່ອ​ໃຫ້​ມີ​ຄວາມ​ກະ­ຈ່າງ​ແຈ້ງ ແລະ ເປັນ​ເອ­ກະ​ພາບ​ກັນ​ໃນ​ການ­ຈັດ­ຕັ້ງ​ປະ­ຕິ­ບັດ.

ທ່ານ ອາດ​ສະ­ພັງ​ທອງ ສີ​ພັນ​ດອນ ກ່າວ​ວ່າ:

ກອງ​ປະ­ຊຸມ​ຄັ້ງ​ນີ້​ມີ​ຄວາມ​ໝາຍ​ສຳ­ຄັນ ແລະ ຈຳ­ເປັນ ໂດຍ​ສະ­ເພາະ​ເປັນ​ການ​ສ້າງ​ຄວາມ​ເຂົ້າ­ໃຈ ທີ່​ເປັນ​ເອ­ກະ​ພາບ​ກັນ​ຂອງ​ຜູ້​ປະ­ກອບ​ການ​ໃຫ້​ຮັບ​ຮູ້​ເຊື່ອມ​ຊຶມ​ເຂົ້າ­ໃຈ​ຕໍ່​ລະ­ບຽບ​ການ ແລະ ກົດ­ໝາຍ​ກ່ຽວ​ກັບ​ສ່ວຍ​ສາ​ອາ­ກອນ ເຮັດ​ໃຫ້­ການ​ດຳ­ເນີນ​ທຸ­ລະ​ກິດ​ເປັນ​ໄປ​ຕາມ​ລະ­ບຽບ​ກົດ­ໝາຍ ສອດ ຄ່ອງ​ກັບ​ແບບ­ແຜນ​ນະ­ໂຍ­ບາຍ​ຂອງ​ພັກ-ລັດ­ຖະ­ບານ ໃນ​ການ​ຫັນ​ທຸກ​ວຽກ​ງານ​ຂະ­ແໜງ­ການ​ເຂົ້າ​ສູ່​ລະ­ບຽບ​ກົດ­ໝາຍ ເຮັດ​ໃຫ້​ມີ​ຄວາມ​ໂປ່ງ​ໃສ ກວດ​ສອບ​ໄດ້ ສະ­ດວກ​ໃນ​ການ​ຄຸ້ມ​ຄອງ​ສາ­ມາດ​ຮັກ­ສາ​ໄດ້​ສິດ­ຜົນ­ປະ­ໂຫຍດ​ອັນ​ຊອບ​ທຳ​ຂອງ​ປະ­ຊາ­ຊົນ ເຮັດ​ໃຫ້​ກາຍ­ເປັນ​ລັດ​ແຫ່ງ​ກົດ­ໝາຍ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ອອກກຳລັງກາຍ ອີກໜຶ່ງວິທີຊ່ວຍຫຼຸດຜ່ອນອາການ “ໂຣກຊຶມເສົ້າ”

“ໂຣກຊຶມເສົ້າ” ເປັນອີກໂຣກໜຶ່ງທີ່ໜ້າເປັນຫ່ວງໃນປັດຈຸບັນ ໂດຍສະເພາະແມ່ນໄວໜຸ່ມ ໄປຈົນຮອດຜູ້ສູງອາຍຸ, ການກິນຢາເພື່ອປິ່ນປົວ “ໂຣກຊຶມເສົ້າ” ກໍເປັນພຽງທາງອອກໜຶ່ງເທົ່ານັ້ນ, ແຕ່ເພື່ອເພີ່ມຄວາມຜ່ອນຄາຍໃຫ້ກັບຜູ້ປ່ວຍໂຣກນີ້ “ການອອກກຳລັງກາຍ” ຈຶ່ງເປັນອີກຕົວເລືອກທີ່ດີ ເພື່ອເຮັດໃຫ້ສຸຂະພາບຮ່າງກາຍແຂງແຮງ ແລະ ມີສຸຂະພາບຈິດທີ່ດີຂຶ້ນ.

VietJet ເພີ່ມທະວີ​ການ​ເຊື່ອມ​ຕໍ່​ສູ່ເມືອງທີ່ຕິດກັບທະເລ​ຂອງ​ຫວຽດ​ນາມ ເພື່ອຕ້ອນຮັບ​ນັກ​ທ່ອງ​ທ່ຽວ​ໃນຊ່ວງ​ລະດູ​ຮ້ອນ

(ນະຄອນຫຼວງວຽງຈັນ  ວັນທີ 20 ມິຖຸນາ 2024) ໃນລະດູຮ້ອນທີ່ໃກ້ຈະມາເຖິງນີ້, VietJet ໄດ້ມີການຂະຫຍາຍທາງເລືອກສຳລັບບັນດາຜູ້ທີ່ມັກຫາດຊາຍທີ່ສວາຍງາມ ດ້ວຍການເພີ່ມຖ້ຽວບິນໄປຫາບັນດາແຫຼ່ງທ່ອງທ່ຽວແຄມທະເລທີ່ມີຊື່ສຽງຂອງຫວຽດນາມ ຄື: Nha Trang ແລະ Phu Quoc, ໃນຂະນະດຽວກັນກໍໄດ້ສືບຕໍ່ຂະຫຍາຍຖ້ຽວບິນສາກົນຢ່າງຕໍ່ເນື່ອງ.

ງົດອາຫານຍາມບ່າຍ ດີຕໍ່ລຳໄສ້ນ້ອຍ

ລຳໄສ້ນ້ອຍປຽບດັ່ງໂຮງງານ ທີ່ປ່ຽນຮູບອາຫານ ໃຫ້ມີຂະໜາດນ້ອຍລົງຈົນຮ່າງກາຍ ສາມາດດູດຊຶມໄປໃຊ້ໄດ້. ດັ່ງນັ້ນ ມັນຈຶ່ງມີເວລາເຮັດວຽກ ແລະ ຕ້ອງການເວລາສຳລັບພັກຜ່ອນຄືກັນ.