Friday, July 19, 2024
Lenovo

ລືມແລ້ວບໍ່? “ໝາກແຫຼະ” ຫຼື ໝາກບ້າ ພືດພື້ນບ້ານທີ່ຫຼາຍຄົນເຄີຍຫຼິ້ນ (Callingcard vine)

ບັນຍາຍລັກສະນະພືດສາດ

ເຄືອໝາກບ້າຈັດເປັນພັນໄມ້ເຄືອເນື້ອແຂງ, ເລືອພາດຕາມຕົ້ນໄມ້ໃຫຍ່, ຕາມກິ່ງມີຂົນ. ໃບປະກອບແບບຂົນນົກ 2 ຊັ້ນ ປາຍໃບຄູ່, ອອກລຽງສະຫຼັບ, ກ້ານໃບຍາວປະມານ 1.8-4 ຊມ, ມີໃບຍ່ອຍ 5-8 ຄູ່ ອອກລຽງກົງ ກັນຂ້າມກັນ, ໃບມີຂະໜາດປະມານ 0.5-1.7 ຊມ ແລະ ຍາວປະມານ 1.2-4 ຊມ. ອອກດອກເປັນຊໍ່ກະຈະ ໂດຍອອກຢູ່ງ່າມໃບ ຍາວປະມານ 7-12 ຊມ, ກີບດອກເປັນສີຂາວແກມເຫຼືອງມີ 5 ກີບ, ແຍກກັນ, ລັກສະນະຂອງກີບດອກເປັນຮູບຫອກ ຫຼື ຮູບຂອບຂະໜານ.

sea bean Entada rheedii

ໝາກມີລັກສະນະເປັນຝັກຮູບຂອບຂະໜານ, ແປ, ໂຄ້ງງໍ ແລະ ມີຮອຍຄອດຕາມແກ່ນ, ຝັກມີຂະໜາດກວ້າງປະມານ 2.2-2.6 ຊມ ແລະ ຍາວໄດ້ 35 ຊມ, ຝັກເປັນສີນໍ້າຕານ ເປືອກດ້ານນອກຂ້ອນຂ້າງໜາ ເມື່ອແກ່ຈະຫັກເປັນທ່ອນໆ ແຕ່ລະທ່ອນຈະມີແກ່ນ 1 ແກ່ນ, ແກ່ນມີລັກສະນະເປັນຮູບເກືອບກົມ, ແປ ເປືອກນອກແຂງເປັນສີນໍ້າຕານ.ບັນຍາຍການນຳໃຊ້

ປະໂຫຍດ ແລະ ສັບພະຄຸນ:
– ຕາມຕໍາລາຢາໄທຈະໃຊ້ເນື້ອຂອງແກ່ນດິບ ນໍາມາເຜົາໄຟໃຫ້ແຫມດໍາແລ້ວປະສົມກັບຢາອື່ນໆ ຮັບປະທານເປັນຢາແກ້ໄຂພິດເຊື່ອງຊືມໄດ້.
– ເນື້ອໃນແກ່ນດິບ ມີລົດເບື່ອເມົາ ໃຊ້ເປັນຢາແກ້ພະຍາດຜິວໜັງ, ຜື່ນຄັນ, ພະຍາດມະເຮັງ, ຂ້າເຊື້ອແບັກທີເລຍ ແລະ ເປັນຢາເບື່າເມົາ.
– ຢາພື່ນບ້ານອີສານຈະໃຊ້ແກ່ນ ຫຼື ຮາກຂອງເຄືອໝາກບ້າ ນໍາມາຝົນກັບເຫຼົ້າທາ ແລະ ຝົນກັບນໍ້າກິນເປັນຢາແກ້ພະຍາດຜິວໜັງ…
– ທັ້ງຕົ້ນໃຊ້ປະສົມກັບລູກປະຄົບເປັນຢາແກ້ປວດຂໍ້, ປວດເມືອຍ.
– ຍອດອ່ອນສາມາດນຳມາລວກເປັນຜັກແຈ່ວ ຫຼື ໃຊ້ຊູບຜັກປົນກັບຜັກຊະນິດອື່ນໆ.
– ນອກນັ້ນແກ່ນຍັງໃສ່ເປັນເຄື່ອງກີລາພື້ນເມືອງຊະນິດໜື່ງເອີ້ນວ່າ ຫຼີ້ນໝາກແລ ຫຼື ຫລີ້ນໝາກບ້ານັ້ນເອງ.

ເອກະສານອ້າງອີງ / ການອ້າງອີງ

  1. ຖານຂໍ້ມູນສະໝຸນໄພ ຄະນະເພສັດສາດ ມະຫາວິທະຍາໄລອຸບົນລາດສະຖານີ. 2019. ສະບ້າລິງ. Phargarden.

2. Touchkanin Jonjitvimol, Pisit Poolprasert. 2014. Pollen Sources of Stingless Bees (Hymenoptera: Meliponinae) in Nam Nao National Park, Thailand. International Journal ofScience. Pages 1-10.

3. Bethany G. Elkington, Phaivanh Phiapalath, Kongmany Sydar, Vongtakoune Somsamouth, Nichole I. Goodsmith, D. Doel Soejarto. 2014. Assessment of the importance of medicinal plants among communities around Khiat Ngong of Southern Laos. Journal of Environmental Biology. Vol 35. Pages 607-615. ISSN 0254-8704.

4. Kumar, S. & Sane, P.V. 2003. Legumes of South Asia. A Checklist: 1-536. Royal Botanic Gardens, Kew.

5. Medthai. 2017. ສະບ້າລິງ ສັບພະຄຸນ ແລະ ປະໂຫຍດຂອງຕົ້ນສະບ້າລິງ 4 ຂໍ້ (ສົນຂີ້ມົດ).

6. Nielsen, I. 1981. Leg-Mim. In: Flore du Cambodge, du Laos et Viet-nam, Vol 19. A.The Legume Phylogeny Working Group (LPWG). 2017. A

7. new subfamily classification of the Leguminosae based on a taxonomically comprehensive phylogeny”. Taxon. 66 (1): 44–77.

ຜູ້ຮ່ວມມືໃນການສ້າງ Soulivanh BOUNTHAMY

ແຫຼ່ງຂໍ້ມູນ: ພາເຂົ້າລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ