Friday, July 19, 2024
Lenovo

4 ເຂື່ອນນໍ້າອູໄລຍະ II ຈະຜະລິດໄຟຟ້າຂາຍ ໃນປີ 2020

ທີ່ແຂວງຫຼວງພະບາງ ໄດ້ມີກອງປະຊຸມຄະນະກຳມະການຊີ້ນຳຮ່ວມໂຄງການເຂື່ອນໄຟຟ້ານໍ້າອູ1, 3, 4 ແລະນໍ້າອູ 7 ຄັ້ງທີ 3 ໂດຍພາຍໃຕ້ການເປັນປະທານຂອງ ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານແລະບໍ່ແຮ່, ມີບັນດາຮອງລັດຖະມົນຕີ, ຮອງເຈົ້າແຂວງຫຼວງພະບາງ,ຜົ້ງສາລີ, ບັນ ດາບໍລິສັດ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ຄຳມະນີ ອິນທິລາດ ກ່າວວ່າ:

ໂຄງການກໍ່ສ້າງເຂື່ອນໄຟຟ້ານໍ້າອູ 1, 3, 4 ແລະນໍ້າອູ 7 ເປັນໂຄງການໄລຍະທີ II ທີ່ສືບຕໍ່ໂຄງການເຂື່ອນໄຟຟ້ານໍ້າອູ 2,5 ແລະນໍ້າອູ 6 ທີ່ສ້າງສຳເລັດ ແລະດຳເນີນການຜະລິດໄຟຟ້າຕັ້ງແຕ່ຕົ້ນປີ 2016 ເປັນຕົ້ນມາ, ການພັດທະນາໃນໄລຍະ 2 ແມ່ນໄດ້ເຊັນສັນຍາສຳປະທານໂດຍກວມ ເອົາ 4 ເຂື່ອນຄື:

ນໍ້າອູ 1,ນໍ້າອູ 3,ນໍ້າອູ 4 ແລະນໍ້າອູ 7 ທີ່ເຊັນສັນຍາໃນທ້າຍເດືອນ ສິງຫາ 2015 ລະຫວ່າງລັດຖະບານ ແຫ່ງ ສປປ ລາວ ກັບບໍລິສັດໄຟຟ້ານ້ຳອູຈຳກັດລວມມີກຳລັງຕິດຕັ້ງ 4 ເຂື່ອນ 732 ເມກາວັດ (MW), ສາມາດຜະລິດ ພະລັງງານໄຟຟ້າໄດ້ສະເລ່ຍ 2.874 ກິ ກາວັດໂມງຕໍ່ປີ (Gwh/ປີ) ມູນຄ່າການ ກໍ່ສ້າງໂຄງການ 1.712 ລ້ານໂດລາ, ມີ ອາຍຸສຳປະທານ 29 ປີນັບຈາກມື້ຂາຍໄຟ ຟ້າເປັນທາງການ, ໃນລາຄາໄຟຟ້າສະ ເລ່ຍຕະຫຼອດອາຍຸສຳປະທານແມ່ນ 6,65 Uscent/kwh ແລະຈະເລີ່ມຂາຍ ໄຟຟ້າໃນປີ2020.

ທ່ານ ຄຳມະນີ ອິນທິລາດ ກ່າວຕື່ມ ວ່າ: ໃນແຜນການພັດທະນາພະລັງງານ ໄຟຟ້າຂອງ ສປປ ລາວ ຮອດປີ 2020 ໃຫ້ບັນລຸເປົ້າໝາຍການຜະລິດໄຟຟ້າ ເຖິງ 60 ແຫ່ງດຽວນີ້ໄດ້ກໍ່ສ້າງສຳເລັດໄປແລ້ວ 38 ແຫ່ງ ດ້ວຍການລົງທຶນ10 ກວ່າຕື້ໂດລາ, ກຳລັງຕິດຕັ້ງ 6.265 ເມກາວັດໃນນີ້ມີເຂື່ອນໄຟຟ້ານ້ຳງື່ມ 2, ເທີນຫີນບູນພາກຂະຫຍາຍ, ນໍ້າງຽບ 2, ນໍ້າອູ 2, 5, 6, ນໍ້າຄານ 2 ແລະໂຮງງານ ໄຟຟ້າຄວາມຮ້ອນຫົງສາລິກໄນເປັນຕົ້ນ, ນອກນີ້ໂຄງການທີ່ກຳລັງກໍ່ສ້າງເປັນຕົ້ນແມ່ນເຂື່ອນໄຟຟ້ານໍ້າຂອງໄຊຍະບູລີ, ດອນສະໂຮງ, ນໍ້າງື່ມ 3, ນໍ້າງຽບ1, ເຊ ປຽນ-ເຊນໍ້ານ້ອຍ ແລະລວມທັງໂຄງການ ເຂື່ອນໄຟຟ້ານໍ້າອູໄລຍະ II ໂດຍມີລະບົບສາຍສົ່ງແຮງສູງ 5.200 ກິໂລແມັດ, ແຮງກາງ 26 ພັນກິໂລແມັດ ແລະແຮງ ຕໍ່າ17.560 ກິໂລແມັດ, ມີສະຖານີ 53 ແຫ່ງຈ່າຍໄຟຟ້າ ໂດຍມີເປົ້າໝາຍເພື່ອສະໜອງໄຟຟ້າໃຫ້ແກ່ການຊົມໃຊ້ຢູ່ພາຍໃນປະເທດໄດ້ຢ່າງທົ່ວເຖິງ ແລະພຽງພໍກັບຄວາມຕ້ອງການໃນການພັດທະນາເສດຖະກິດ-ສັງຄົມຂອງ ສປປ ລາວ ໂດຍສະເພາະການພັດທະນາຂະແໜງອຸດສາຫະກຳພະລັງງານ ແລະບໍ່ແຮ່ໃຫ້ຂະຫຍາຍຕົວຕາມແນວທາງຫັນເປັນອຸດສາຫະກຳ ແລະທັນສະໄໝຕາມທິດສັງຄົມນິຍົມຢູ່ ໃນປະເທດເຮົາ.

ປະຈຸບັນເຂື່ອນໄຟຟ້ານໍ້າອູສຳເລັດຫຼາຍໜ້າວຽກພ້ອມທັງໄດ້ສຳເລັດການກໍ່ສ້າງ ແລະມອບບ້ານຈັດສັນໃໝ່ຂອງໂຄງການເຂື່ອນໄຟຟ້ານໍ້າອູ 4 ຈຳນວນ6 ບ້ານເມືອງຂວາ 5 ບ້ານ ແລະເມືອງໃໝ ່1 ບ້ານໃນນັ້ນເຮືອນຂະໜາດ 50 ຕາແມັດ ມີ25 ຫຼັງ, 65 ຕາແມັດ 130 ຫຼັງ ແລະ ຂະໜາດ 85 ຕາແມັດ 39 ຫຼັງມີສຸກສາລາ 1 ຫຼັງ ແລະໂຮງຮຽນປະຖົມ 6 ຫຼັງ, ພ້ອມກັນນັ້ນຍັງມີວຽກບໍ່ທັນຈັດຕັ້ງປະ ຕິບັດໃນເຂື່ອນໄຟຟ້ານໍ້າອູ 4 ແລະ 7 ເປັນ ຕົ້ນການຈ່າຍເງິນຊົດເຊີຍໃຫ້ແກ່ປະຊາຊົນທີ່ໄດ້ຮັບຜົນກະທົບ, ການຈັດສັນທີ່ດິນຕາມ 8 ປະເພດທີ່ດິນ ແລະການອອກໃບຕາດິນຖາວອນ, ການປະເມີນສຸຂະພາບ, ການສະໜັບສະໜູນສວນປູກພືດຜັກພາຍໃນບ້ານຈັດສັນໃໝ່ ແລະປັບປຸງທາງດ້ານເຕັກນິກໃໝ່ໃນປີທຳອິດຫຼັງຈາກຍົກຍ້າຍເຂົ້າມາ.

ສະເພາະເຂື່ອນໄຟຟ້ານໍ້າອູ 1 ມີກຳ ລັງຕິດຕັ້ງ 180 ເມກາວັດ ສ້າງສຳເລັດ ແລ້ວ 71,07%, ນໍ້າອູ 3 ມີກຳລັງຕິດຕັ້ງ 210 ເມກາວັດ, ໜ້າວຽກໂດຍລວມ ສຳເລັດ 59,83%, ນໍ້າອູ 4 ກຳລັງຕິດ ຕັ້ງ 132 ເມກາວັດ ຄືບໜ້າ 71,93% ແລະເຂື່ອນນໍ້າອູ 7 ກຳລັງຕິດຕັ້ງ 210 ເມກາວັດມີຄວາມໜ້າແລ້ວ 72%.

ແຫຼ່ງຂໍ້ມູນ: ໜັງສືພິມເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ