Friday, March 29, 2024
Lenovo

ນະຄອນຫຼວງ ຈູດ​ທຳລາຍ​ຢາ​ເສບ​ຕິດ​ຫຼາຍ​ກວ່າ 700 ກິ​ໂລ

ເນື່ອງ​ໃນ​ໂອກາດ​ວັນ​ແຫ່ງ​ຊາດ​ຕ້ານ​ຢາ​ເສບ​ຕິດ ຄົບຮອບ 18 ປີ (12/10/2001-12/10/2019) ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ນະຄອນຫຼວງ​ວຽງ​ຈັນ ( ​ປກສ ນວ) ໄດ້​ຈັດ​ພິທີ​ຈູດ​ທຳລາຍ​ຢາ​ເສບ​ຕິດ​ທີ່​ຢຶດ​ໄດ້​ຈາກ​ຜູ້​ຄ້າຂາຍ​ໃນ​ຜ່ານ​ມາ​ຂຶ້ນ​ວັນ​ທີ 12 ຕຸລາ 2019.

ທີ່​ເດີ່ນ​ສຳນັກງານ​ປົກຄອງ​ເມືອງ​ໄຊ​ທານີ (ຫຼັງ​ໃໝ່) ເຂດ​ດົງ​ໝາກຄາຍ ມີ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນວ ທ່ານ ພົນ​ຕີ ສົມ​ຫວັງ ທຳ​ມະ​ສິດ ຮອງ​ລັດຖະມົນຕີ ຜູ້​ຊີ້​ນຳ​ວຽກ​ງານ​ກວດກາ ແລະ ຄວບ​ຄຸມ​ຢາ​ເສບ​ຕິດ​ກະຊວງ​ປ້ອງ​ກັນ​ຄວາມ​ສະຫງົບ ພ້ອມ​ດ້ວຍ​ທູຕານຸທູດ ອົງ​ການຈັດຕັ້ງ​ສາກົນ ການ​ນຳ ນວ ເຈົ້າ​ໜ້າທີ່​ຕຳຫຼວດ ພະນັກງານ ຊາວ​ໜຸ່ມ-ເຍົາວະ​ຊົນ ແລະ ພາກສ່ວນ​ກ່ຽວຂ້ອງ ເຂົ້າ​ຮ່ວມ.

ທ່ານ ​ພົ​ຈວ ບຸບຜາ ສີ​ພົມມາ ຫົວໜ້າ​ກອງ​ບັນຊາ​ການ ​ປກສ ນວ ໄດ້​ກ່າວ​ວ່າ:

ການ​ຈູດ-ທຳລາຍ​ຢາ​ເສບ​ຕິດ​ຄັ້ງ​ນີ້​ເປັນ​ການ​ທຳລາຍ​ຢາ​ເສບ​ຕິດ​ທີ່​ສານ​ຕັດສິນ​ແລ້ວ​ມາ​ຈາກ​ກົມ​ຕຳຫຼວດ 303 ແລະ ທົ່ວ ​ປກສ ນວ ປະກອບ​ມີ​ຢາ​ບ້າ 385,94 ກິ​ໂລ ເຮ​ໂລ​ອິນ 93,4 ກິ​ໂລ ຢາ​ໄອສ໌ 37,6 ກິ​ໂລ ກັນຊາ​ແຫ້ງ 8 ກິ​ໂລ ແປ້ງ​ເຮັດ​ຢາ​ບ້າ 67 ກິ​ໂລ ແປ້ງ​ຄາ​ເຟ​ອິນ 41 ເປົາ ໂຣ​ເດຍ​ໂອມ 64 ກິ​ໂລ ຣິ​ຊິ​​ສ​ເດ 18 ກິ​ໂລ ແປ້ງ​ສີ​ຄຣີມ 310 ກິ​ໂລ ແປ້ງ​ຝຸ່ນ​ສີຂາວ 8,89 ກິ​ໂລ ແປ້ງ​ຝຸ່ນ​ສີ​ສົ້ມ 67 ກຼາມ  ແປ້ງ​ຝຸ່ນ​ສີ​ບົວ​ກຸຫຼາບ+ບົວ​ປູນ 113 ກຼາມ ແປ້ງ​ສີແດງ​ຊ້ຳ 56 ກຼາມ ແປ້ງ​ສີແດງ 17,2 ກິ​ໂລ ໂສດາ​ໄຟ 17ເປົາ ໃບ​ຕົ້ນ​ແຄັດ 39,2 ກິ​ໂລ  ແລະ ແປ້ງ​ຄາ​ເຟ​ອິນ+ໂສດາ​ໄຟ 58 ເປົາ ລວມ​ທັງ​ໝົດ 741 ກິ​ໂລ.

ເພື່ອ​ຈັດ​ຕັ້ງ​ປະຕິບັດ​ແຜນການ​ສະກັດ​ກັ້ນ ແລະ ຕ້ານ​ຢາ​ເສບ​ຕິດ ໃນ​ໜຶ່ງ​ປີຜ່ານມາ​ໄດ້​ເອົາໃຈໃສ່​ບາງ​ວຽກ​ສຳຄັນ ໂດຍ​ສະເພາະ​ປະກອບສ່ວນ​ເຂົ້າ​ໃນ​ການຈັດຕັ້ງ​ປະຕິບັດ​ວຽກ​ງານ 3 ຫຼຸດ 3 ເພີ່ມ 3 ຂະ​ບວນ​ການ ພິເສດ​ການ​ຫຼຸດຜ່ອນ​ບັນຫາ​ຢາ​ເສບ​ຕິດ​ໃນ ນວ ປັດຈຸບັນ​ທົ່ວ ນວ ສ້າງ​ບ້ານ​ປອດ​ຢາ​ເສບ​ຕິດ​ໄດ້​ທັງ​ໝົດ 348 ບ້ານ ກວມ​ເອົາ 72,35% ຂອງ​ບ້ານ​ທັງ​ໝົດ 481 ບ້ານ ສ້າງ​ໂຮງຮຽນ​ປອດ​ຢາ​ເສບ​ຕິດ​ໄດ້ 136 ແຫ່ງ ກວມ​ເອົາ 83,95% ຂອງ​ໂຮງຮຽນ​ມັດທະຍົມ​ທັງ​ໝົດ 162 ແຫ່ງ.

ຂະ​ບວນ​ການ​ສ້າງ​ບ້ານ ສ້າງ​ໂຮງຮຽນ​ໃຫ້​ປອດ​ສິ່ງ​ເສບ​ຕິດ​ດັ່ງກ່າວ​ນີ້ ໄດ້​ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ຫຼຸດຜ່ອນ​ປາກົດການ​ຫຍໍ້ທໍ້​ຕ່າງໆ​ໄດ້​ດີ​ພໍ​ສົມຄວນ ພ້ອມ​ນັ້ນ ກອງ​ບັນຊາ​ການ ​ປກສ ນວ ໄດ້​ຮ່ວມ​ມື​ກັບ​ພາກສ່ວນ​ກ່ຽວຂ້ອງ​ຂັ້ນ​ຕ່າງໆ ປະຕິບັດ​ໜ້າທີ່​ຂອງ​ຕົນ​ດ້ວຍ​ຄວາມ​ຮັບຜິດຊອບ​ສູງ ສະແດງ​ອອກ 1 ປີຜ່ານມາ​ສາມາດ​ມ້າງ​ຄະດີ​ຢາ​ເສບ​ຕິດ​ໄດ້ 887 ຄັ້ງ.

ກັກ​ຕົວ​ຜູ້​ກະທຳ​ຜິດ​ໄດ້ 1.202 ຄົນ ຍິງ 123 ຄົນ ມີ​ຄົນ​ຕ່າງປະເທດ 10 ຄົນ ຍິງ 3 ຄົນ ສາມາດ​ຢຶດ​ຢາ​ເສບ​ຕິດ​ປະເພດ​ຢາ​ບ້າ 761.295 ເມັດ ເຮ​ໂຣ​ອິນ 22 ແທ່ງ ຢາ​ໄອສ໌ 219 ກິ​ໂລ ໂຄ​ເຄນ 1 ຖົງ​ນ້ອຍ ຝຸ່ນ​ປະສົມ​ຢາ​ບ້າ​ສີແດງ 34 ກຼາມ ຝຸ່ນ​ປະສົມ​ຢາ​ບ້າ​ສີຂາວ 13 ກຼາມ ລົດ​ໃຫຍ່ 34 ຄັນ ລົດຈັກ 96 ຄັນ ໂທລະສັບ​ມື​ຖື 282 ໜ່ວຍ ອາວຸດ​ເສິກ​ປືນ​ຍາວ 4 ກະບອກ ແລະ ປືນ​ສັ້ນ 14 ກະບອກ ອາ​ຍັດ​ເຮືອນ​ທີ່​ດິນ 11 ຫຼັງ ແລະ ດິນ​ສວນ 14 ຕອນ ພ້ອມ​ດ້ວຍ​ວັດຖຸ​ມີຄ່າ​ຈຳນວນ​ຫຼາຍ​ລາຍການ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

ເນື່ອງ​ໃນ​ໂອກາດ​ວັນ​ແຫ່ງ​ຊາດ​ຕ້ານ​ຢາ​ເສບ​ຕິດ ຄົບຮອບ 18 ປີ (12/10/2001-12/10/2019) ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ນະຄອນຫຼວງ​ວຽງ​ຈັນ ( ​ປກສ ນວ) ໄດ້​ຈັດ​ພິທີ​ຈູດ​ທຳລາຍ​ຢາ​ເສບ​ຕິດ​ທີ່​ຢຶດ​ໄດ້​ຈາກ​ຜູ້​ຄ້າຂາຍ​ໃນ​ຜ່ານ​ມາ​ຂຶ້ນ​ວັນ​ທີ 12 ຕຸລາ 2019.

ທີ່​ເດີ່ນ​ສຳນັກງານ​ປົກຄອງ​ເມືອງ​ໄຊ​ທານີ (ຫຼັງ​ໃໝ່) ເຂດ​ດົງ​ໝາກຄາຍ ມີ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນວ ທ່ານ ພົນ​ຕີ ສົມ​ຫວັງ ທຳ​ມະ​ສິດ ຮອງ​ລັດຖະມົນຕີ ຜູ້​ຊີ້​ນຳ​ວຽກ​ງານ​ກວດກາ ແລະ ຄວບ​ຄຸມ​ຢາ​ເສບ​ຕິດ​ກະຊວງ​ປ້ອງ​ກັນ​ຄວາມ​ສະຫງົບ ພ້ອມ​ດ້ວຍ​ທູຕານຸທູດ ອົງ​ການຈັດຕັ້ງ​ສາກົນ ການ​ນຳ ນວ ເຈົ້າ​ໜ້າທີ່​ຕຳຫຼວດ ພະນັກງານ ຊາວ​ໜຸ່ມ-ເຍົາວະ​ຊົນ ແລະ ພາກສ່ວນ​ກ່ຽວຂ້ອງ ເຂົ້າ​ຮ່ວມ.

ທ່ານ ​ພົ​ຈວ ບຸບຜາ ສີ​ພົມມາ ຫົວໜ້າ​ກອງ​ບັນຊາ​ການ ​ປກສ ນວ ໄດ້​ກ່າວ​ວ່າ:

ການ​ຈູດ-ທຳລາຍ​ຢາ​ເສບ​ຕິດ​ຄັ້ງ​ນີ້​ເປັນ​ການ​ທຳລາຍ​ຢາ​ເສບ​ຕິດ​ທີ່​ສານ​ຕັດສິນ​ແລ້ວ​ມາ​ຈາກ​ກົມ​ຕຳຫຼວດ 303 ແລະ ທົ່ວ ​ປກສ ນວ ປະກອບ​ມີ​ຢາ​ບ້າ 385,94 ກິ​ໂລ ເຮ​ໂລ​ອິນ 93,4 ກິ​ໂລ ຢາ​ໄອສ໌ 37,6 ກິ​ໂລ ກັນຊາ​ແຫ້ງ 8 ກິ​ໂລ ແປ້ງ​ເຮັດ​ຢາ​ບ້າ 67 ກິ​ໂລ ແປ້ງ​ຄາ​ເຟ​ອິນ 41 ເປົາ ໂຣ​ເດຍ​ໂອມ 64 ກິ​ໂລ ຣິ​ຊິ​​ສ​ເດ 18 ກິ​ໂລ ແປ້ງ​ສີ​ຄຣີມ 310 ກິ​ໂລ ແປ້ງ​ຝຸ່ນ​ສີຂາວ 8,89 ກິ​ໂລ ແປ້ງ​ຝຸ່ນ​ສີ​ສົ້ມ 67 ກຼາມ  ແປ້ງ​ຝຸ່ນ​ສີ​ບົວ​ກຸຫຼາບ+ບົວ​ປູນ 113 ກຼາມ ແປ້ງ​ສີແດງ​ຊ້ຳ 56 ກຼາມ ແປ້ງ​ສີແດງ 17,2 ກິ​ໂລ ໂສດາ​ໄຟ 17ເປົາ ໃບ​ຕົ້ນ​ແຄັດ 39,2 ກິ​ໂລ  ແລະ ແປ້ງ​ຄາ​ເຟ​ອິນ+ໂສດາ​ໄຟ 58 ເປົາ ລວມ​ທັງ​ໝົດ 741 ກິ​ໂລ.

ເພື່ອ​ຈັດ​ຕັ້ງ​ປະຕິບັດ​ແຜນການ​ສະກັດ​ກັ້ນ ແລະ ຕ້ານ​ຢາ​ເສບ​ຕິດ ໃນ​ໜຶ່ງ​ປີຜ່ານມາ​ໄດ້​ເອົາໃຈໃສ່​ບາງ​ວຽກ​ສຳຄັນ ໂດຍ​ສະເພາະ​ປະກອບສ່ວນ​ເຂົ້າ​ໃນ​ການຈັດຕັ້ງ​ປະຕິບັດ​ວຽກ​ງານ 3 ຫຼຸດ 3 ເພີ່ມ 3 ຂະ​ບວນ​ການ ພິເສດ​ການ​ຫຼຸດຜ່ອນ​ບັນຫາ​ຢາ​ເສບ​ຕິດ​ໃນ ນວ ປັດຈຸບັນ​ທົ່ວ ນວ ສ້າງ​ບ້ານ​ປອດ​ຢາ​ເສບ​ຕິດ​ໄດ້​ທັງ​ໝົດ 348 ບ້ານ ກວມ​ເອົາ 72,35% ຂອງ​ບ້ານ​ທັງ​ໝົດ 481 ບ້ານ ສ້າງ​ໂຮງຮຽນ​ປອດ​ຢາ​ເສບ​ຕິດ​ໄດ້ 136 ແຫ່ງ ກວມ​ເອົາ 83,95% ຂອງ​ໂຮງຮຽນ​ມັດທະຍົມ​ທັງ​ໝົດ 162 ແຫ່ງ.

ຂະ​ບວນ​ການ​ສ້າງ​ບ້ານ ສ້າງ​ໂຮງຮຽນ​ໃຫ້​ປອດ​ສິ່ງ​ເສບ​ຕິດ​ດັ່ງກ່າວ​ນີ້ ໄດ້​ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ຫຼຸດຜ່ອນ​ປາກົດການ​ຫຍໍ້ທໍ້​ຕ່າງໆ​ໄດ້​ດີ​ພໍ​ສົມຄວນ ພ້ອມ​ນັ້ນ ກອງ​ບັນຊາ​ການ ​ປກສ ນວ ໄດ້​ຮ່ວມ​ມື​ກັບ​ພາກສ່ວນ​ກ່ຽວຂ້ອງ​ຂັ້ນ​ຕ່າງໆ ປະຕິບັດ​ໜ້າທີ່​ຂອງ​ຕົນ​ດ້ວຍ​ຄວາມ​ຮັບຜິດຊອບ​ສູງ ສະແດງ​ອອກ 1 ປີຜ່ານມາ​ສາມາດ​ມ້າງ​ຄະດີ​ຢາ​ເສບ​ຕິດ​ໄດ້ 887 ຄັ້ງ.

ກັກ​ຕົວ​ຜູ້​ກະທຳ​ຜິດ​ໄດ້ 1.202 ຄົນ ຍິງ 123 ຄົນ ມີ​ຄົນ​ຕ່າງປະເທດ 10 ຄົນ ຍິງ 3 ຄົນ ສາມາດ​ຢຶດ​ຢາ​ເສບ​ຕິດ​ປະເພດ​ຢາ​ບ້າ 761.295 ເມັດ ເຮ​ໂຣ​ອິນ 22 ແທ່ງ ຢາ​ໄອສ໌ 219 ກິ​ໂລ ໂຄ​ເຄນ 1 ຖົງ​ນ້ອຍ ຝຸ່ນ​ປະສົມ​ຢາ​ບ້າ​ສີແດງ 34 ກຼາມ ຝຸ່ນ​ປະສົມ​ຢາ​ບ້າ​ສີຂາວ 13 ກຼາມ ລົດ​ໃຫຍ່ 34 ຄັນ ລົດຈັກ 96 ຄັນ ໂທລະສັບ​ມື​ຖື 282 ໜ່ວຍ ອາວຸດ​ເສິກ​ປືນ​ຍາວ 4 ກະບອກ ແລະ ປືນ​ສັ້ນ 14 ກະບອກ ອາ​ຍັດ​ເຮືອນ​ທີ່​ດິນ 11 ຫຼັງ ແລະ ດິນ​ສວນ 14 ຕອນ ພ້ອມ​ດ້ວຍ​ວັດຖຸ​ມີຄ່າ​ຈຳນວນ​ຫຼາຍ​ລາຍການ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ລວມມາໃຫ້ແລ້ວ! ເວັບໄຊສ້າງໂລໂກ້ຟຣີ ງ່າຍໆ.

ໃນຍຸກດິຈິຕອນ ມັນເປັນສິ່ງສໍາຄັນທີ່ຈະມີໂລໂກ້ທີ່ສວຍງາມ ແລະ ໂດດເດັ່ນ ເປັນສິ່ງສໍາຄັນຫຼາຍສໍາລັບທຸລະກິດ ແລະ ຜະລິດຕະພັນ, ແຕ່ຖ້າເຮົາຢາກໄດ້ໂລໂກ້ ແລະ ຈ້າງຜູ້ອອກແບບໂລໂກ້ມືອາຊີບ ອາດຈະມີຄ່າໃຊ້ຈ່າຍສູງ ມື້ນີ້ພວກເຮົາເລີຍມາແນະນຳເວັບໄຊທີ່ສ້າງໂລໂກ້ຟຣີ ງ່າຍ​ທີ່​ຈະ​ນໍາ​ໃຊ້ ບໍ່ຕ້ອງເສຍເງິນຈັກກີບ.

Vietjet ມອບໂປໂມຊັ່ນ Friday Sale ມອບປີ້ຍົນລາຄາປະຢັດໄປຫວຽດນາມ ແລະ ອີກຫຼາຍປະເທດຕະຫຼອດປີ

(ນະຄອນຫຼວງວຽງຈັນ, ວັນທີ 28 ມີນາ 2024) - Vietjet ມີຄວາມຕື່ນເຕັ້ນ ທີ່ຈະໄດ້ມອບໂປຣໂມຊັ່ນປີ້ຍົນຕ່າງປະເທດໃນທຸກໆວັນສຸກ! ປີນີ້ເປັນໂອ​ກາດ​ທີ່​ດີສໍາ​ລັບ​ນັກທ່ອງທ່ຽວຈາກ​ທົ່ວ​ໂລກ ​ໃນ​ການ​ເດີນ​ທາງຕາມທີ່​ຝັນ ​ດ້ວຍ​ລາ​ຄາ​ສ່ວນ​ຫຼຸດ​ສຸດພິ​ເສດ​.

ນ້ຳແອດ-ພູເລີຍ ແຂວງຫົວພັນ! ແຫຼ່ງທ່ອງທ່ຽວທຳມະຊາດຂອງແທ້.

ຫຼາຍຄົນມັກຄິດວ່າ “ການທ່ອງທ່ຽວ” ຄືການໄປເບິ່ງນ້ຳຕົກຕາດ, ໄປເບິ່ງວັດວາອາຮາມ ແລະ ຮີດຄອງປະເພນີ. ແຕ່ວ່າ ໂຄງການ ທ່ອງທ່ຽວແບບອະນຸລັກ ຢູ່ປ່າສະຫງວນ ນ້ຳແອດ-ພູເລີຍ ມີຫຼາຍກວ່ານັ້ນ ຄື ເອົາຂຸມຊັບທາງທຳມະຊາດ ມາເປັນຈຸດຂາຍ ແລະ ເພີ່ມການອະນຸລັກທຳມະຊາດ ໄປໃນຕົວ.