Friday, July 11, 2025
Kbank Laos โอน รับ จ่าย

ທະຫານແຂວງໄຊສົມບູນຈັດພິທີ ມອບ – ຮັບ ທະຫານໃໝ່ ສົກປີ 2019

ທະຫານແຂວງໄຊສົມບູນ ໄດ້ຈັດ ພິທີມອບ-ຮັບທະຫານໃໝ່ ສົກປີ 2019 ຂຶ້ນ, ຢູ່ທີ່ສໍານັກງານກອງ ພັນ 596 ໂດຍການເຂົ້າຮ່ວມຂອງ ສະຫາຍ ພັນເອກ ພິມພາ ທິຖາວອນ ຄະນະປະຈຳພັກແຂວງ, ຫົວໜ້າ ກອງບັນຊາການປ້ອງກັນຄວາມ ສະຫງົບແຂວງ, ມີສະຫາຍ ຄຳພູທອນ ວົງພະຈັນ ເຈົ້າເມືອງໆອະນຸວົງ, ສະຫາຍພັນເອກ ຈັນທີ ວັນລາວົງ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກ-ຄະນະບັນຊາອົງການ 5 ຫ້ອງ, ນາຍບ້ານໆພູຫົວຊ້າງ, ກອງພັນ 596, ອໍານວຍການໂຮງຮຽນການທະຫານທ້ອງຖິ່ນ ພ້ອມດ້ວຍອ້າຍນ້ອງທະຫານໃໝ່ 300 ສະຫາຍ ເຂົ້າຮ່ວມ.

ໃນພິທີ ທ່ານ ຄຳພູທອນ ວົງພະຈັນ ເຈົ້າເມືອງໆອະນຸວົງ ໄດ້ຕາງໜ້າບັນດາເມືອງ ຂຶ້ນກ່າວມອບທະຫານໃໝ່ພັນທະ ປ້ອງກັນຊາດໃຫ້ກອງບັນຊາການທະຫານແຂວງ ເພື່ອທົດແທນຊັບຊ້ອນຜັດປ່ຽນກຳລັງຜູ້ ທີ່ຈົບພັນ ທະໃນທົ່ວກອງບັນຊາການແຂວງ ເພື່ອໃຫ້ມີກຳລັງພຽງພໍໃນການເຄື່ອນໄຫວເຮັດໜ້າທີ່ຂອງຕົນ ແນໃສ່ເຮັດໃຫ້ ແຂວງໄຊສົມບູນມີຄວາມສະຫງົບ ແລະ ປອດໄພໂດຍພື້ນຖານ.

ໂອກາດນີ້ ສະຫາຍພັນເອກ ພິມພາ ທິຖາວອນ ໄດ້ມີຄຳເຫັນໂອ້ລົມພິທີ ເຊິ່ງສະຫາຍໄດ້ເນັ້ນໜັກຕໍ່ອ້າຍນ້ອງທະຫານໃໝ່ຈົ່ງພ້ອມກັນປະຕິບັດສິດ ແລະ ໜ້າທີ່ຂອງຕົນ ທີ່ຂັ້ນເທິງມອບໝາຍໃຫ້ຢ່າງເຂັ້ມງວດ ແລະ ຖືກຕ້ອງຕາມລະບຽບກົດໝາຍພັນທະປ້ອງກັນຊາດ ໃຫ້ມີຜົນສຳເລັດເປັນກ້າວໆ.

ໂອກາດດຽວກັນນີ້, ກອງບັນຊາການທະຫານ ແຂວງໄຊສົມບູນ ຍັງໄດ້ເປີດອົບຮົມ-ຫັດແອບການເມືອງ, ການທະຫານ, ພະລາທິ ການ-ເຕັກນິກໃຫ້ທະຫານໃໝ່ ປະຈຳປີ 2019 ເພື່ອຍົກລະດັບຄວາມຮູ້ຄວາມສາມາດໃຫ້ອ້າຍນ້ອງທະຫານໃໝ່ໄດ້ຮັບຮູ້ກ່ຽວ ກັບພື້ນຖານທາງດ້ານສິລະປະ ຍຸດ-ຍຸດທະວິທີທະຫານຮາບ ແລະ ວິຊາສະເພາະພະລາທິການ-ເຕັກນິກ ເພື່ອເປັນການຍົກລະດັບສະຕິຕື່ນຕົວຕໍ່ການປະຕິບັດຂໍ້ກຳນົດ, ກົດລະບຽບຂອງທະຫານ.

ການເຝິກອົບຮົບໃນຄັ້ງນີ້ຈະໄດ້ ດໍາເນີນເປັນເວລາ 92 ວັນຈຶ່ງຈະສໍາເລັດ.

ແຫຼ່ງຂໍ້ມູນ: ໂດຍ: ມະລິ ສຸພັນທອນ Lao people’s Army News

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.