ພິທີມອບ-ຮັບ ແລະ ເປີດນຳ ໃຊ້ໂຮງໝໍ 119 ກຸ່ມບ້ານຄັງວຽງ ເມືອງໝອກ ແຂວງຊຽງຂວາງ ໄດ້ຈັດຂຶ້ນໂດຍການເປັນປະທານຂອງ ສະ ຫາຍ ພົນຕີ ປອວົງຄຳ ພົມມະ ກອນ ຫົວໜ້າກົມໃຫຍ່ພະລາທິ ການກອງທັບ, ເປັນກຽດເຂົ້າຮ່ວມ ຂອງທ່ານ ບົວສອນ ສີນວນທອງ ຮອງເລຂາພັກແຂວງ, ຮອງເຈົ້າ ແຂວງໆຊຽງຂວາງ, ມີຄະນະ ພັກ-ຄະນະບັນຊາ, ພະນັກງານ-ນັກຮົບ, ຄອບຄົວການນຳ, ອຳນາດການປົກຄອງບ້ານ, ສາທາ ລະນະສຸກແຂວງ, ປກສ ບ້ານ ພ້ອມດ້ວຍພໍ່ແມ່ປະຊາຊົນອ້ອມ ຂ້າງເຂົ້າຮ່ວມເປັນສັກຂີພິຍານ.
ທ່ານ ດວງຈັນ ດວງປະເສີດ ປະທານບໍລິສັດສະຫວັນໄຊ ກໍ່ສ້າງການຄ້າຂາເຂົ້າ-ຂາອອກ ຈຳ ກັດຜູ້ດຽວ ໄດ້ໃຫ້ຮູ້ວ່າ:
ໂຄງການກໍ່ສ້າງໂຮງໝໍກຸ່ມບ້ານຄັງວຽງ ເມືອງໝອກ ແຂວງຊຽງຂວາງ ເປັນໂຄງການຂອງລັດຖະບານໂດຍມອບໃຫ້ກະຊວງປ້ອງກັນປະເທດເປັນຜູ້ຄຸ້ມຄອງ ໂດຍໃຫ້ບໍລິສັດສະຫວັນໄຊກໍ່ສ້າງການຄ້າຂາເຂົ້າ-ຂາ ອອກ ຈຳກັດຜູ້ດຽວ ເປັນຜູ້ລົງທຶນກ່ອນ 100% ມູນຄ່າ 10 ຕື້ກວ່າກີບ ເຊິ່ງເປັນອາຄານ 1 ຊັ້ນປະກອບ ມີຕຶກອຳ ນວຍການຂະໜາດ 12×33 ແມັດ , ເຮືອນນອນໂສດ 2 ຫຼັງຂະໜາດ 20×10 ແມັດ, ເຮືອນນອນຄົນເຈັບ 2 ຫຼັງຂະ ໜາດ 36×39 ແມັດ ໃນນັ້ນມີຫ້ອງນ້ຳລວມ 2 ຫຼັງ, ຫ້ອງຜ່າຕັດຂະໜາດ 22×16 ແມັດ, ຫ້ອງລັງ ສີຂະໜາດ 10×8 ແມັດ, ຕຶກປິ່ນ ປົວທົ່ວໄປຂະໜາດ 8×72 ແມັດ, ພະແນກບໍລິຫານ 2 ຫຼັງຂະໜາດ 7×36 ແມັດ, ເຮືອນຄົວລວມຂະ ໜາດ 15×12 ແມັດ ແລະ ສາງ ເຄື່ອງ 1 ຫຼັງຂະໜາດ 10×12 ແມັດ.
ເຊິ່ງການກໍ່ສ້າງມາຮອດ ປັດຈຸບັນໄດ້ສຳເລັດ 100% ກ່າວມອບໂດຍທ່ານ ດວງຈັນ ດວງປະເສີດ ປະທານບໍລິ ສັດ ສະຫວັນໄຊກໍ່ສ້າງການຄ້າຂາ ເຂົ້າ-ຂາອອກ ຈຳກັດຜູ້ດຽວ ແລະ ກ່າວຮັບໂດຍ ທ່ານ ພົນຈັດຕະວາ ບົວສິງ ອິນທະວົງ ຫົວໜ້າກົມເສນາຮັກກົມໃຫຍ່ພະລາທິການກອງທັບພ້ອມຄະນະ ໂຄງການດັ່ງກ່າວນີ້ມອບໃຫ້ກຸ່ມບ້ານຄັງ ວຽງເປັນຜູ້ຄຸ້ມຄອງປົກປັກຮັກສາ ແລະ ນຳໃຊ້ນັບແຕ່ມື້ລົງລາຍເຊັນມອບເປັນຕົ້ນໄປ.
ໂດຍ: ນາງ ນາລີ ທະວີພອນ Lao people’s Army News
