ສະຫະພັນບານເຕະແຫ່ງຊາດລາວ ໄດ້ຮັບການສະໜັບສະໜູນດ້ານງົບປະມານໃນການສ້ອມແປງໂຄງລ່າງພື້ນຖານຂອງສະຫະພັນບານເຕະຢູ່ຫ້ວຍຫົງ ແລະ ສ້າງເດີ່ນຊ້ອມກິລາບານເຕະຢູ່ເຂດສະໜາມກິລາແຫ່ງຊາດຫຼັກ 16 ພາຍໃຕ້ໂຄງການ FIFA Forward ຂອງສະຫະພັນບານເຕະນານາຊາດ (FIFA) ສໍາລັບປີ 2019.
ສະຫະພັນບານເຕະແຫ່ງຊາດລາວ ຂໍເຊີນບັນດາບໍລິສັດກໍ່ສ້າງທີ່ຂື້ນທະບຽນຢູ່ ສປປ ລາວ ທີ່ມີຈຸດປະສົງຢາກປະມູນການສ້ອມແປງ ແລະ ກໍ່ສ້າງຂ້າງເທິງນີ້ ໃຫ້ຍື່ນໜັງສືແຈ້ງເຈດຈໍານົງພ້ອມທັງເອກະສານສະໜັບສະໜູນຕ່າງໆຂອງບໍລິສັດເຊັ່ນ: ຂໍ້ມູນທົ່ວໄປຂອງບໍລິສັດ (ປະກອບມີໃບອະນຸຍາດດໍາເນີນທຸລະກິດ ປີ 2019, ໃບຢັ້ງຢືນການມອບອາກອນ ປີ 2018, ໃບທະບຽນວິສາຫະກິດ, ໃບຢັ້ງຢືນສະຖານະການເງິນ, ຕາຕະລາງແຕ່ງຕັ້ງພະນັກງານທີ່ຖືກແຕ່ງຕັ້ງລົງວຽກພາກສະໜາມ, ຕາຕະລາງກົນຈັກພາຫະນະ ແລະ ເຄື່ອງມື ແລະ ລາຍລະອຽດຜົນງານການກໍ່ສ້າງ 5 ປີຜ່ານມາ) ຕໍ່ສະຫະພັນບານເຕະແຫ່ງຊາດລາວ ກໍານົດປິດຮັບໃນວັນທີ 06 ພະຈິກ 2019 ນັບແຕ່ວັນທີ່ອອກປະກາດສະບັບນີ້ເປັນຕົ້ນໄປ ເພື່ອຄັດເລືອກເອົາຈໍານວນ 5 ບໍລິສັດ ເພື່ອສະເໜີລາຄາ.
ບໍລິສັດໃດ ທີ່ມີຄວາມສົນໃຈສາມາດສອບຖາມຂໍ້ມູນເພີ່ມເຕີມໄດ້ ຈາກສະຫະພັນບານເຕະແຫ່ງຊາດລາວ ໂທລະສັບໝາຍເລກ 021 562621, 020 99512087
ໃນເວລາລັດຖະການ.
ແຫຼ່ງຂໍ້ມູນ: