ເພື່ອກະກຽມຄວາມພ້ອມ ໃນການເປີດນຳໃຊ້ທາງລົດໄຟລາວ-ຈີນ ເຊິ່ງຄາດວ່າຈະສ້າງສຳເລັດພາຍໃນທ້າຍປີ 2021 ລັດຖະບານລາວ ກໍ່ຄື ກະຊວງໂຍທາທິການ ແລະ ຂົນສົ່ງ ໄດ້ມີກາສົ່ງພະນັກງານລວມທັງສູນກາງ ແລະ ທ້ອງຖິ່ນ ຈຳນວນ 45 ຄົນ ໄດ້ຍົກລະດັບຄວາມຮູ້ພື້ນຖານທາງດ້ານເຕັກນິກທາງລົດໄຟ ເພື່ອຮອງຮັບ.
ອີງຕາມຂ່າວສານປະເທດລາວ ໃຫ້ຮູ້ວ່າ: ພະນັກງານຈາກກະຊວງໂຍທາທິການ ແລະ ຂົນສົ່ງ ແລະ ພາກສ່ວນທີ່ກ່ຽວຂ້ອງກັບໂຄງການທາງລົດໄຟ ລາວ-ຈີນ ຢູ່ສູນກາງ ແລະ ທ້ອງຖິ່ນ ຈຳນວນ 45 ທ່ານ ພວມໄດ້ຮັບການຍົກລະດັບຄວາມຮູ້ກ່ຽວກັບເຕັກນິກທາງລົດໄຟ ເພື່ອຮອງຮັບໃຫ້ແກ່ໂຄງການທາງລົດໄຟ ລາວ-ຈີນ, ເຊິ່ງຄາດວ່າຈະສໍາເລັດໃນປີ 2021 ນີ້.
ເຊິ່ງກອງປະຊຸມຝຶກອົບຮົມເຕັກນິກທາງລົດໄຟ ສຳລັບປະເທດລາວ ປະຈຳປີ 2019, ເຊິ່ງຈັດໂດຍມະຫາວິທະຍາໄລ ຄົມມະນາຄົມ ປັກກິ່ງ ແລະ ສະໜັບສະໜູນໂດຍ ກະຊວງການຄ້າ ສປ ຈີນ ໄດ້ຈັດຂຶ້ນທີ່ນະຄອນຫລວງວຽງຈັນ ໃນລະຫວ່າງວັນທີ 8-28 ພະຈິກ 2019 ເຊິ່ງໄດ້ຮັບການບັນລະຍາຍ ແລະ ແລກປ່ຽນບົດຮຽນຈາກຊ່ຽວຊານ ແລະ ຄູ-ອາຈານ ທີ່ມີປະສົບການ ຈາກ ສປ ຈີນ.
ແຫຼ່ງຂໍ້ມູນ: ກະຊວງໂຍທາທິການ ແລະ ຂົນສົ່ງ