ບໍລິສັດ ອີທີແອລ ແຈ້ງເຕືອນ ເລື່ອງການໂທເຂົ້າຈາກເບີຕ່າງປະເທດ (Spamming calls) ໂດຍເນື້ອໃນລະບຸວ່າ ບໍລິສັດອີທີແອລຂໍແຈ້ງມາຍັງລູກຄ້າທຸກທ່ານໃຫ້ຮັບຊາບວ່າ:
ປັດຈຸບັນໄດ້ມີເບີຂຶ້ນຕົ້ນດ້ວຍ +24, +25, +37, +38, +66, +676 ແລະ ອື່ນໆ ຈາກຕ່າງປະເທດໂທເຂົ້າແລ້ວຕັດສາຍ ໂດຍມີຈຸດປະສົງໃຫ້ໂທກັບ ແລະ ເສຍຄ່າໂທອອກຕ່າງປະເທດໃນລາຄາແພງ ເຊິ່ງບໍ່ກ່ຽວຂ້ອງກັບການແຮັກ (Hack) ເອົາຂໍ້ມູນການເງິນທາງທະນາຄານຂອງທ່ານ.
ດັ່ງນັ້ນ, ບໍລິສັດ ອີທີແອລ ຈໍາກັດ ຈຶ່ງແຈ້ງມາຍັງບັນດາທ່ານຜູ້ຊົມໃຊ້ເບີຂອງອີທີແອລ ຈົ່ງຢ່າໂທກັບ ແລະ ທໍາການລະງັບເບີດັ່ງກ່າວທັນທີ (Block) ເພື່ອເປັນການຫຼີກລ່ຽງການໂທເຂົ້າໃນຄັ້ງໜ້າ.
ແຫຼ່ງຂໍ້ມູນ: ບໍລິສັດ ອີທີແອລ ຈໍາກັດ