ແຂວງໄຊສົມບູນໄດ້ຈັດພິທີມອບ-ຮັບງົວແມ່ພັນພື້ນເມືອງລາວໃຫ້ແກ່ປະຊາຊົນ ບ້ານອອມ ແລະ ບ້ານກໍໄຮ່ເມືອງອານຸວົງ ແຂວງໄຊສົມບູນ ໂດຍການເຂົ້າຮ່ວມຂອງທ່ານ ພົນຕີ ຄໍາລຽງ ອຸທະໄກສອນ ເລຂາພັກແຂວງ, ເຈົ້າແຂວງໆໄຊສົມບູນ, ມີ ທ່ານ ພົນຕີ ປອ ວົງຄຳ ພົມມະກອນ ຫົວໜ້າກົມໃຫຍ່ພະລາທິການກອງທັບ ຫົວໜ້າຄະນະຊີ້ນໍາພັດທະນາ 3 ຈຸດສຸມແຂວງໄຊສົມບູນ, ມີບັນດາທ່ານຄະນະ ການນໍາພະແນກຂັ້ນແຂວງ, ເມືອງ ແລະ ອໍານາດການປົກຄອງ ບ້ານພ້ອມດ້ວຍພໍ່ແມ່ປະຊາຊົນເຂົ້າຮ່ວມ.
ໃນພິທີ ທ່ານ ຄໍາໄພ ຊະນະ ປະທານ ບໍລິສັດກຸ່ມຄໍາໄພ ຊະນະ ໄດ້ມີຄຳເຫັນວ່າ:
ງົວທີ່ນໍາມາມອບໃຫ້ປະຊາຊົນລ້ຽງໃນຄັ້ງນີ້ ແມ່ນນອນຢູ່ໃນໂຄງການ KPG ປັບປຸງຊີວິດການເປັນຢູ່ຂອງປະ ຊາຊົນ ເພື່ອແກ້ໄຂຄວາມທຸກຍາກຂອງແຂວງໄຊສົມບູນ ລະຫວ່າງ ບໍລິສັດກຸ່ມຄໍາໄພຊະນະຈໍາກັດຜູ້ ດຽວ ແລະ ພະແນກກະສິກໍາ ແລະ ປ່າໄມ້ແຂວງ.
ງົວທີ່ນໍາມາມອບມີທັງໝົດ 209 ໂຕມອບໃຫ້ປະຊາຊົນຈໍານວນ 104 ຄອບຄົວ. ໃນນັ້ນບ້ານອອມ 72 ຄອບ ຄົວ ຈໍານວນ 144 ໂຕ, ບ້ານກໍໄຮ່ 32 ຄອບຄົວຈໍານວນ 65 ໂຕ ຄອບຄົວໜຶ່ງຈະໄດ້ຮັບງົວແມ່ພັນ 2-3 ໂຕຕໍ່ຄອບຄົວ ລວມມູນ ຄ່າ ທັງໝົດ 1.110.000.000 ກີບ.
ຈຸດປະສົງທີ່ນໍາງົວມາມອບໃນຄັ້ງນີ້ກໍເພື່ອເປັນການຜັນຂະ ຫຍາຍແຜນການພັດທະນາດ້ານກະສິກໍາຂອງແຂວງໄຊສົມບູນ ສົ່ງເສີມໃຫ້ພໍ່ແມ່ປະຊາຊົນມີອາຊີບຄົງທີ່ເຮັດໃຫ້ປະຊາຊົນສາ ມາດສ້າງລາຍໄດ້ກຸ້ມຕົນເອງມີຊີວິດການເປັນຢູ່ດີຂຶ້ນ ຫຼຸດພົ້ນອອກຈາກຄວາມທຸກຍາກໄປເທື່ອລະກ້າວ.
ຕອນທ້າຍພິທີຍັງໄດ້ມີ ການເຊັນບົດບັນທຶກມອບ-ຮັບ ລະຫວ່າງບໍລິສັດກຸ່ມ ຄໍາໄພຊະ ນະ ຈໍາກັດຜູ້ດຽວ ແລະ ພະແນກກະສິກໍາ ແລະ ປ່າໄມ້ແຂວງໄຊສົມບູນ.
ແຫຼ່ງຂໍ້ມູນ: ໂດຍ: ສະກຸນຮັກ Laos Army