ດາລາສາວໃຈບຸນ “ລູກນໍ້າ – ທິດາລັດ ວົງສິລິ” ເຜີຍພາບການເລີ່ມລົງມືກໍ່ສ້າງຫ້ອງຮຽນ ທີ່ໂຮງຮຽນປະຖົມຢູ່ເມືອງປາກງື່ມ ນະຄອນຫຼວງວຽງຈັນ ຫຼັງຈາກທີ່ເລີ່ມລະດົມທຶນກໍ່ສ້າງມາໄດ້ໜຶ່ງ ແນວໃດກໍຕາມ ຍັງຂາດປັດໄຈອີກຈຳນວນຫຼາຍ ລູກນໍ້າ ລະບຸ.
ຮູບພາບການເລີ່ມກໍ່ສ້າງຫ້ອງຮຽນຖືກເຜີຍແຜ່ອອກມາຜ່ານທາງອິນສະຕາແກຣມສ່ວນ ຕົວຂອງ ລູກນໍ້າ ທິດາລັດ ເອງເມື່ອວັນທີ ທັນວາ ທີ່ຜ່ານມາ
ລູກນໍ້າ ກ່າວວ່າ ວັດສະດຸການກໍ່ສ້າງ ໂດຍສະເພາະແມ່ນເຫຼັກເສັ້ນ ແມ່ນໄດ້ຂົນສົ່ງມາຈາກຕົວເມືອງ ເນື່ອງຈາກເຂດບ້ານດັ່ງກ່າວຂອງ ເມືອງປາກງື່ມມີແຕ່ເຫຼັກນ້ອຍ ແລະ ຍັງມີການຂົນສົ່ງເຄື່ອງໄປທີ່ຈຸດກໍ່ສ້າງອີກຫຼາຍຢ່າງ
ທັງນີ້ ລູກນໍ້າລະບຸວ່າ ຕອນນີ້ເຖິງວ່າຈະມີການຊ່ວຍເຫຼືອເຂົ້າມາແລ້ວສ່ວນໜຶ່ງແຕ່ຍັງຂາດປັດໄຈອີກຫຼວງຫຼາຍ ພ້ອມທັງບອກວ່າ ເປີດຮັບທັງແຮງກາຍ ແຮງໃຈ ແລະ ແຮງເງິນເປັນທຶນ ທີ່ຕ້ອງການຊ່ວຍເຫຼືອໃນໂຄງການກໍ່ສ້າງຫ້ອງຮຽນຫຼັງນີ້ ສຳລັບຂໍ້ມູນກ່ຽວກັບການບໍລິ ຈາກສາມາດເບິ່ງໄດ້ຈາກໂພສຕົ້ນສະບັບໃນອິນສະຕາແກຣມຂອງດາລາສາວ
ສຳລັບໂຄງການກໍ່ສ້າງສ້ອມແປງຫ້ອງຮຽນ ຢູ່ໂຮງຮຽນປະຖົມບ້ານໂພນຂາມ ເມືອງປາກງື່ມ ນະຄອນຫຼວງວຽງຈັນນີ້ ລູກນໍ້າ ໄດ້ກ່າວໄວ້ກ່ອນໜ້ານີ້ວ່າ ມູນຄ່າການກໍ່ສ້າງທັງໝົດແມ່ນຫຼາຍກວ່າ 26 ລ້ານກີບ.
ເຫດຜົນທີ່ສາວຄົນນີ້ເລືອກທີ່ຈະມາຊ່ວຍເຫຼືອກໍ່ສ້າງສ້ອມແປງຫ້ອງຮຽນໃນໂຮງຮຽນດັ່ງກ່າວ ກໍຍ້ອນໄປພົບເຫັນສະພາບທີ່ບໍ່ເອື້ອອຳນວຍຕໍ່ການຮຽນຂອງຫ້ອງຮຽນ.
ເຊິ່ງຜູ້ກ່ຽວກ່າວໄວ້ວ່າ ເປັນຫ້ອງຮຽນທີ່ເປີດໂລ່ງ ບໍ່ມີຝາແອ້ມ ເຮັດໃຫ້ຫຍຸ້ງຍາກຕໍ່ການຮຽນການສອນໃນໄລຍະຍາມຝົນ ແລະ ຍາມໜາວ.
ແຫຼ່ງຂໍ້ມູນ: SOKVIEKDER