ຂໍຂອບໃຈນຳຜູ້ສະໜັບສະໜູນ
ພາບປະກອບ

ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ກຸ່ມບໍລິສັດ POSCO INTERNATIONAL ແລະ ບໍລິສັດ Corporation PentaGate ໄດ້ເຊັນບົດບັນທຶກຄວາມເຂົ້າໃຈຮ່ວມກັນເພື່ອສຶກສາຄວາມເປັນໄປໄດ້ ການຄົ້ນຄວ້າ ແລະ ພັດທະນາເຕັກໂນໂລຊີລະບົບຖານຂໍ້ມູນໃຫຍ່ ( BIG DATA ) ເຂົ້າໃນການຄຸ້ມຄອງແຮງງານ ເຊິ່ງຈະເປັນຜົນດີເຮັດໃຫ້ເຮົາສາມາດວິເຄາະໄດ້ທັນທີເລີຍວ່າລາວຂາດແຮງງານດ້ານໃດ ເພື່ອຈະສ້າງບຸກຄະລາກອນດ້ານນັ້ນ.

ພາບປະກອບ

ພິທີເຊັນສັນຍາມີຂຶ້ນໃນວັນທີ 10 ທັນວາ 2019 ທີ່ໂຮງແຮມ ຄຣາວພລາຊາ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ມີຕາງໜ້າກົມກ່ຽວຂ້ອງ ແລະ ຜູ້ອຳນວຍການຈາກສອງບໍລິສັດເຂົ້າຮ່ວມ.

ພາບປະກອບ

ທ່ານ ຄຳເພັດ ວົງດາລາ ຫົວໜ້າກົມແຜນການ ແລະ ຮ່ວມມື ກະຊວງວິທະຍາສາດ ແລະ ເຕັກໂນໂລຊີ ກ່າວວ່າ:

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອີງຕາມ ຄວາມຮຽກຮ້ອງຕ້ອງການໃນການພັດທະນາເສດຖະກິດ – ສັງຄົມຂອງ ສປປ ລາວ ຈຳເປັນຕ້ອງໄດ້ມີການນຳໃຊ້ ແລະ ການພັດທະນາເຕັກໂນໂລຊີ ເພື່ອຍົກລະດັບ ຄວາມຮູ້ – ຄວາມສາມາດໃຫ້ນັບມື້ສູງຂຶ້ນ ເຊິ່ງການເຊັນບົດບັນທຶກຈະໄດ້ຮ່ວມກັນສຶກສາ ຄວາມເປັນໄປໄດ້ ການຄົ້ນ ຄວ້າ ແລະ ພັດທະນາເຕັກໂນໂລຊີລະບົບຖານຂໍ້ມູນໃຫຍ່ ( BIG DATA ) ເພື່ອຄຸ້ມຄອງແຮງງານຮ່ວມກັບ ກຸ່ມບໍລິສັດ POSCO INTERNATIONAL ແລະ ບໍລິສັດ Corporation PentaGate ທີ່ຈັດຂຶ້ນໃນມື້ນີ້.

ພາບປະກອບ

ທ່ານກ່າວວ່າ:

ປັດຈຸບັນວຽກງານວິທະຍາສາດ ແລະ ເຕັກໂນໂລຊີນັບມື້ພັດທະນາກ້າວໄກ ໂດຍສະເພາະແມ່ນເຕັກໂນໂລຊີທີ່ກ່ຽວກັບຖານຂໍ້ມູນໃຫຍ່ ( Big Data ) ສະນັ້ນ, ຈຶ່ງເປັນໂອກາດທີ່ດີລະຫວ່າງກະຊວງກັບກຸ່ມບໍລິສັດ ຈະໄດ້ຮ່ວມກັນພັດທະນາ ແລະ ເຮັດການສຶກສາຄົ້ນຄວ້າພັດທະນາການນຳໃຊ້ເຕັກໂນໂລຊີ Data science ແລະ Bigdata ເພື່ອຊ່ວຍໃນການຄຸ້ມຄອງແຮງງານຕ່າງປະເທດທີ່ມາເຮັດວຽກຢູ່ ສປປ ລາວ ແລະ ຄົນລາວ ທີ່ໄປອອກແຮງງານໃນຕ່າງປະເທດ.

ພາບປະກອບ

ດັ່ງນັ້ນ, ຈະຮ່ວມກັນຄົ້ນຄວ້າດ້ານເຕັກໂນໂລຊີໃໝ່ໆ, ຍົກລະດັບຄວາມຮູ້ດ້ານວິຊາການໃຫ້ແກ່ພະນັກງານຄົ້ນ ຄວ້າຂອງກະຊວງ, ອີກດ້ານໜຶ່ງເພື່ອເປັນການພັດທະນາເສດຖະກິດ – ສັງຄົມ ໂດຍສະເພາະແມ່ນຍົກສູງໃນການນຳໃຊ້ວຽກງານວິທະຍາສາດ ແລະ ເຕັກໂນໂລຊີເຂົ້າໃນການຄົ້ນຄວ້າພັດທະນາຊຸກຍູ້ສົ່ງເສີມໃນການພັດທະນາເສດຖະກິດຂອງຊາດ ແລະ ໃຫ້ກາຍເປັນການແລກປ່ຽນຂໍ້ມູນ – ຂ່າວສານ ແລະ ຖ່າຍທອດ ຄວາມຮູ້ໃນວຽກງານດ້ານເຕັກໂນໂລຊີທີ່ທັນສະໄໝຂອງສອງຝ່າຍໃນອະນາຄົດໄດ້.

ທ່ານ ພອນປະເສີດ ສຸລິນທອນ ຫົວໜ້າສູນວິຊາການສົ່ງເສີມວິຊາການ ສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ ກະຊວງວິທະຍາສາດ ແລະ ເຕັກໂນໂລຊີໃຫ້ຂໍ້ມູນເພີ່ມຕື່ມວ່າ:

ພາຍຫຼັງໂຄງການນີ້ຜ່ານການຄົ້ນຄວ້າທົດລອງ ເຮົາຈະໄດ້ເຕັກໂນໂລຊີໃໝ່ທີ່ຄຸ້ມຄອງແຮງງານທັງພາຍໃນ ແລະ ຕ່າງປະເທດ ເຊິ່ງເປັນການກຽມພ້ອມຮອງຮັບແຮງງານທີ່ເຄື່ອນຍ້າຍຈາກຕ່າງປະເທດເຂົ້າມາລາວ ຄາດຄະເນວ່າເສັ້ນທາງລົດໄຟເປີດນໍາໃຊ້ວຽກງານຄຸ້ມຄອງແຮງງານຈະເປັນສິ່ງສໍາຄັນ.

ພາບປະກອບ

ພ້ອມດຽວກັນ, ພວກເຮົາກໍສາມາດຄຸ້ມຄອງແຮງງານຄົນລາວທີ່ໄປເຮັດວຽກຢູ່ຕ່າງປະເທດ.

ຖ້າໄດ້ລະບົບ Big data ເຂົ້າມາຊ່ວຍຈະສາມາດວິເຄາະພາບລວມແຮງງານ ຕົວຢ່າງ:

ອາຍຸ 18 – 25 ປີ ເຂົາເຈົ້າໃຊ້ແຮງງານໃນຂະແໜງການໃດ, ເຮົາຂາດແຮງງານໃນຂະແໜງໃດ ເພື່ອວາງແຜນສ້າງບຸກຄະລາກອນດ້ານນັ້ນ ລວມທັງສາມາດໃຫ້ຂໍ້ມູນແກ່ນັກສຶກສາທີ່ຈະເລືອກສາຍຮຽນ.

ສໍາລັບການຄົ້ນຄວ້າທົດລອງໃຊ້ເວລາ 5 ເດືອນນັບຈາກນີ້. ທັງນີ້, ກໍຂຶ້ນກັບການເຮັດວຽກກັບຂະແໜງການກ່ຽວຂ້ອງ.

ແຫຼ່ງຂໍ້ມູນ: ຂ່າວ: ພຸດຕີ້, ຮູບ: ສອນໄຊ, Laoedaily

Hits: 8

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້