ນັກກິລາໂວວີນາມທີມຊາດລາວ ສ້າງຊື່ສຽງໃນລະດັບໂລກຢ່າງພາກພູມໃຈຫລັງໄດ້ 1 ຫລຽນຄໍາ,2 ຫລຽນ ເງິນ ແລະ 8 ຫລຽນທອງໃນການແຂ່ງຂັນໂວວີນາມ ຊິງແຊັມໂລກ 2019 ທີ່ຈັດຢູ່ປະເທດກໍາປູເຈຍແຕ່ວັນທີ 16-22 ທັນວານີ້.
ລາຍການນີ້ມີນັກກິລາ 24 ປະເທດເຂົ້າຮ່ວມ ຊຶ່ງສປປ ລາວ ໄດ້ສົ່ງນັກກິລາ 11 ຄົນຮ່ວມແຂ່ງຂັນ ແລະ ກໍ່ສາມາດຍາດໄດ້ 1 ຫລຽນຄໍາຈາກທ້າວ ໄພລັດ ທໍາມະວົງສາ ປະເພດຟ້ອນດ່ຽວຊາຍມີອຸປະກອນ ເຈົ້າຂອງຫລຽນທອງກິລາຄິກບ໋ອກຊິງໃນຊີເກມ 2019 ແລະ 2 ຫລຽນເງິນ ຈາກ ນາງມາລາ ຈັນທະລັກສາ ປະເພດຕໍ່ສູ້ ນໍ້າໜັກ 48 ກິໂລ ແລະ ທ້າວ ໄຊຊະນະ ຮວ່າງລໍຄຳ ປະເພດຕໍ່ສູ້ ນໍ້າໜັກ 60 ກິໂລ.
ນັກກິລາວີໂວນາມທີມຊາດລາວ 11 ຄົນທີ່ຮ່ວມແຂ່ງຂັນລະດັບໂລກຄັ້ງນີ້ິ້ມີນາງ ມາລາ ຈັນທະລັກສາ,ນາງ ພິກສະໄໝ ອິນສຸມັງ,ນາງ ກຸ້ງກິ້ງ ບຸດດາໄຊ,ທ້າວ ພິລາວັນ ຈັນທະກາລີ,ທ້າວ ໄພລັດ ທຳມະວົງ ສາ,ທ້າວ ພຸດທະສິນ ປ່ຽງປັນຍາ,ທ້າວ ໂພຄຳ ພົມມະຈັນ,ທ້າວ ໄຊຊະນະ ຮວ່າງລໍຄຳ,ທ້າວ ສອນພະ ຈັນ ອຸດທະວົງ,ທ້າວ ສົມໝາຍ ຜາງນີວົງ ແລະ ທ້າວ ຄຳຫລ້າ ແກ້ວມະນີ.
ແຫຼ່ງຂໍ້ມູນ: ຂ່າວ ແລະ ຮູບພາບຈາກທ່ານ ວຽງສຸກ ຮັງເງິນ ຄູຝຶກໂວວີນາມທີມຊາດລາວ,
ສຳນັກຂ່າວສານປະເທດລາວ
