ແຈ້ງການ, ຈາກກະຊວງການເງິນ ເລກທີ 3077/ຫກງ, ລົງວັນທີ 12 ທັນວາ 2019
• ເຖິງ: ບຸກຄົນ, ນິຕິບຸກຄົນ ແລະ ການຈັດຕັ້ງທີ່ນັບຖື
• ເລື່ອງ: ໂຈະການເຄື່ອນໄຫວຂອງວິສາຫະກິດບັນຊີ ແລະ ກວດສອບ.
ຫ້ອງການກະຊວງການເງິນ ຂໍຖືເປັນກຽດແຈ້ງມາຍັງບຸກຄົນ, ນິຕິບຸກຄົນ ແລະ ການຈັດຕັ້ງຊາບກ່ຽວກັບການໂຈະການເຄື່ອນໄຫວຂອງ ວິສາຫະກິດບັນຊີ ແລະ ວິສາຫະກິດກວດສອບ ທີ່ມີລາຍຊື່ດັ່ງນີ້:
1. ວິສາຫະກິດສ່ວນບຸກຄົນ ແສງສະເດັດທີ່ປຶກສາບັນຊີ
2. ບໍລິສັດ ສະຫວັນ ທີ່ປຶກສາກວດສອບເຝິກດ້ານບັນຊີ ຈໍາກັດຜູ້ດຽວ
3. ບໍລິສັດ ຍອດດາວ ທີ່ປຶກສາບັນຊີ ແລະ ກວດສອບ ຈໍາກັດຜູ້ດຽວ
4. ບໍລິສັດ ພີເອສພີ ຈໍາກັດ
5 ບໍລິສັດ ເອສແອນພີເອັນຈີ ທີ່ປຶກສາບັນຊີ ຈໍາກັດ
ໃນໄລຍະໂຈະການເຄື່ອນໄຫວດໍາເນີນທຸລະກິດ 03 ເດືອນ ຫ້າມວິສາຫະກິດທີ່ມີລາຍຊື່ຂ້າງເທິງນີ້ເຄື່ອນໄຫວດໍາເນີນທຸລະກິດ ຈົນກວ່າຈະມີການປັບປຸງແກ້ໄຂຂໍ້ຄົງຄ້າງ ຫຼື ເງື່ອນໄຂການດໍາເນີນທຸລະກິດ ຕາມທີ່ໄດ້ກໍານົດໄວ້ໃນກົດຫມາຍ ແລະ ລະບຽບການ.
ຖ້າພົບເຫັນການກະທໍາຜິດຕໍ່ແຈ້ງການສະບັບນີ້ ຈະຖືກດໍາເນີນມາດຕະການຕາມແຕ່ລະກໍລະນີຫນັກ ຫຼື ເບົາຂອງກົດຫມາຍວ່າດ້ວຍການ ກວດສອບອິດສະຫຼະ ສະບັບເລກທີ 51/ສພຊ, ລົງວັນທີ 22 ກໍລະກົດ 2014.
ດັ່ງນັ້ນ, ຈຶ່ງແຈ້ງມາເພື່ອຊາບ ແລະ ພ້ອມກັນຈັດຕັ້ງປະຕິບັດຕາມເນື້ອໃນຂ້າງເທິງ ໃຫ້ໄດ້ຮັບຜົນດີ.
ແຫຼ່ງຂໍ້ມູນ : ວາລະສານ ທາເກັດ