ພິທີປະກາດການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານຢູ່ກອງບັນຊາການທະຫານແຂວງອຸດົມໄຊ ໄດ້ຈັດຂື້ນໃນວັນທີ່ 9 ມັງກອງ 2020 ນີ້ ໂດຍການເປັນປະທານຂອງ ສະຫາຍ ພັນເອກ ຄຳຢີນ ແສງສຸລີ ເລຂາພັກ ຫົວໜ້າການເມືອງກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະບັນຊາອົງການ 5 ຫ້ອງ, ໂຮງຮຽນ, ໂຮງໝໍ, ກອງບັນຊາການທະຫານເມືອງ, ກອງພັນນ້ອຍ414, ກອງຮ້ອຍເອກະລາດ ແລະພະນັກງານທີ່ຮັບການເລື່ອນຊັ້ນເຂົ້າຮ່ວມ.
ໃນພິທີ ພັນຕີ ບຸນທັນ ໄຊຊົງ ຮອງຫົວໜ້າພະແນກພະນັກງານຂື້ນຜ່ານຂໍ້ຕົກລົງຂອງ ລັດຖະມັນຕີກະຊວງປ້ອງກັນປະເທດ ແລະຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານຢູ່ກອງບັນຊາການທະຫານແຂວງອຸດົມໄຊ ຈຳນວນ 153 ສະຫາຍ,
ໃນນີ້ ເລື່ອນຊັ້ນວາທີ ຂື້ນ ຮ້ອຍຕີ 76 ສະຫາຍ, ຮ້ອຍຕີ ຂື້ນ ຮ້ອຍໂທ 18 ສະຫາຍ, ຮ້ອຍໂທ ຂື້ນ ຮ້ອຍເອກ 25 ສະຫາຍ, ຮ້ອຍເອກ ຂື້ນ ພັນຕີ 8 ສະຫາຍ, ເລື່ອນທຽບຊັ້ນ ວາທີ ຂື້ນ ຮ້ອຍຕີ 10 ສະຫາຍ, ເລື່ອນທຽບຊັ້ນ ຮ້ອຍຕີ ຂື້ນຮ້ອຍໂທ 4 ສະຫາຍ ແລະ ເລື່ອນທຽບຊັ້ນຮ້ອຍເອກ ຂື້ນ ພັນຕີ 5 ສະຫາຍ, ເປັນກຽດຂື້ນປະດັບຊັ້ນໂດຍ ສະຫາຍ ພັນເອກ ຄຳຢີນ ແສງສຸລີ ເລຂາພັກ ຫົວໜ້າການເມືອງກອງບັນຊາການທະຫານແຂວງອຸດົມໄຊ.
ພ້ອມດຽວກັນນີ້ຍັງໄດ້ປະກາດການຈັດຕັ້ງຂັ້ນພະແນກການຢູ່ກອງບັນຊາການທະຫານແຂວງອຸດົມໄຊ ໂດຍໄດ້ແຕ່ງຕັ້ງເອົາ ສະຫາຍ ພັນຕີ ສົມອົກ ສຸວັນນະສິງ ເປັນຫົວໜ້າພະແນກສູ້ຮົບຫ້ອງເສນາທິການ, ພັນຕີ ທອງເພັດ ສີນນະຄອນ ເປັນຮອງພະແນກອົບຮົມຫ້ອງເສນາທິການ.
ໃນຕອນທ້າຍພິທີໄດ້ຮັບຟັງການໂອ້ລົມຂອງ ສະຫາຍ ພັນເອກ ຄຳຢີນ ແສງສຸລີ ເລຂາພັກ ຫົວໜ້າການເມືອງກອງບັນຊາການທະຫານແຂວງອຸດົມໄຊ ເຊິ່ງກ່ອນອຶ່ນໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບັນດາສະຫາຍຍາດມາໄດ້.
ພ້ອມທັງເນັ້ນໜັກໃຫ້ສືບຝືກຝົນຫຼໍ່ຫຼອມຕົນເອງໃຫ້ກາຍເປັນນາຍທະຫານທີ່ມີຄວາມຮູ້ຄວາມສາມາດ ແລະສາມາດຊີ້ນຳ-ນຳພາບັນຊາອ້າຍນ້ອງໃນກົມກອງຈັດຕັ້ງປະບັດໜ້າທີ່ວຽກງານໄດ້ສຳເລັດຜົນ, ໃຫ້ມີຄວາມເຂັ້ມແຂງທາງດ້ານລະບຽບ, ເປັນເຈົ້າການປັກປັກຮັກສາຂອບຮັບຜິດຊອບໃຫ້ມີຄວາມສະຫງົບປອດໄພ, ເຮັດໃຫ້ສັງຄົມມີຄວາມເປັນລະບຽບຮ້ອຍ.
ແຫຼ່ງຂໍ້ມູນ: ໂດຍ: ທະນູວັນ, ກອງບັນຊາການທະຫານແຂວງອຸດົມໄຊ