Thursday, June 13, 2024
Lenovo

ນັກເສດຖະສາດຄາດວ່າ!!! ໃຊ້ເງິນກີບ -ຢວນຊຳລະ ຈະເປັນໂອກາດດີ ການຄ້າ-ການລົງທຶນຂອງລາວ

ນັກເສດຖະສາດຄາດຄະເນວ່າການຈະນຳໃຊ້ສະກຸນເງິນກີບລາວ ແລະເງິນຢວນຂອງຈີນເຂົ້າໃນການຊຳລະສະສາງທຸລະກຳລະຫວ່າງປະຊາຊົນສອງປະເທດຈະເປັນຜົນດີທີ່ສຸດຕໍ່ບັນຍາກາດການຄ້າ ແລະ ການລົງທຶນຈາກຈີນທີ່ເປັນຄູ່ຄ້າ ແລະ ລົງທຶນອັນດັບຕົ້ນໆ ຈະຫຼັ່ງໄຫເຂົ້າມາລາວຫຼາຍຂຶ້ນກວ່າເກົ່າພ້ອມແນະນຳລັດສົ່ງເສີມການຜະລິດສິນຄ້າເພື່ອສົ່ງໄປຈີນໃຫ້ຫຼາຍຂຶ້ນເພື່ອດຶງເງິນຢວນເຂົ້າມາຕອບສະໜອງຮອງຮັບໃຫ້ພຽງພໍກັບຄວາມຕ້ອງການຂອງຕະຫຼາດ.

​ໃນວັນທີ 6 ມັງກອນ 2020 ທີ່ນະຄອນຫຼວງປັກກິ່ງ ສປ ຈີນ ທະນາຄານແຫ່ງ ສປປ ລາວ (ທຫລ) ແລະທະນາຄານປະຊາຊົນຈີນ (ທປຈ) ໄດ້ຮ່ວມລົງນາມໃນສັນ ຍາວ່າດ້ວຍການຮ່ວມມືໃນການສົ່ງເສີມການນຳໃຊ້ສະກຸນເງິນທ້ອງຖີ່ນລະຫວ່າງ ທ່ານ ສອນໄຊ ສິດພະໄຊ ຜູ້ວ່າການ ທຫລ ກັບທ່ານ ອີ້ ກັງ ຜູ້ວ່າການ ທປຈ ໂດຍມີທ່ານນາຍົກ ລັດຖະມົນຕີຂອງ 2 ປະເທດເຂົ້າຮ່ວມເປັນສັກຂີພິຍານນຳ.

ຕາມຂໍ້ມູນທີ່ເປີດຈາກກົມຮ່ວມມືສາກົນຂອງ ທຫລ ເຖິງຈະຍັງບໍ່ທັນລະບຸຈະແຈ້ງເຖິງວັນເວລາການຈະເລີ່ມຈັດຕັ້ງປະຕິບັດການຮ່ວມມືດັ່ງກ່າວກໍຕາມແຕ່ກໍໄດ້ສະແດງໃຫ້ເຫັນເຖິງຄວາມພະຍາຍາມເອົາໃຈໃສ່ລະຫວ່າງສອງລະບົບທະນາຄານໃນການສົ່ງເສີມສາຍສຳພັນລະຫວ່າງບັນດາທະນາຄານທຸລະກິດ 2 ປະເທດ ເພື່ອເປັນການຊຸກຍູ້ການນຳໃຊ້ສະກຸນເງິນທ້ອງຖີ່ນໃນການອຳນວຍຄວາມສະດວກໃຫ້ແກ່ການຄ້າ ແລະການລົງທຶນສອງຝ່າຍຊຶ່ງໄດ້ສະແດງໃຫ້ເຫັນເຖິງຄຳໝັ້ນສັນຍາຂອງ 2 ທະນາ ຄານກາງໃນການຈັດຕັ້ງປະຕິບັດຂໍ້ລິເລີ່ມ“ໜຶ່ງແລວໜຶ່ງເສັ້ນທາງ” ໃນຂົງເຂດຂະແໜງການທະນາຄານທັງເປັນການຍົກລະດັບການເປັນຄູ່ຮ່ວມມືຍຸດທະສາດຮອບດ້ານໄປສູ່ລະດັບໃໝ່.

ແນວໃດກໍດີ ທ່ານ ລີເບີ ລີບົວປາວ ຮັກສາການຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດໃຫ້ທັດສະນາຕໍ່ທີມຂ່າວໜັງສືພິມເສດຖະກິດ-ສັງຄົມ ກ່ຽວກັບການຮ່ວມມືດັ່ງກ່າວວ່ານັບເປັນຂ່າວດີທີ່ຈີນຮອງຮັບເງິນກີບລາວ ແລະ ຈະຜົນບວກຕໍ່ລາວຫຼາຍດ້ານໂດຍສະເພາະຈະຊ່ວຍປະກອບສ່ວນໃນການຊຸກຍູ້ຕົວເລກການຄ້າ ແລະການລົງທຶນຈາກຈີນມາສູ່ລາວຫຼາຍຂຶ້ນກວ່າເກົ່າຍ້ອນມີຂໍ້ສະດວກດ້ານການຊຳລະສະສາງທັງຈະຊ່ວຍຫຼຸດຜ່ອນຄວາມຕ້ອງການເງິນໂດລາ ແລະເງິນບາດລົງໄດ້ໃນລະດັບໜຶ່ງຊຶ່ງປະຈຸບັນນັກລົງທຶນກໍມີບັນຫາໃນຈຸດນີ້.

ຢ່າງໃດກໍຕາມທ່ານ ລີເບີ ລີບົວປາວ ກ່າວຕື່ມວ່າ:

ຫາກຮອດເວລາເລີ່ມປະຕິບັດສັນຍາດັ່ງກ່າວລາວຕ້ອງລະວັງອາດຈະປະເຊີນກັບບັນຫາຂາດເງິນຢວນຕອບສະໜອງໃຫ້ກັບສັງຄົມເນື່ອງຈາກປະຈຸບັນຈີນແມ່ນຄູ່ຄ້າ ແລະນັກລົງທຶນລາຍໃຫຍ່ອັນດັບຕົ້ນໆຢູ່ລາວ ແລະ ລາວກໍມີຕົວເລກຂາດດູນການຄ້າກັບຈີນສະນັ້ນ, ອາດຈະເກີດມີການແລກປ່ຽນນອກລະບົບເງິນຢວນຈະແຂງຄ່າຂຶ້ນຖ້າທຽບໃສ່ເງິນກີບລັດຕ້ອງເອົາໃຈໃສ່ຄຸ້ມຄອງບັນຫານີ້ເພື່ອໃຫ້ຜ່ານລະບົບທະນາຄານ, ພ້ອມກັບສຸມການສົ່ງເສີມຜະລິດ ສິນຄ້າພາຍໃນສົ່ງອອກຕ່າງປະເທດໃຫ້ຫຼາຍໂດຍສະເພາະສົ່ງໄປຈີນເພື່ອນຳເງິນຢວນເຂົ້າມາຈໍລະຈອນໃນລາວ.

ຂະນະທີ່ທ່ານເຫັນວ່ານອກຈາກເງິນຢວນຈະໄຫຼເຂົ້າມາຈາກການສົ່ງອອກສິນຄ້າ ແລະການເຂົ້າມາລົງທຶນແລ້ວຍັງຈະມານຳການທ່ອງທ່ຽວ, ການກູ້ຢືມ ແລະ ການຊ່ວຍເຫຼືອລ້າຈາກຈີນນຳອີກ.

ແຫຼ່ງຂໍ້ມູນ: ຂຽນໂດຍ: ຂຸນນໍ້າມຶກ ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ນັກເສດຖະສາດຄາດຄະເນວ່າການຈະນຳໃຊ້ສະກຸນເງິນກີບລາວ ແລະເງິນຢວນຂອງຈີນເຂົ້າໃນການຊຳລະສະສາງທຸລະກຳລະຫວ່າງປະຊາຊົນສອງປະເທດຈະເປັນຜົນດີທີ່ສຸດຕໍ່ບັນຍາກາດການຄ້າ ແລະ ການລົງທຶນຈາກຈີນທີ່ເປັນຄູ່ຄ້າ ແລະ ລົງທຶນອັນດັບຕົ້ນໆ ຈະຫຼັ່ງໄຫເຂົ້າມາລາວຫຼາຍຂຶ້ນກວ່າເກົ່າພ້ອມແນະນຳລັດສົ່ງເສີມການຜະລິດສິນຄ້າເພື່ອສົ່ງໄປຈີນໃຫ້ຫຼາຍຂຶ້ນເພື່ອດຶງເງິນຢວນເຂົ້າມາຕອບສະໜອງຮອງຮັບໃຫ້ພຽງພໍກັບຄວາມຕ້ອງການຂອງຕະຫຼາດ.

​ໃນວັນທີ 6 ມັງກອນ 2020 ທີ່ນະຄອນຫຼວງປັກກິ່ງ ສປ ຈີນ ທະນາຄານແຫ່ງ ສປປ ລາວ (ທຫລ) ແລະທະນາຄານປະຊາຊົນຈີນ (ທປຈ) ໄດ້ຮ່ວມລົງນາມໃນສັນ ຍາວ່າດ້ວຍການຮ່ວມມືໃນການສົ່ງເສີມການນຳໃຊ້ສະກຸນເງິນທ້ອງຖີ່ນລະຫວ່າງ ທ່ານ ສອນໄຊ ສິດພະໄຊ ຜູ້ວ່າການ ທຫລ ກັບທ່ານ ອີ້ ກັງ ຜູ້ວ່າການ ທປຈ ໂດຍມີທ່ານນາຍົກ ລັດຖະມົນຕີຂອງ 2 ປະເທດເຂົ້າຮ່ວມເປັນສັກຂີພິຍານນຳ.

ຕາມຂໍ້ມູນທີ່ເປີດຈາກກົມຮ່ວມມືສາກົນຂອງ ທຫລ ເຖິງຈະຍັງບໍ່ທັນລະບຸຈະແຈ້ງເຖິງວັນເວລາການຈະເລີ່ມຈັດຕັ້ງປະຕິບັດການຮ່ວມມືດັ່ງກ່າວກໍຕາມແຕ່ກໍໄດ້ສະແດງໃຫ້ເຫັນເຖິງຄວາມພະຍາຍາມເອົາໃຈໃສ່ລະຫວ່າງສອງລະບົບທະນາຄານໃນການສົ່ງເສີມສາຍສຳພັນລະຫວ່າງບັນດາທະນາຄານທຸລະກິດ 2 ປະເທດ ເພື່ອເປັນການຊຸກຍູ້ການນຳໃຊ້ສະກຸນເງິນທ້ອງຖີ່ນໃນການອຳນວຍຄວາມສະດວກໃຫ້ແກ່ການຄ້າ ແລະການລົງທຶນສອງຝ່າຍຊຶ່ງໄດ້ສະແດງໃຫ້ເຫັນເຖິງຄຳໝັ້ນສັນຍາຂອງ 2 ທະນາ ຄານກາງໃນການຈັດຕັ້ງປະຕິບັດຂໍ້ລິເລີ່ມ“ໜຶ່ງແລວໜຶ່ງເສັ້ນທາງ” ໃນຂົງເຂດຂະແໜງການທະນາຄານທັງເປັນການຍົກລະດັບການເປັນຄູ່ຮ່ວມມືຍຸດທະສາດຮອບດ້ານໄປສູ່ລະດັບໃໝ່.

ແນວໃດກໍດີ ທ່ານ ລີເບີ ລີບົວປາວ ຮັກສາການຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດໃຫ້ທັດສະນາຕໍ່ທີມຂ່າວໜັງສືພິມເສດຖະກິດ-ສັງຄົມ ກ່ຽວກັບການຮ່ວມມືດັ່ງກ່າວວ່ານັບເປັນຂ່າວດີທີ່ຈີນຮອງຮັບເງິນກີບລາວ ແລະ ຈະຜົນບວກຕໍ່ລາວຫຼາຍດ້ານໂດຍສະເພາະຈະຊ່ວຍປະກອບສ່ວນໃນການຊຸກຍູ້ຕົວເລກການຄ້າ ແລະການລົງທຶນຈາກຈີນມາສູ່ລາວຫຼາຍຂຶ້ນກວ່າເກົ່າຍ້ອນມີຂໍ້ສະດວກດ້ານການຊຳລະສະສາງທັງຈະຊ່ວຍຫຼຸດຜ່ອນຄວາມຕ້ອງການເງິນໂດລາ ແລະເງິນບາດລົງໄດ້ໃນລະດັບໜຶ່ງຊຶ່ງປະຈຸບັນນັກລົງທຶນກໍມີບັນຫາໃນຈຸດນີ້.

ຢ່າງໃດກໍຕາມທ່ານ ລີເບີ ລີບົວປາວ ກ່າວຕື່ມວ່າ:

ຫາກຮອດເວລາເລີ່ມປະຕິບັດສັນຍາດັ່ງກ່າວລາວຕ້ອງລະວັງອາດຈະປະເຊີນກັບບັນຫາຂາດເງິນຢວນຕອບສະໜອງໃຫ້ກັບສັງຄົມເນື່ອງຈາກປະຈຸບັນຈີນແມ່ນຄູ່ຄ້າ ແລະນັກລົງທຶນລາຍໃຫຍ່ອັນດັບຕົ້ນໆຢູ່ລາວ ແລະ ລາວກໍມີຕົວເລກຂາດດູນການຄ້າກັບຈີນສະນັ້ນ, ອາດຈະເກີດມີການແລກປ່ຽນນອກລະບົບເງິນຢວນຈະແຂງຄ່າຂຶ້ນຖ້າທຽບໃສ່ເງິນກີບລັດຕ້ອງເອົາໃຈໃສ່ຄຸ້ມຄອງບັນຫານີ້ເພື່ອໃຫ້ຜ່ານລະບົບທະນາຄານ, ພ້ອມກັບສຸມການສົ່ງເສີມຜະລິດ ສິນຄ້າພາຍໃນສົ່ງອອກຕ່າງປະເທດໃຫ້ຫຼາຍໂດຍສະເພາະສົ່ງໄປຈີນເພື່ອນຳເງິນຢວນເຂົ້າມາຈໍລະຈອນໃນລາວ.

ຂະນະທີ່ທ່ານເຫັນວ່ານອກຈາກເງິນຢວນຈະໄຫຼເຂົ້າມາຈາກການສົ່ງອອກສິນຄ້າ ແລະການເຂົ້າມາລົງທຶນແລ້ວຍັງຈະມານຳການທ່ອງທ່ຽວ, ການກູ້ຢືມ ແລະ ການຊ່ວຍເຫຼືອລ້າຈາກຈີນນຳອີກ.

ແຫຼ່ງຂໍ້ມູນ: ຂຽນໂດຍ: ຂຸນນໍ້າມຶກ ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

9 ສິ່ງທີ່ບໍ່ຄວນເຮັດ! ຫຼັງຈາກກິນເຂົ້າອີ່ມ ເພາະມັນອາດສົ່ງຜົນກະທົບຕໍ່ຮ່າງກາຍ !!

“ເອັນທ້ອງເຄັ່ງ ເອັນຕາກໍຍານ” ຄຳນີ້ແມ່ນປາກົດວ່າທຸຄົນມີພຶດຕິກຳແບບນີ້ຫລາຍ ແລະ ເຊື່ອວ່າ ຫຼັງຈາກທຸກທ່ານຮັບປະທານອາຫານອີ່ມແລ້ວ ກໍອາດຫຼົງເຮັດສິ່ງເລົ່ານີ້ລົງໄປດ້ວຍຄວາມລຶ້ງເຄີຍ ໂດຍລືມຄຳນຶງເຖິງຜົນກະທົບທີ່ຕາມມາ. 

ກິນແລ້ວນອນທັນທີ! ບໍ່ດີຕໍ່ສຸຂະພາບ

ປັດໄຈທີ່ເຮັດໃຫ້ຕຸ້ຍ ຫຼື ບໍ່ຕຸ້ຍ ມີຢູ່ຫຼາຍຢ່າງ ເຊັ່ນ ພຶດຕິກຳການກິນ, ອາຫານທີ່ມັກກິນ ຫຼື ການນອນເດິກ ກໍສົ່ງຜົນໃຫ້ຕຸ້ຍຂຶ້ນໄດ້ຄືກັນ. ຖ້າວ່າ ການກິນແລ້ວນອນ ເຮັດໃຫ້ຕຸ້ຍຂຶ້ນບໍ່ນັ້ນ, ຍັງບໍ່ມີຜົນສະຫຼຸບທີ່ແນ່ນອນ ເພາະຄວາມຕຸ້ຍຈາກການກິນແລ້ວນອນ ມີຫຼາຍແບບ ຄື ບາງຄົນກິນຫຼາຍໃນຕອນຄ່ຳເຊັ່ນ ອາຫານທອດ,​ ຂອງມັນ, ພິດຊ່າ ຫຼື ອາຫານມະຍິກມະຍ່ອຍແລ້ວເຂົ້ານອນ,

ບຸນບັ້ງໄຟ ປະເພນີ ຄອບໄຂວ່ ເທວະດາຟ້າແຖນ

ພໍຕົກມາ ເດືອນ 6 ລາວ ເປັນໄລຍະຕົ້ນລະດູຝົນ ເຊິ່ງປະຊາຊົນລາວ ໂດຍສະເພາະ ຊາວໄຮ່ຊາວນາ ກໍກະກຽມລົງໄຮ່ລົງນາ ເພື່ອທຳການຜະລິດໃຫ້ຖືກຕາມລະດູການ ແລະ ຕາມປະເພນີທີ່ສືບທອດກັນມາ ຈະໄດ້ມີ ບຸນບັ້ງໄຟ ທີ່ຖືວ່າເປັນ ປາງບຸນໃຫຍ່ໜຶ່ງ ໃນຮີດສິບສອງຄອງສິບສີ່ ຂອງປະເພນີລາວ ຈັດຂຶ້ນທຸກໆປີ ຫຼັງບຸນປີໃໝ່ ໂດຍເຊື່ອກັນວ່າ ເປັນພິທີກໍາ ຄອບໄຂວ່ ເທວະດາຟ້າແຖນ ເພື່ອຂໍຝົນ ໃຫ້ຕົກຕາມລະດູການ ເພື່ອໃຫ້ ພືດພັນ, ຜົນລະປູກຈະເລີນງອກງາມ.