ສະຫາຍ ພົນເອກ ຈັນສະໝອນ ຈັນຍາລາດ ລົງກວດກາໂຄງການກໍ່ສ້າງ ຈຳລອງຄຸກກັກຂັງຜູ້ນຳແນວລາວຮັກຊາດ ທີ່ໂພນເຄັງ.
ຄະນະຮັບຜິດຊອບໂຄງການ ກໍ່ສ້າງຈຳລອງຄຸກກັກຂັງຜູ້ນຳ ແນວລາວຮັກຊາດ ລົງພື້ນທີ່ເພື່ອ ກວດສອບຜົນສຳເລັດໂຄງການ ກໍ່ສ້າງດັ່ງກ່າວ ໂດຍການເຂົ້າ ຮ່ວມຂອງ ສະຫາຍ ພົນເອກ ຈັນ ສະໝອນ ຈັນຍາລາດ ກຳມະ ການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະ ເທດ ມີທ່ານ ບົວສີ ຈະເລີນສຸກ ພ້ອມ ດ້ວຍຫົວໜ້າກົມວິທະຍາສາດ-ປະຫວັດສາດການທະຫານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ການລົງກວດກາຜົນສຳເລັດ ຄັ້ງນີ້ສະຫາຍລັດຖະມົນຕີກະຊວງ ປ້ອງກັນປະເທດໄດ້ແນະນຳເຈົ້າ ຂອງໂຄງການ ແລະ ບໍລິສັດຮັບເໝົາກໍ່ສ້າງຕ້ອງປັບປຸງແກ້ໄຂດ້ານເນື້ອໃນທີ່ຍັງບໍ່ຄົບຖ້ວນ, ໃຫ້ເພີ່ມການຕົບແຕ່ງເສີມສ້າງສະ ຖານທີ່ໃຫ້ອຸດົມສົມບູນຄົບວົງຈອນ, ເພື່ອໃຫ້ຄົບຖ້ວນຕາມແຜນຜັງເກົ່າ, ເພີ່ມວັດຖຸພັນ, ສິ່ງຂອງເຄື່ອງໃຊ້ຕ່າງໆທີ່ທ່ານຜູ້ນຳເຄີຍໃຊ້ໃນສະໄໝນັ້ນ ພ້ອມທັງປະດັບປະດາພາຍນອກໃຫ້ເໝາະສົມ ຕາມສົມຄວນເພື່ອໃຫ້ທັນກັບເວລາທີ່ກຳນົດໄວ້.
ໂອກາດນີ້ ທ່ານ ສົມພັດ ສຸພັດ ທອນ ຜູ້ອຳນວຍການບໍລິສັດສຸພັດ ທອນ ທີ່ປຶກສາ ແລະ ບໍລິການຄົບ ວົງຈອນ SCS ໄດ້ກ່າວວ່າ:
ໂຄງການດັ່ງກ່າວມາຮອດປັດຈຸບັນມີ ການກໍ່ສ້າງແຕ່ລະໜ້າວຽກແມ່ນສຳເລັດ 100% ລວມມູນຄ່າ 8.499 ລ້ານກວ່າກີບ ເຊິ່ງຈະໄດ້ ຈັດພິທີມອບ-ຮັບຂຶ້ນໃນມໍ່ໆນີ້.
ແຫຼ່ງຂໍ້ມູນ: ໂດຍ: ວົງວິໄລ ບຸນລືໄຕ Lao people’s Army News
