ທີ່ນະຄອນຫລວງວຽງຈັນ, ລັດຖະບານ ແລະ ປະຊາຊົນຣັດເຊຍໃຫ້ການຊ່ວຍເຫລືອລ້າຈໍານວນ 1 ລ້ານໂດລາສະຫະລັດ ເພື່ອປະກອບສ່ວນເຂົ້າວຽກງານການປ່ຽນແປງດິນຟ້າອາກາດຢູ່ ສປປ ລາວໂດຍຜ່ານອົງການອາຫານໂລກ.
ອົງການອາຫານໂລກປະຈໍາລາວ ພາຍໃຕ້ການຮ່ວມມືກັບກະຊວງກະສິກຳ ແລະ ປ່າໄມ້ ສາມາດໃຫ້ການຊ່ວຍ ເຫຼືອປະຊາຊົນຫຼາຍກວ່າ 27.500 ຄົນທາງພາເໜືອຂອງປະເທດລາວ ທີ່ໄດ້ຮັບຜົນກະທົບຈາກການປ່ຽນແປງຂອງດິນຟ້າອາກາດເຊັ່ນ: ໄພນ້ຳຖ້ວມ, ໄພແຫ້ງແລ້ງ ແລະ ການລະບາດຂອງສັດຕູພືດໃນສອງປີທີ່ຜ່ານມາ.
ທາງອົງການອາຫານໂລກໄດ້ຮັບນໍ້າມັນນປຸງແຕ່ງອາຫານຈຳນວນ 36 ໂຕນຈາກປະເທດຣັດເຊຍ, ມອບໂດຍ ທ່ານ ວາລາດີເມຍ ຄານີລິນ, ເອກອັກຄະຣາຊທູດຣັດເຊຍປະ ຈຳ ສປປ ລາວ, ຊາວບ້ານຈະໄດ້ຮັບນ້ ຳ ມັນ ແລະ ປາກະປ໋ອງ ເປັນຄ່າຕອບແທນເພື່ອແລກກັບການອອກແຮງງານໃນການສ້າງໂຄງລ່າງພື້ນຖານຂອງຊຸມຊົນເຊັ່ນ: ໜອງປາ, ແລະ ລະບົບຄວບຄຸມນໍ້າຖ້ວມ.
ເຄື່ອງຊ່ວຍເຫຼືອເຫຼົ່ານີ້ແມ່ນສາມາດກ້າວຜ່ານຊ່ວງລະດູການຂາດແຄນ, ໃນຂະນະດຽວກັນຊັບສິນຂອງຊຸມຊົນທີ່ພວກເຂົ້າໄດ້ສ້າງກໍ່ຈະສາມາດຊ່ວຍປັບປຸງລະດູການເກັບກ່ຽວແລະ ຫຼຸດຜ່ອນຄວາມສ່ຽງ ກໍ່ຄືຜົນກະທົບຈາກການປ່ຽນແປງຂອງດິນຟ້າອາກາດ.
ແຫລ່ງຂໍ້ມູນ: ໂດຍ: ນໍ້າອອ້ຍຂົມ, ສະຖານທູດຣັດເຊຍປະຈໍາລາວ
Hits: 12
