ຂໍ້ມູນສະຖານະການການລະບາດຂອງໄວຣັສໂຄໂຣນາທົ່ວໂລກ ໃນເວລາ 08.00 ໂມງ (7 ມີນາ) ພົບວ່າມີຜູ້ຕິດເຊື້ອລວມກວ່າ 101.811 ຄົນ ຫາຍດີແລ້ວ 57.323 ຄົນ ເສຍຊີວິດ 3.488 ຄົນ.
ແຕ່ເມື່ອເບິ່ງລາຍລະອຽດສະເພາະປະເທດໃນກຸ່ມອາຊຽນ 10 ປະເທດ ພົບວ່າ ສິງກະໂປມີຜູ້ຕິດເຊື້ອສະສົມຫຼາຍທີ່ສຸດຄື 130 ຄົນ ຫາຍດີແລ້ວ 78 ຄົນ ບໍ່ມີຜູ້ເສຍຊີວິດ ຮອງລົງມາຄື ມາເລເຊຍ ມີຜູ້ຕິດເຊື້ອສະສົມ 83 ຄົນ ຫາຍດີແລ້ວ 23 ຄົນ ບໍ່ມີຜູ້ເສຍຊີວິດ ສ່ວນປະເທດໄທຕິດເຊື້ອສະສົມເປັນລຳດັບທີສາມ ຄື 48 ຄົນ ຫາຍດີແລ້ວ 31 ຄົນ ແລະ ເສຍຊີວິດ 1 ຄົນ.
ຫວຽດນາມ ຕິດເຊື້ອສະສົມ 16 ຄົນ ຫາຍດີດີແລ້ວທັງ 16 ຄົນ ຟິລິບປິນ 5 ຄົນ ອິນໂດເນເຊຍ 4 ຄົນ ຍັງບໍ່ມີໃຜຫາຍດີ ແລະ ຍັງບໍ່ມີການເສຍຊີວິດ ຂະນະທີ່ກໍາປູເຈຍ 1 ຄົນ ຫາຍດີແລ້ວ ສ່ວນປະເທດໃນອາຊຽນທີ່ບໍ່ພົບຂໍ້ມູນການຕິດເຊື້ອໄດ້ແກ່ ລາວ ບຣູໄນ ແລະ ມຽນມາ.
ແຫຼ່ງຂໍ້ມູນ: ວຽງຈັນໃໝ່