ແຂວງອັດຕະປື ເເຈ້ງປິດດ່ານທ້ອງຖິ່ນ ແລະ ດ່ານປະເພນີເຂົ້າ-ອອກຊົ່ວຄາວ. ລະຫວ່າງແຂວງອັດຕະປື-ແຂວງກອນຕູມ ສສ ຫວຽດນາມ ແລະ ເເຂວງອັດຕະປື – ແຂວງຊຽງແຕງ ແລະລັດຕະນະຄີລີ ຣາຊາອານາຈັກກຳປູເຈຍ ຈົນກວ່າສະພາບການລະບາດຂອງພະຍາດຈະຄວບຄຸມໄດ້.
ໂດຍອີງຕາມຄຳສັ່ງຂອງທ່ານເຈົ້າເເຂວງ ສະບັບເລກທີ 05 /ຈຂກອປ ລົງວັນທີ 12 /3 /2020 ກ່ຽວກັບການປ້ອງກັນຄວບຄຸມ ແລະ ຕອບໂຕ້ ພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ COVID-19. ແລະ ອີງຕາມໜັງສືສະເໜີ ຂອງພະແນກສາທາລະນະສຸກເເຂວງ ສະບັບເລກທີ 84/ ສທຂ ລົງວັນທີ13/3/2020
ມີີຄຳສັ່ງໃຫ້ປິດດ່ານທ້ອງຖິ່ນ ແລະ ດ່ານປະເພນີທີ່ຕິດຈອດກັບຊາຍແດນ ຂອງອັດຕະປື – ແຂວງກອນຕູມ ສ ສ ຫວຽດນາມ ແລະ ເເຂວງອັດຕະປື – ແຂວງຊຽງແຕງ ແລະ ລັດຕະນະຄີລີ ຣາຊາອານາຈັກກຳປູເຈຍ.
ຈົນກວ່າສະພາບການລະບາດຂອງພະຍາດຈະຄວບຄຸມໄດ້ຄື: ດ່ານພູຍາງ ເມືອງ ພູວົງ ແຂວງອັດຕະປື, ດ່ານຟໍ 1 ເຂດວັງຕັດ ເມືອງຊານໄຊ ເເຂວງອັດຕະປື, ດ່ານປະເພນີ (ຟ2, ຟ3, ຟ4, ຟ5 ແລະ ຟ6) ຖ້າມີຄວາມຈຳເປັນໃນການເຂົ້າອອກຂອງປະຊາຊົນ, ນິຕິບຸກຄົນທີ່ດຳລົງຊີວິດຢູ່2ພາກຝັ່ງຊາຍເເດນ ແມ່ນໃຫ້ມາດ່ານສາກົນພູເກືອ-ເບີອີ (ສຳຫລັບ ສ ສ ຫຽວດນາມ) ແລະ ດ່ານສາກົນໜອງນົກຂຽນ ຣາສະອານາຈັກກຳປູເຈຍ.
ແມ່ນມອບໃຫ້ກອງບັນຊາການ ປກສ ແຂວງ ແລະກອງບັນຊາການທະຫານແຂວງ ຊີ້ນຳບັນດາກອງຮ້ອຍຊາຍເເດນ ເເລະ້ຈົ້າຫນ້າທີ່ຜູ້ຮັບຜິິຊອບໃນແຕ່ລະດ່ານ ແຕ່ລະຈຸດສຶກສາອົບຮົມພໍອມ່ປະຊາຊົນ ທີ່ອາໃສລຽບຕາມຊາຍເເດນໃຫ້ເຂົ້າໃຈຄຳສັ່ງຂອງເຈົ້າແຂວງ ສະບັບເລກທີ 05 /ຈຂກອປ ລົງວັນທີ 12 /3 /2020 ກ່ຽວກັບການປ້ອງກັນຄວບຄຸມ ແລະ ຕອບໂຕ້ ພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ COVID-19. ກໍ່ຄືປະຕິບັດເເຈ້ງການສະບັບນີ້ຢ່າງເຂັ້ມງວດ.
ແຫຼ່ງຂໍ້ມູນ: ຂ່າວ: ມະນີວອນ, ມີເດຍລາວ ອັດຕະປື