Wednesday, July 17, 2024
Lenovo

ເປີດປະຫວັດ! ກອງຫຼັງດາວຮຸ່ງ ທີມຊາດຍິງລາວ “ວິໄລພອນ ແພງຊະນະ”

ວິໄລພອນ ແພງຊະນະ

ມາຮູ້ຈັກກັບ ວິໄລພອນ ແພງຊະນະ ກອງຫລັງ ດາວຮຸ່ງ ທີມຊາດຍິງລາວ ຫລາຍໆຄົນອາດຈະໄດ້ຜົນງານຂອງ ກອງຫລັງຄົນນີ້ມາແລ້ວ ວິໄລພອນ ແພງຊະນະ ໃນການແຂ່ງຂັນບານເຕະຍິງຊີງແຊ້ມອາຊຽນ ຮຸ່ນອາຍຸບໍ່ເກີນ 15 ປີ ປະຈຳປີ 2017 ແລະ ການແຂ່ງຂັນບານເຕະຊີງແຊ້ມອາຊີ ຮຸ່ນອາຍຸບໍ່ເກີນ 16 ປີ ຮອບຄັດເລືອກ ປີ 2019 ທ​ີ່​ ສ​ປ​ປ​ລາວ ໄດ້​ຮັບ​ກຽດ​ເປັນ​ເຈົ້າ​ພາບ.

ວິໄລພອນ ເລີ້ມຫລິ້ນເຕະບານຕັ້ງແຕ່ອາຍຸ 11 ປີ ແລະ ໄດ້​ເຂົ້າ​ຮ່ວມກ​ິດ​ຈະ​ກຳ​ທີ່ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ຈັດ​ຂຶ້ນ​ໃນ​ແຕ່​ປີ​ໂດຍ​ສະ​ເພາະ​ແມ່ນ​ວັນ​ແມ່​ຍິງ​ສາ​ກົນ, ສຳ​ລັບແຮງບັນດານໃຈມາຈາກຕົນເອງມັກກິລາບານເຕະ ແລະ ຄອບຄົວໃຫ້ການສະຫນັບສະຫນູນຕະຫລອດ, ຢາກສືບຕໍ່ກິລາບານຍິງ ມີຄວາມໄຝ່ຝັນຢາກຕິດທີມຊາດແຕ່ນ້ອຍ ມີໄອດໍ້ໃນດວງໃຈ ກໍຄື SERGIO RAMOS ກອງຫລັງທີມຊາດສະເປນ.

ວິໄລພອນ ແພງຊະນະ ( ກະ​ຕ່າຍ ) ເກີດ​ວັນ​ທີ 04 ມັງກອນ 2004 ພູມລຳເນົາ: ນະຄອນຫລວງວຽງຈັນ ລວງສູງ: 165 CM ນ້ຳຫນັກ: 55 KG, ຕຳແຫນ່ງ ກອງຫລັງ,ປັດຈຸບັນກຳລັງຮຽນຢູ່ ມສ ໂພນທັນ (ມ6), ເຄີຍຫລິ້ນໃຫ້ທີມຊາດ: U14,U15,U16,U17,U19 ແລະ ກຳລັງກຽມຊຸດໃຫຍ່ ສັງກັດສະໂມສອນ : ສະໂມ ສອນ ເມືອງມະນີ ເອັຟຊີ ແລະ ສະໂມສອນ ນະຄອນຫລວງ ເຄີຍເປັນນັກກິລາ Academy:ເມືອງມະນີ ເອັຟຊີ.

ປະຫວັດການຮັບໃຊ້ທີມຊາດລາວ – 2016 JENESYS Japan-ASEAN U14 Football Exchange Programme ຢູ່ທີ່ປະເທດຍີ່ປຸ່ນ- 2017 Jockey’s Club Girls’ International Youth Invitational Football Tournament U14 ຢູ່ທີ່ ຮົງກົງ ໄດ້ອັນດັບ 3- 2017 AFF U15 GIRLS’ CHAMPIONSHIP 2017 ຢູ່ທີ່ ສປປລາວ- 2018 AFF U16 GIRLS’ CHAMPIONSHIP 2018 ຢູ່ທີ່່ປະເທດອິນໂດເນເຊຍ ໄດ້ອັນດັບ 4- 2018 AFC U-16 WOMEN’S CHAMPIONSHIP 2019, Qualifiers Round 1 ຢູ່ທີ່ປະເທດມົງໂກລີ ເປັນແຊ້ມກຸ່ມ ບີ- 2019 AFC U-16 WOMEN’S CHAMPIONSHIP 2019, Qualifiers Round 2 ຢູ່ທີ່ ສປປລາວ- 2019 Jockey’s Club Girls’ International Youth Invitational Football Tournament U17 ຢູ່ທີ່ ຮົງກົງ ໄດ້ອັນດັບ 1 – 2019 Bangamata U-19 Women’s International Gold Cup 2019 ຢູ່ປະເທດບັງກະລາເທດ ໄດ້ອັນດັບ 1 ຮ່ວມ- 2019 AFF U15 GIRLS’ CHAMPIONSHIP 2019 ຢູ່ທີ່ປະເທດໄທ ໄດ້ອັນດັບ 2

ແຫຼ່ງຂໍ້ມູນ: ສະຫະພັນບານເຕະແຫ່ງຊາດລາວ Lao Football Federation

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.