ກົມໃຫຍ່ພະລາທິການ ແລະ ກອງບັນຊາການທະຫານເຂດ 4 ກອງທັບປະຊາຊົນຫວຽດນາມ ໄດ້ເດີນທາງມາຊ່ວຍແນະນໍາ, ປຶກສາຫາລືກ່ຽວກັບການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ -19, ພ້ອມທັງມອບເຄື່ອງອຸປະກອນການແພດ ໃຫ້ກະຊວງປ້ອງກັນປະເທດລາວ, ຢູ່ທີ່ ຄ້າຍທະຫານຊາຍແດນ ນໍ້າພາວ (ແຂງບໍລິຄໍາໄຊ)-ເກົ໋າແຈ່ວ (ແຂວງຮ່າຕິງ).
ເຄື່ອງຊ່ວຍເຫລືອດັ່ງກ່າວປະກອບມີ: ຜ້າອັດປາກຕ້ານພະຍາດ 100.000 ອັນ, ແຜອັດປາກແພດ 30.00 ອັນ, ຊຸດປ້ອງກັນໂຄວິດ 2.000 ຊຸດ, ນໍ້າຢາລ້າງມື 2.000 ຂວດ, ຖັງສິດດ້ວຍມື Semco 10 ອັນ, ຈັກສິດຢາຂ້າເຊື້ອ 05 ອັນ, Clorin 500 Kg, ປຶ້ມຄໍາຖາມ-ຕອບ ພະຍາດໂຄວິດ -19 ຈໍານວນ 2.000 ຫົວ, ປຶ້ມຫຼັກການປ້ອງກັນໂຄວິດ -19 ຈໍານວນ 10 ຫົວ, ລວມມູນຄ່າເປັນເງິນ 1 ຕື້ກວ່າກີບ.
ເຊິ່ງໃຫ້ກຽດຕາງໜ້າມອບໂດຍສະຫາຍ ພົ.ວ ຫງວຽນ ຮຸງ ຖັງ ຮອງຫົວໜ້າກົມໃຫຍ່ພະລາທິການ ກອງທັງປະຊາຊົນຫວຽດນາມ ແລະ ຕາງໜ້າຮັບໂດຍ ສະຫາຍ ພົ.ວ ວໍລະສານ ວິລັດດາວົງ ຮອງຫົວໜ້າກົມໃຫຍ່ການເມືຶອງ ກອງທັບປະຊາຊົນລາວ.ສະຫາຍ ພົ.ວ ວໍລະສານ ວິລັດດາວົງ ໄດ້ຕາງໜ້າໃຫ້ລັດຖະບານ, ກອງທັບ ແລະ ປະຊາຊົນລາວ ສະແດງຄວາມຂອບໃຈ ແລະ ຮູ້ບຸນຄຸນ ມາຍັງລັດຖະບານ, ກອງທັບ ແລະ ປະຊາຊົນຫວຽດນາມ ທີ່ໄດ້ມອບອຸປະກອນການແພດທີ່ຈຳເປັນໃນຄັ້ງນີ້ ເພື່ອມາຊ່ວຍ ສປປ ລາວ ໃນການປ້ອງກັນ ແລະ ຕ້ານພະຍາດໂຄວິດ-19.
ແຫຼ່ງຂໍ້ມູນ: Lao people’s Army News