Friday, April 19, 2024
Lenovo

ສົ່ງຄະນະແພດຊ່ຽວຊານກອງທັບຫວຽດນາມກັບຄືນປະເທດ!

ທີ່ໂຮງແຮມເມືອງແທັງ ໄດ້ມີພິທີສົ່ງຄະນະຊ່ຽວຊານການແພດກອງທັບປະຊາຊົນຫວຽດນາມຈຳນວນ 7 ສະຫາຍ ກັບຄືນປະເທດ ຢ່າງເປັນທາງການ, ພາຍຫລັງທີ່ໄດ້ເດີນທາງມາປະຕິບັດໜ້າທີ່ ໃຫ້ການຊ່ວຍເຫລືອວຽກງານການຕ້ານ ແລະ ສະກັດກັ້ນ ພະຍາດໂຄວິດ-19 ຢູ່ ສປປ ລາວ, ແຕ່ວັນທີ 7 ເມສາ ເຖິງ 15 ເມສາ 2020.

ເປັນກຽດເຂົ້າຮ່ວມຂອງ ສະຫາຍ​ພົນຕີ​ ປອ ວົງຄຳ ພົມມະກອນ​ ຫົວໜ້າກົມໃຫຍ່ພະລາທິການກອງທັບປະຊາຊົນລາວ ພ້ອມດ້ວຍຄະນະ, ມີທີ່ປຶກສາທູດຝ່າຍປ້ອງກັນຊາດ ສສ​ ຫວຽດນາມ ປະຈຳ ລາວ ແລະ ພະນັກງານພາກສ່ວນທີ່ກ່ຽວຂ້ອງ ເຂົ້າຮ່ວມພີທີສົ່ງຄັ້ງນີ້ຢ່າງພ້ອມພຽງ.

ໃນໂອກາດນີ້, ສະຫາຍ ຫົວໜ້າ ກົມໃຫຍ່ພະລາທິການກອງທັບປະຊາຊົນລາວ ໄດ້ຕາງໜ້າລັດຖະບານ, ກະຊວງປ້ອງກັນປະເທດ,ຄະນະສະເພາະກິດກະຊວງປ້ອງກັນປະເທດ,​ພະນັກງານແພດໝໍ ແລະ ປະຊາຊົນລາວບັນດາເຜົ່າ ສະແດງຄວາມຂອບໃຈ ແລະ ຮູ້ບຸນຄຸນຢ່າງສູງມາຍັງກະຊວງປ້ອງກັນປະເທດຫວຽດນາມກໍຄື ພັກ ແລະ ລັດຖະບານ ສສຫວຽດນາມ ທີ່ໄດ້ໃຫ້ການຊ່ວຍເຫລືອສະໜັບສະໜູນ ສປປ ລາວ ຕະຫລອດໄລຍະຜ່ານມາ

ໂດຍໄດ້ສົ່ງຄະນະຊ່ຽວຊານການແພດທະຫານຜູ້ທີ່ມີຄວາມຮູ້ ມີປະສົບການສູງ ພ້ອມທັງໄດ້ນຳເອົາອຸປະກອນການແພດທີ່ຈຳເປັນຕ່າງໆມີມູນຄ່າມະຫາສານ ມາຊ່ວຍເຫລືອແກ່ກອງທັບປະຊາຊົນລາວກໍຄືປະຊາຊົນລາວ ເພື່ອນຳໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ທີ່ກຳລັງແຜ່ລະບາດຢູ່ ສປປ ລາວ ແລະ ໃນທົ່ວໂລກ.

ຕະຫລອດໄລຍະການປະຕິບັດໜ້າທີ່ຂອງຄະນະຊ່ຽວຊານການແພດຫວຽດນາມ ໄດ້ຮ່ວມເຮັດວຽກກັບແພດຝ່າຍລາວ ທັງຢູ່ຂັ້ນສູນກາງ ແລະ ບັນດາແຂວງ ທັງພາກກາງ-ພາກໃຕ້ ເພື່ອຍົກລະດັບຄວາມຮູ້ຄວາມສາມາດ, ມາດຕະການ ແລະ ມາດຕະຖານໃນການປ້ອງກັນພະຍາດໂຄວິດ-19 ຂອງລາວເຮົາໃຫ້ສູງຂຶ້ນ,

ເປັນຕົ້ນແມ່ນ ໄດ້ຈັດການຝຶກອົບຮົມ, ຖ່າຍຖອດບົດຮຽນ ແລະ ປະສົບການຕົວຈິງ, ທັງໃຫ້ຄຳປຶກສາ ແລະ ແນະນຳ, ປັບປຸງແບບແຜນວິທີເຮັດວຽກ, ຄຸ້ມຄອງກໍລະນີຜູ້ຖືກສົງໄສ, ການຮັກສາອະນາໄມສິ່ງແວດລ້ອມ, ອາຄານສະຖານທີ່, ວິທີການກວດກາຊອກຫາເຊື້ອ ແລະ ການປິ່ນປົວພະຍາດ ດ້ວຍການນໍາໃຊ້ຢາຫລວງ-ຢາພື້ນເມືອງ ລວມມີ ປຶ້ມຄູ່ມືຈຳນວນໜື່ງ ເພື່ອໃຫ້ແພດຝ່າຍລາວ ນໍາໄປຈັດຕັ້ງປະຕິບັດໃຫ້ມີປະສິດທິພາບ ແລະໄດ້ຮັບປະສິດທິຜົນສູງສຸດ.

ນອກນີ້, ຄະນະຊ່ຽວຊານການແພດດັ່ງກ່າວ ຍັງໄດ້ລົງໄປຢ້ຽມຢາມ, ກວດກາຄວາມພ້ອມ ແລະ ການໃຫ້ບໍລິການປິ່ນປົວຄົນເຈັບ ທີ່ເປັນພະຍາດໂຄວິດ-19 ຢູ່ບັນດາໂຮງໝໍສູນກາງຫລາຍແຫ່ງ ແລະ ສູນຈຳກັດບໍລິເວນຫລາຍແຫ່ງ ຢູ່ນະຄອນຫລວງວຽງຈັນ​ ແລະ​ ກົມກອງທ້ອງຖີ່ນ ພ້ອມທັງໃຫ້ຄຳປຶກສາ ແນະນຳຕ່າງໆໃນການຮັບມື ແລະ ຮັບປະກັນບໍ່ໃຫ້ມີການແຜ່ລະບາດຂອງພະຍາດນີ້ໃນວົງກວ້າງ.

ແຫຼ່ງຂໍ້ມູນ: LaoArmyNews

ທີ່ໂຮງແຮມເມືອງແທັງ ໄດ້ມີພິທີສົ່ງຄະນະຊ່ຽວຊານການແພດກອງທັບປະຊາຊົນຫວຽດນາມຈຳນວນ 7 ສະຫາຍ ກັບຄືນປະເທດ ຢ່າງເປັນທາງການ, ພາຍຫລັງທີ່ໄດ້ເດີນທາງມາປະຕິບັດໜ້າທີ່ ໃຫ້ການຊ່ວຍເຫລືອວຽກງານການຕ້ານ ແລະ ສະກັດກັ້ນ ພະຍາດໂຄວິດ-19 ຢູ່ ສປປ ລາວ, ແຕ່ວັນທີ 7 ເມສາ ເຖິງ 15 ເມສາ 2020.

ເປັນກຽດເຂົ້າຮ່ວມຂອງ ສະຫາຍ​ພົນຕີ​ ປອ ວົງຄຳ ພົມມະກອນ​ ຫົວໜ້າກົມໃຫຍ່ພະລາທິການກອງທັບປະຊາຊົນລາວ ພ້ອມດ້ວຍຄະນະ, ມີທີ່ປຶກສາທູດຝ່າຍປ້ອງກັນຊາດ ສສ​ ຫວຽດນາມ ປະຈຳ ລາວ ແລະ ພະນັກງານພາກສ່ວນທີ່ກ່ຽວຂ້ອງ ເຂົ້າຮ່ວມພີທີສົ່ງຄັ້ງນີ້ຢ່າງພ້ອມພຽງ.

ໃນໂອກາດນີ້, ສະຫາຍ ຫົວໜ້າ ກົມໃຫຍ່ພະລາທິການກອງທັບປະຊາຊົນລາວ ໄດ້ຕາງໜ້າລັດຖະບານ, ກະຊວງປ້ອງກັນປະເທດ,ຄະນະສະເພາະກິດກະຊວງປ້ອງກັນປະເທດ,​ພະນັກງານແພດໝໍ ແລະ ປະຊາຊົນລາວບັນດາເຜົ່າ ສະແດງຄວາມຂອບໃຈ ແລະ ຮູ້ບຸນຄຸນຢ່າງສູງມາຍັງກະຊວງປ້ອງກັນປະເທດຫວຽດນາມກໍຄື ພັກ ແລະ ລັດຖະບານ ສສຫວຽດນາມ ທີ່ໄດ້ໃຫ້ການຊ່ວຍເຫລືອສະໜັບສະໜູນ ສປປ ລາວ ຕະຫລອດໄລຍະຜ່ານມາ

ໂດຍໄດ້ສົ່ງຄະນະຊ່ຽວຊານການແພດທະຫານຜູ້ທີ່ມີຄວາມຮູ້ ມີປະສົບການສູງ ພ້ອມທັງໄດ້ນຳເອົາອຸປະກອນການແພດທີ່ຈຳເປັນຕ່າງໆມີມູນຄ່າມະຫາສານ ມາຊ່ວຍເຫລືອແກ່ກອງທັບປະຊາຊົນລາວກໍຄືປະຊາຊົນລາວ ເພື່ອນຳໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ທີ່ກຳລັງແຜ່ລະບາດຢູ່ ສປປ ລາວ ແລະ ໃນທົ່ວໂລກ.

ຕະຫລອດໄລຍະການປະຕິບັດໜ້າທີ່ຂອງຄະນະຊ່ຽວຊານການແພດຫວຽດນາມ ໄດ້ຮ່ວມເຮັດວຽກກັບແພດຝ່າຍລາວ ທັງຢູ່ຂັ້ນສູນກາງ ແລະ ບັນດາແຂວງ ທັງພາກກາງ-ພາກໃຕ້ ເພື່ອຍົກລະດັບຄວາມຮູ້ຄວາມສາມາດ, ມາດຕະການ ແລະ ມາດຕະຖານໃນການປ້ອງກັນພະຍາດໂຄວິດ-19 ຂອງລາວເຮົາໃຫ້ສູງຂຶ້ນ,

ເປັນຕົ້ນແມ່ນ ໄດ້ຈັດການຝຶກອົບຮົມ, ຖ່າຍຖອດບົດຮຽນ ແລະ ປະສົບການຕົວຈິງ, ທັງໃຫ້ຄຳປຶກສາ ແລະ ແນະນຳ, ປັບປຸງແບບແຜນວິທີເຮັດວຽກ, ຄຸ້ມຄອງກໍລະນີຜູ້ຖືກສົງໄສ, ການຮັກສາອະນາໄມສິ່ງແວດລ້ອມ, ອາຄານສະຖານທີ່, ວິທີການກວດກາຊອກຫາເຊື້ອ ແລະ ການປິ່ນປົວພະຍາດ ດ້ວຍການນໍາໃຊ້ຢາຫລວງ-ຢາພື້ນເມືອງ ລວມມີ ປຶ້ມຄູ່ມືຈຳນວນໜື່ງ ເພື່ອໃຫ້ແພດຝ່າຍລາວ ນໍາໄປຈັດຕັ້ງປະຕິບັດໃຫ້ມີປະສິດທິພາບ ແລະໄດ້ຮັບປະສິດທິຜົນສູງສຸດ.

ນອກນີ້, ຄະນະຊ່ຽວຊານການແພດດັ່ງກ່າວ ຍັງໄດ້ລົງໄປຢ້ຽມຢາມ, ກວດກາຄວາມພ້ອມ ແລະ ການໃຫ້ບໍລິການປິ່ນປົວຄົນເຈັບ ທີ່ເປັນພະຍາດໂຄວິດ-19 ຢູ່ບັນດາໂຮງໝໍສູນກາງຫລາຍແຫ່ງ ແລະ ສູນຈຳກັດບໍລິເວນຫລາຍແຫ່ງ ຢູ່ນະຄອນຫລວງວຽງຈັນ​ ແລະ​ ກົມກອງທ້ອງຖີ່ນ ພ້ອມທັງໃຫ້ຄຳປຶກສາ ແນະນຳຕ່າງໆໃນການຮັບມື ແລະ ຮັບປະກັນບໍ່ໃຫ້ມີການແຜ່ລະບາດຂອງພະຍາດນີ້ໃນວົງກວ້າງ.

ແຫຼ່ງຂໍ້ມູນ: LaoArmyNews

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ວິທີແກ້ອາການເມົາຄ້າງ ໃຫ້ລຸກຂຶ້ນໄປເຮັດວຽກຕໍ່ໄດ້.

ກິນລ້ຽງໜັກແລ້ວຕື່ນເຊົ້າມາມີອາການເມົາຄ້າງ ບໍ່ຢາກລຸກອອກຈາກບ່ອນ ແຕ່ຕ້ອງລຸກຂຶ້ນໄປເຮັດວຽກ ຄວນ​ເຮັດ​ແນວ​ໃດ? ມື້ນີ້ເຮົາ​ມີ 5 ວິທີ​ແກ້​ອາການ​ເມົາ​ຄ້າງ ທີ່ຈະຊ່ວຍໃຫ້ທ່ານກຽມພ້ອມທີ່ຈະໄປເຮັດວຽກໄດ້.

ວິທີການປ້ອງກັນຜິວຈາກແສງແດດ ໃນ​ໄລ​ຍະ​ຊ່ວງບຸນປີໃໝ່ນີ້.

ແສງແດດແມ່ນສັດຕູທີ່ອັນຕະລາຍທີ່ສຸດຂອງຜິວໜັງ ໂດຍສະເພາະໃນຊ່ວງບຸນຫຼິ້ນນໍ້າແບບນີ້ບວກກັບທີ່ອາກາດຢູ່ລາວເຮົາຮ້ອນຫຼາຍ ແລະ ແດດແຮງ, ການປົກປ້ອງຜິວຈາກແສງແດດຈຶ່ງເປັນສິ່ງສຳຄັນ. ມື້ນີ້ດຮົາເລິຍຈະມາແນະນໍາເທັກນິກປ້ອງກັນຜິວຈາກແສງແດດງ່າຍມາໃຫ້ທຸກຄົນໄດ້ໃຊ້.

5 ອາຫານທີ່ບໍ່ຄວນກິນກັບ “ແອວກໍຮໍ”

ຮອດບຸນປີໃໝ່ລາວ ແອວກໍຮໍເປັນສິ່ງປາສະຈາກບໍ່ໄດ້ເລີຍທີ່ຕ້ອງມີຄຽງຄູ້ກັບການກິນລ້ຽງ ແລະ ການສັງສັນກັບຫໝູ່ເພື່ອນ, ຖ້າຫຼີກລ້ຽງກໍຄວນຫຼີກລ້ຽງ ແຕ່ຫາກວ່າຫຼີກລ່ຽງບໍ່ໄດ້ແມ່ນໃຫ້ມາຟັງທາງນີ້ ເຮົາຈະແນະນຳກ່ຽວກັບອາຫານທີ່ບໍ່ຄວນກິນກັບແອວກໍຮໍ ເຊິ່ງບາງຄັ້ງອາຫານເຫຼົ່ານີ້ຫຼາຍຄົນອາດຈະສັ່ງກິນກັບເຫຼົ້າ ແຕ່ທີ່ຈິງແລ້ວສາມາດທໍາລາຍສຸຂະພາບຂອງເຈົ້າໃນອະນາຄົດໄດ້ ຈະມີຫຍັງໄປເບິ່ງນໍາກັນເລີຍ.