ພຣະບາດສົມເດັດພຣະນະໂຣດົມ ສີຫະນຸ ແຫ່ງກຳປູເຈຍ ຊົງມີຄວາມຜູກພັນກັບປະເທດລາວຢ່າງໃກ້ຊິດຕິດແທດ ເຊິ່ງສະແດງອອກໂດຍພຣະອົງມີຄວາມຜູກສັມພັນໄມຕຣີກັບປະເທດລາວ ໂດຍມີການສະເດັດຢ້ຽມຢາມປະເທດລາວຫລາຍໆຄັ້ງ.
ຈົນມີຄວາມຕ້ອງພະທັຍນັກສຶກສາລາວທີມາເຂົ້າເຝົ້າ ໃນໄລຍະຢ້ຽມຢາມປະເທດລາວເມື່ອປີ 1949 ສາວຄົນນັ້ນແມ່ນມີຊື່ວ່າ ນາງສາວ ມະນີວັນ ພານີວົງ ແລະຈົນໄດ້ຊົງອະພິເສກສົມຣົສ ແລະຊົງແຕ່ງຕັ້ງໃຫ້ເປັນຫມ່ອມມະນີວັນ.
ພັນຣະນີວໍຣະມັນ ເຊິ່ງເປັນພຣະມະເຫສີຄົນລາວ ໃນພຣະບາທສົມເດັດພຣະນະໂຣດົມ ສີຫະນຸ ໝ່ອມມະນີວັນ ປະສູດເມື່ອປີ ຄສ 1934 ເປັນຄົນບ້ານຫາຍໂສກ ເມືອງຈັນທະບູລີ ນະຄອນຫລວງວຽງຈັນ ໝ່ອມມະນີວັນ ເປັນພຣະມະເຫສີ ອົງທີ 6 ແລະມີພຣະຣາຊທິດາດ້ວຍກັນ 2 ພຣະອົງ ໄດ້ແກ່ :
1. ເຈົ້າຍິງນະໂຣດົມ ໂສເສດຖາ ສຸຊະດາ ປະສູດເມື່ອປີ ຄສ 1953 ສິນພຣະຊົນ ເມື່ອປີ ຄສ 1975
2. ສົມເດັດພຣະອະນຸດນະໂຣດົມ ອະຣຸນຣັດສະໝີ ປະສູດເມືອ ປີ ຄສ 1955
ພຣະບາທສົມເດັດນະໂຣດົມສີຫະນຸ ເຄຍຊົງພຣະນິພົນເພງຈຳນວນຫລາຍ ທັງເພງສາກົນແລະເພງລຳວົງ ເນື່່ອງດ້ວຍທີພຣະບາທສົມເດັດພຣະນະໂຣດົມສີຫະນຸ ໂປຣດແລະຮັກໃຄຣ່ຫມ່ອມຄົນລາວ ຄົນນີ້ຫລາຍ
ຈຶ່ງໄດ້ພຣະຣາຊນິພົນເພງຊື່ວ່າ : ບຸບຜາວຽງຈັນ ແລະພຣະຣາຊທານແດ່ຫມ່ອມຄົນລາວພຣະອົງນີ້ ເພງນີ້ຖືວ່າເປັນເພງທີມີຊື່ສຽງອີກເພງຫນຶ່ງໃນກຳປູເຈຍໃນເວລານັ້ນ.
ລິ້ງເພງ: ບຸບຜາວຽງຈັນ https://youtu.be/nJu38L-33jk
ຫມ່ອມມະນີວັນ ພານີວົງ ເພິ່ນເສຍຊີວິດ ໃນເດືອນເມສາ ປີ ຄສ 1975 ໂດຍຖືກກຸ່ມຂະເໝນແດງສັງຫານ.
ແຫຼ່ງຂໍ້ມູນ: Art and Culture of Laos