Saturday, July 20, 2024
Lenovo

ຂ່າວເດັ່ນ ສຳນັກຂ່າວມີເດຍລາວ ປະຈຳວັນທີ 18 ກຸມພາ 2021

ພາກລັດ ແລະ ພາກທຸລະກິດ ແຂວງຄໍາມ່ວນລະດົມແນວຄວາມຄິດກ່ຽວກັບການພັດທະນາເສດຖະກິດ

ກອງປະຊຸມດັ່ງກ່າວໄດ້ມີການນຳ ແລະ ຜູ້ທີ່ກ່ຽວຂ້ອງຫຼາຍທ່ານເຂົ້າຮ່ວມ ເພື່ອປຶກສາຫາລື ແລະ ລະດົມແນວຄວາມຄິດໃນການພັດທະນາເສດຖະກິດແຂວງຄໍາມ່ວນ

ເຊິ່ງບົດລາຍງານປະກອບມີ 02 ພາກຄື : ການຕີລາຄາສະພາບການພັດທະນາເສດຖະກິດ , ການສົ່ງເສີມດ້ານການຄ້າ ແລະ ການລົງທຶນໃນໄລຍະຜ່ານມາ ແລະ ທິດທາງການພັດທະນາເສດຖະກິດ , ການສົ່ງເສີມການຄ້າ ແລະ ການລົງທຶນໃນຊຸມປີຕໍ່ໜ້າ…ອ່ານຕໍ່

ກອງທັບໃຫຍ່ 642 ເປີດບັ້ນອົບຮົມຫັດແອບ ປະຈຳປີ 2021

ເຊິ່ງປະທານໃນຄັ້ງນີ້ແມ່ນ ເລຂາຄະນະພັກ ຫົວໜ້າການທະຫານ ກອງພັນໃຫຍ່ 642 ເຊິ່ງແຜນການອົບຮົມ-ຫັດແອບ ຈະໄດ້ແບ່ງອອກເປັນ 4 ພາກຄື ພາກການເມືອງ, ການທະຫານ, ພາກພະລາທິການ ແລະ ເຕັກນິກວິຊາສະເພາະ

ພາກການທະຫານ ຈະໄດ້ອົບຮົມດ້ານສິນລະປະຍຸດ-ຍຸດທະວິທີທະຫານຮາບ ແລະ ວິຊາສະເພາະເຫຼົ່າຮົບປ້ອງກັນອາກາດ, ດ້ານລະບຽບແບບແຜນ, ດ້ານກີລາກາຍະກໍາ ແມ່ນຈະໄດ້ອົບຮົມ-ຫັດແອບກໍາລັງແຮງກາຍ ຄື: ຫັດກາຍ 2 ບົດ 24 ຈັງຫວະ, ຫັດກາຍແທງກະບີ່ 28 ຈັງຫວະ, ຫັດກາຍມວຍ 16 ຈັງຫວະ ແລະ ຫັດກາຍມືເປົ່າ ແລະ ການອົບຮົມ-ຫັດແອບ ແມ່ນຈະໃຊ້ເວລາທັງໝົດ 160 ວັນ…ອ່ານຕໍ່

ພັນເອກ ມອບວັດຖຸອຸປະກອນຊ່ວຍເຫຼືອໂຮງຮຽນ ໃຫ້ກັບໂຮງຮຽນປະຖົມບ້ານໂພນໄຊ

ຄອບຄົວຂອງ ພັນເອກ ວຽງແກ້ວ ສີສຸລາດ ຫົວໜ້າ ການເມືອງກອງພົນທີ 2 ໄດ້ນໍາເອົາເຄື່ອງວັດຖຸກໍ່ສ້າງຈຳນວນໜື່ງ ເຊິ່ງປະກອບມີ ສັງກະສີ ຈຳນວນ 100 ແຜ່ນ ແລະ ເຫຼັກຕະປູ ຈຳນວນ 50 ກັບ ເພື່ອຊ່ວຍເຫຼືອໃຫ້ໂຮງຮຽນປະຖົມ ບ້ານໂພນໄຊ (ຫຼັກ18) ໄປນໍາໃຊ້ເຂົ້າໃນການພັດທະນາໂຮງຮຽນໃຫ້ດີຂຶ້ນກວ່າເກົ່າ…ອ່ານຕໍ່

ຈັດຝຶກອົບຮົມເຕັກນິການງ້ຽງສັດໃຫຍ່ໃຫ້ ເມືອງທ່າພະບາດ

ແຂວງບໍລິຄຳໄຊ ໄດ້ຈັດຊຸດຝຶກອົບຮົມ ເຕັກນິກການລ້ຽງສັດໃຫຍ່ ໃຫ້ແກ່ເຈົ້າຂອງຟາມ ແລະ ພໍ່-ແມ່ ປະຊາຊົນ ຜູ້ທີ່ລ້ຽງສັດໃຫຍ່ ພາຍໃນເມືອງ ມີ ຄູຝຶກວິຊາການຂອງຫ້ອງການກະສິກໍາ ແລະ ປ່າໄມ້ເມືອງ ພ້ອມດ້ວຍນັກສໍາມະນາກອນຈໍານວນ 24 ທ່ານ

ເຊິ່ງຈະໄດ້ຮຽນຮູ້ກ່ຽວກັບເຕັກນິກການລ້ຽງສັດໃຫຍ່, ການຄັດເລືອກແນວພັນສັດ, ການຈັດການທົ່ງຫຍ້າ ແລະ ວິທີການເຮັດຫຍ້າໝັກ, ເຟືອງໝັກ ແລະ ກ້ອນແຮ່ທາດ, ພ້ອມດຽວກັນນີ້ ກໍ່ໄດ້ນໍາພານັກສໍາມະນາກອນ ລົງທັດສະນະສຶກສາຢູ່ຟາມລ້ຽງງົວທອມ…ອ່ານຕໍ່

ຝຶກອົບຮົມເຕັກນິກການປູກຜັກອິນຊີ ໃຫ້ແກ່ກຸ່ມປູກຜັກບ້ານນາຫາດ

ແຂວງບໍລິຄຳໄຊ ໄດ້ຈັດພິທີປິດບັ້ນຝຶກອົບຮົມເຕັກນິກ ແລະ ຂັ້ນຕອນການປູກຜັກອິນຊີ ໃຫ້ແກ່ກຸ່ມປູກຜັກ ໃນໄລຍະການຝຶກອົບຮົມ ແມ່ນໃຊ້ເວລາຢູ່ 5 ວັນ ມີຜູ້ເຂົ້າຮ່ວມທັງໝົດ 31 ຄົນ ໂດຍໄດ້ປະຕິບັດຢູ່ 2 ພາກ ຄື: ພາກທິດສະດີ ແລະ ພາກປະຕິບັດຕົວຈິງ.

ຫົວຂໍ້ທີ່ນໍາມາຝຶກໃນພາກປະຕິບັດຕົວຈິງ ມີ: ມາດຕະຖານກະສິກໍາອິນຊີ, ການຜະລິດນໍາສະກັດຊີວະພາບ, ການຜະລິດສະໝູນໄພໄລ່ແມງໄມ້, ການຜະລິດຝຸ່ນບົ່ມຊີຫວະພາບ, ເຕັກນິກການປູກຜັກລະດູແລ້ງ ແລະ ລະດູຝົນ…ອ່ານຕໍ່

ມອບເຄື່ອງຊຸກຍູ້ວຽກງານຈະລາຈອນ 4.310.000 ກີບ ໃຫ້ກັບ ປກສ ແຂວງບໍລິຄຳໄຊ

ຜູ້ອຳນວຍການບໍລິສັດ BM ການຄ້າຂາເຂົ້າ-ຂາອອກ ຈຳກັດ ໄດ້ນຳເອົາເຄື່ອງປີ່ນເຕີ 1 ໜ່ວຍ, ຈວຍສະທ້ອນແສງ 10 ໜ່ວຍ ແລະ ກະບອງໄຟ 3 ອັນ ລວມມູນຄ່າ 4,310,000 ກີບ ມາມອບໃຫ້ກອງຈະລາຈອນ ປກສ ແຂວງບໍລິຄຳໄຊ

ການນຳເອົາອຸປະກອນ ມາມອບໃຫ້ໃນຄັ້ງນີ້ ກໍ່ຍ້ອນເຫັນໄດ້ຄວາມໝາຍຄວາມສຳຄັນ ໃນການປະຕິບັດໜ້າທີ່ວຽກງານຂອງພະແນກຕຳຫຼວດຈະລາຈອນ…ອ່ານຕໍ່

ໂຮງຮຽນ ມສ ໄຊຍະເພັດ ຈັດກິດຈະກໍາແຂ່ງຂັນພາລະສຶກສາ ແລະ ສິລະປະສຶກສາປະຈຳປີ 2021

ທີ່ໂຮງຮຽນ ມສ ໄຊຍະເພັດ ໄດ້ຈັດກິດຈະກໍາການແຂ່ງຂັນພາລະສຶກສາ ແລະ ສິລະປະສຶກສາປະຈໍາປີຂື້ນ ສໍາລັບກິລາທີ່ແຂ່ງຂັນກໍ່ມີປະເພດ ກິລາດຶງເຊືອກຍິງ-ຊາຍ,ຍ່າງສາມຂາຍິງ-ຊາຍ,ແຂ່ງຂັນພາຍເຮືອບົນບົກຍິງ-ຊາຍ

ກ່ອນຈະເຂົ້າສູ່ພິທີຢ່າງເປັນທາງການ ຍັງໄດ້ຮັບຊົມການສວນສະໜາມຈາກບັນດານ້ອງນັກຮຽນ ເຊິ່ງມີທັງໝົດ 10 ກ້ອນກໍາລັງ…ອ່ານຕໍ່

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.