ທ່ານ ດຣ ຣັດຕະນະໄຊ ເພັດສຸວັນ ຫົວໜ້າຄວບຄຸມພະຍາດ ກະຊວງສາທາລະນະສຸກ ໄດ້ລາຍງານວ່າ: ໃນວັນທີ 12 ມີນາ 2021 ໄດ້ກວດຫາຜູ້ຕິດເຊື້ອທັງໝົດ 466 ຄົນ ແລະ ພົບວ່າມີໜຶ່ງຜູ້ຕິດເຊື້ອໂຄວິດ-19
ເປັນເພດຊາຍ ອາຍຸ 53 ປີ ສັນຊາດອິນໂດເນເຊຍ ເຊິ່ງເຮັດວຽກຢູ່ ສປປ ລາວ ແລະ ທາງຄະນະສະເພາະກິດບໍ່ໄດ້ເປີດເຜີຍທັງຊື່ຄົນ ແລະ ຊື່ບໍລິສັດ ເຊິ່ງກ່ອນຜູ້ກ່ຽວຈະມາ ສປປ ລາວ ກໍ່ໄດ້ກວດເບິ່ງພະຍາດ ແຕ່ກໍ່ບໍພົບເຊື້ອໂຄວິດ-19
ໃນວັນທີ 10 ມີນາ 2021 ຜູ້ກ່ຽວໄດ້ເດີນຈາກປະເທດອິນໂດເນເຊຍ ຜ່ານປະເທດມາເລເຊຍ ແລະ ຮອດ ສປປ ລາວ ໃນວັນທີ 11 ມີນາ 2021 ດ້ວຍທ່ຽວບິນ Ak7554 ຫຼັງຈາກນັ້ນວັນທີ 12 ຜູ້ກ່ຽວກໍ່ໄດ້ກວດເຊື້ອອີກຄັ້ງ ແລະ ຜົນກວດກໍພົບເຊື້ອ ປັດຈຸບັນໄດ້ນໍາຜູ້ກ່ຽງໄປປິ່ນປົວຢຸ່ ໂຮງໝໍມິດຕະພາບ ທີ່ນະຄອນຫຼວງວຽງຈັນ ເຊິ່ງຜູ້ທີ່ມານຳຖ້ຽວບິນນັ້ນມີທັງໝົດ 25 ຄົນ ກວດທັງໝົດແມ່ນບໍ່ພົບຜູ້ຕິດເຊື້ອ
ເຊິ່ງປັດຈຸບັນ ສປປ ລາວ ຍັງມີຜູ້ທີ່ຕິດເຊື້ອທັງໝົດ 7 ຄົນ: ນະຄອນຫຼວງວຽງຈັນ 4 ຄົນ, ສະຫວັນນະເຈດ 2ຄົນ ແລະ ຈຳປາສັກ 1ຄົນ ເຊິ່ງທັງໝົດຍັງສຸຂະພາບແຂງແຮງດີ ບໍ່ມີອາການຍັງ
