ປະຈຳວັນ ⠚ 28 ພຶດສະພາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ເຈົ້າແຂວງຈຳປາສັກ ພ້ອມຄະນະ ເຄື່ອນໄຫວວຽກງານຕ້ານໂຄວິດ-19 ຢູ່ເມືອງມຸນລະປາໂມກ
ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍຄະນະ ໄດ້ລົງເຄື່ອນໄຫວວຽກງານຢູ່ເມືອງມຸນລະປາໂມກ ໂດຍສະເພາະ ແມ່ນວຽກງານສະກັດກັ້ນ, ຄວບຄຸມ ແລະ ແກ້ໄຂການລະບາດຂອງພະຍາດ COVID -19 ໂດຍໄດ້ຈັດຕັ້ງປະຕິບັດ ບັນດານິຕິກຳຕ່າງໆ ທີ່ຂັ້ນເທິງວາງອອກແຕ່ລະໄລຍະ
ໄດ້ແຕ່ງຕັ້ງຄະນະກຳມະການສະເພາະກິດຢູ່ຂັ້ນບ້ານ ພ້ອມທັງກຳນົດຈຸດກວດກາຄົນເຂົ້າ-ອອກບ້ານສຳເລັດ 36 ບ້ານ ແລະ ກຳນົດຈຸດກວດກາ – ວັດແທກອຸນຫະພູມທີ່ເປັນຂອງເມືອງ ເພື່ອແນໃສ່ຈຳກັດການເດີນທາງລະຫວ່າງບ້ານຫາບ້ານ, ເມືອງຫາເມືອງ, ເມືອງຫາແຂວງ…ອ່ານຕໍ່
ສະຫວັນນະເຂດໄດ້ຮັບການຊ່ວຍເຫລືອຕຽງນອນຄົນໄຂ້ຈຳນວນ 32 ໜ່ວຍ
ແຂວງ ສະຫວັນນະເຂດ ໄດ້ຮັບການຊ່ວຍເຫລືອຈາກສະມາຄົມຈີນ ແລະ ຊາວຈີນແຂວງ ສະຫວັນນະເຂດທີ່ໄດ້ນຳເອົາມອບຕຽງນອນຄົນໄຂ້ຈຳນວນ 30 ໜ່ວຍມູນຄ່າ 100 ລ້ານກີບ ແລະ ທ່ານ ອານຸຊາ – ທ່ານ ນ ດວງມວງຕາ ທົງແສນເຍືອງ ແລະ ທ່ານ ສຸພີ – ທ່ານ ນ ໄພລິນ ສຸລິຍາພັນ ມອບຕຽງຄົນໄຂ້ ຈຳນວນ 2 ໜ່ວຍ ມູນຄ່າ 6 ລ້ານ 6 ແສນກີບ ໃຫ້ແຂວງ ສະຫວັນນະເຂດ
ເພື່ອເປັນການຊຸກຍູ້ ແລະ ຊ່ວຍເຫລືອວຽກງານປ້ອງກັນ ແລະ ສະກັດກັ້ນພະຍາດໂຄວິດ 19 ໃຫ້ແກ່ໂຮງໝໍແຂວງ ນຳໃຊ້ເຂົ້າໃນວຽກງານປິ່ນປົວຄົນເຈັບ ເຊິ່ງເຫັນວ່າປະຈຸບັນຕຽງນອນຄົນເຈັບແມ່ນຍັງບໍ່ພຽງພໍ…ອ່ານຕໍ່
ເມືອງສອງຄອນ ແຂວງສະຫວັນນະເຂດ ປູກຕົ້ນໄມ້ 90 ເຮັກຕາໃຫ້ເປັນປ່າ ເນື່ອງໃນວັນປູກຕົ້ນໄມ້ແຫ່ງຊາດ
ປະຈຸບັນທາງເມືອງສອງຄອນກໍ່ຫຍັງມີການເຜົ້າລະວັງກ່ຽວກັບການລະບາດຂອງພະຍາດໂຄວິດ 19 ທີ່ພວມແຜ່ລະບາດໃນປະຈຸບັນ ແຕ່ເຖິງຢ່າງໃດກໍ່ຕາມທາງເມືອງກໍ່ຍັງເຫັນໄດ້ຄວາມສຳຄັນຂອງການປູກຕົ້ນໄມ້ເພື່ອໃຫ້ເປັນປ່າ ແລະພ້ອມກັນອະນຸລັກຮັກສາປ່າໄມ້ ແລະ ພຶດພັນຕ່າງໆເພື່ອໃຫ້ເກີດປະໂຫຍດ
ເມືອງສອງຄອນ ໄດ້ກຳນົດເນື້ອທີ່ປູກໄມ້ຈຳນວນ 90 ເຮັກຕາ , ເບ້ຍໄມ້ທີ່ນຳມາປູກມີຈຳນວນ 27 ພັນເບ້ຍ , ເປັນປະເພດໄມ້ດູ່ , ໄມ້ດູ່ລາຍ , ໄມ້ແຕ້ຄ່າ , ໄມ້ແດງ , ໄມ້ສັກ ແລະ ໄມ້ຍາງ ເຊິ່ງມາຮອດປະຈຸບັນສາມາດກຽມຄວາມພ້ອມໄດ້ແລ້ວ 70% ແລະໄດ້ກຳນົດເອົາ 6 ຈຸດໃນທົ່ວເມືອງ…ອ່ານຕໍ່
ເຊກອງ ເກັບກ່ຽວເຂົ້ານາແຊງສໍາເລັດແລ້ວ 100%
ຫົວໜ້າຫ້ອງພະແນກກະສິກໍາ ແລະປ່າໄມ້ ແຂວງເຊກອງ ໄດ້ໃຫ້ຮູ້ວ່າ ປະຈຸບັນເກັບກ່ຽວເຂົ້ານາແຊງສໍາເລັດ 100%, ສະມັດຕະພາບ 14,74 ໂຕນຕໍ່ເຮັກຕາ, ຄາດຄະເນຜົນຜະລິດ 5.624 ໂຕນ
ຊຶ່ງແນວພັນປູກສ່ວນໃຫຍ່ແມ່ນຂອງປະຊາຊົນເອງ ກວມເອົາ 93%; ການປູກພືດຜັກໃນລະດູຝົນ ມີເນື້ອທີ່ແຜນການ 26,673 ເຮັກຕາ, ຄາດຄະເນຜົນຜະລິດ 241.619 ໂຕນ, ໃນນີ້ ພືດສະບຽງອາຫານ ມີເນື້ອທີ່ 4.092 ເຮັກຕາ, ຄາດຄະເນຜົນຜະລິດ 39.979 ໂຕນ…ອ່ານຕໍ່