ປະຈຳວັນ ⠚ 31 ພຶດສະພາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ຄະນະສະເພາະກິດລົງຊຸກຍູ້ສະກັດກັ້ນໂຄວິດ-19 ຢູ່ເມືອງລ້ອງຊານ ແຂວງໄຊສົມບູນ
ທ່ານ ພັທ ບຸນທັນ ອິນທະວົງ, ຫົວໜ້າຫ້ອງການກອງບັນຊາການປ້ອງກັນຄວາມສະຫງົບ ແຂວງໄຊສົມບູນ, ກອງເລຂາຄະນະສະເພາະກິດ ຂັ້ນແຂວງ ໄດ້ຮັບຟັງການລາຍງານກ່ຽວກັບມາດຕະການສະກັດກັ້ນພະຍາດໂຄວິດ-19 ຂອງເມືອງ
ໄດ້ລົງຕິດຕາມ ແລະ ເຝົ້າລະວັງກຸ່ມຄົນ-ບຸກຄົນ ທີ່ມີຄວາມສ່ຽງ ເພື່ອນຳເຂົ້າສູນຈຳກັດບໍລິເວນ ຂອງເມືອງ ຫຼື ຈຳກັດຢູ່ເຮືອນ, ຢູ່ທີ່ພັກພາອາໄສ ແລະ ສວນ ທັງໝົດ 22 ຄົນ, ເຊິ່ງຄະນະສະເພາະກິດ ຂັ້ນແຂວງ ໄດ້ນຳເອົາປັດໄຈເປັນເງິນ ຈຳນວນ 15 ລ້ານກີບ ມາມອບໃຫ້ ຄະນະສະເພາະກິດ ເມືອງລ້ອງຊານ…ອ່ານຕໍ່
ປກສ ແຂວງສະຫວັນນະເຂດ ກັກຕົວຜູ້ຖືກຫາຄ້າຢາເສບຕິດ 2 ຄົນ
ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ແຂວງ ສະຫວັນນະເຂດ ເຂົ້າຈັບກຸມເປົ້າໝາຍ ຄ້າ-ຂາຍ ຢ່າ ເສບຕິດ,ຢູ່ທີ່ຂອບເຂດ ບ້ານ ຫຼັກ 35 ເມືອງ ຈໍາພອນ ແຂວງ ສະຫວັນນະເຂດ
ເຊິ່ງຜູ້ຖືກຫາມີທັງໝົດ 2 ຄົນຄື: ທ້າວ ສຸກສາຄອນ (ໂຕ້) ສັນຊາດ ລາວ ອາຍຸ 35 ປີ ອາຊີບ ເຮັດນາ (ນ້ອງເຂີຍ) ແລະ ນາງ ສີຝອງ ກົມມະເສັງ ສັນຊາດ ລາວ ອາຍຸ 39 ປີ ພ້ອມຂອງກາງຢາບ້າ ຈຳນວນ 99 ມັດ ເທົ່າກັບ 198,000 ເມັດ ແລະຢູ່ໃນຂັ້ນຕອນສືບສວນ-ສອບສວນຂອງເຈົ້າໜ້າທີ່…ອ່ານຕໍ່
ຜົ້ງສາລີ ມອບເງິນຊ່ວຍເຫຼືອ 1 ຮ້ອຍລ້ານກີບ ໃຫ້ແຂວງດຽນບ່ຽນ ສສ ຫວຽດນາມ
ເຊິ່ງໄປມອບໃຫ້ກັບອົງການປົກຄອງແຂວງດຽນບ່ຽນ ແຫ່ງ ສສ ຫວຽດນາມ ເພື່ອນຳໃຊ້ເຂົ້າໃນວຽກງານປ້ອງກັນ, ຄວບຄຸມ ແລະ ສະກັດກັ້ນແກ້ໄຂການແຜ່ລະບາດຂອງພະຍາດໂຄວິດ-19
ມອບໂດຍທ່ານ ຄຳເພັດ ຈິດປັນຍາ ຫົວໜ້າພະແນກການຕ່າງເທດແຂວງຜົ້ງສາລີ ແລະ ຕາງໜ້າຝ່າຍຫວຽດນາມ ເຊັນຮັບໂດຍທ່ານ ຢາງ ຈ໋ອງບີງ ຮອງປະທານຄະນະກຳມະການແນວໂຮມແຫ່ງຊາດຫວຽດນາມແຂວງດຽນບ່ຽນ…ອ່ານຕໍ່
ປະຊາຊົນບ້ານຫາດຄີບ ໄດ້ນໍາໃຊ້ນໍ້າດຶ່ມສະອາດຢ່າງເປັນທາງການແລ້ວ
ໂຄງການສາທິດນໍ້າດື່ມສະອາດ ສາມາດດື່ມໄດ້ເລີຍ ຢູ່ບ້ານຫາດຄີບ ເມືອງງອຍ ແຂວງຫຼວງພະບາງ ເຊິ່ງຈຸດປະສົງເພື່ອພັດທະນາເສດຖະກິດທ້ອງຖິ່ນ ເສີມຂະຫຍາຍປະຊາຊົນທ້ອງຖິ່ນ
ໄດ້ອຸປະຖໍາເຄື່ອງອຸປະກອນຜະລິດນໍ້າສະອາດຈໍານວນ 11 ຊຸດ ໃຫ້ແກ່ບ້ານຫາດຄີບ ແລະ ບັນດາບ້ານອ້ອມຂ້າງ ແລະໄດ້ປັບປຸງສະພາບການໃຊ້ນໍ້າຂອງບ້ານຫາດຄີບ ແກ້ໄຂບັນຫານໍ້າບໍ່ພຽງພໍ ນໍ້າດື່ມບໍ່ສະອາດ ນໍ້າລາຄາແພງເປັນຕົ້ນ, ເພື່ອຮັບປະກັນຄວາມປອດໄພການໃຊ້ນໍ້າ ແກ່ປະຊາຊົນບ້ານປະມານ 900 ຄົນ ແລະ ຄູອາຈານນັກຮຽນປະມານ 1000 ຄົນ…ອ່ານຕໍ່
ສະພາການຄ້າ ແລະອຸດສະຫະກໍາ ຖວາຍເຄື່ອງ ອຸປະໂພກ-ບໍລິໂພກ ໃຫ້ວັດບູຣົມມະນາຖະ ໄຊຍະຣາມ
ເພື່ອປະກອບສ່ວນເຂົ້າໃນວຽກງານຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ສະພາການຄ້າ ແລະ ອຸດສະຫະກໍາ ແຂວງສາລະວັນ ຮ່ວມກັບ ສະພາການຄ້າ-ອຸດສະຫະກໍາ ເມືອງວາປີ ໄດ້ນໍາເອົາເຄື່ອງອຸປະໂພກ ແລະ ເຄື່ອງບໍລິໂພກ ຖວາຍໃຫ້ວັດບູຣົມມະນາຖະ ໄຊຍະຣາມ ວັດບ້ານວາປີ ເມືອງວາປີ ແຂວງສາລະວັນ
ເຊິ່ງເຄື່ອງທີ່ນໍາມາຖວາຍ ໃນຄັ້ງນີ້ປະກອບມີ: ຜ້າອັດປາກ-ອັດດັງ, ເຈວລ້າງມື, ໝີ່, ໄຂ່ໄກ່, ນໍ້າດື່ມ ລວມມູນຄ່າທັງໝົດ 8,500,000 ກີບ…ອ່ານຕໍ່