ປະຈຳວັນທີ 1 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ທ່ານເຈົ້າແຂວງ ໄຊຍະບູລີ ລົງພົບປະໂອ້ລົມປະຊາຊົນທັງ 3 ບ້ານໃນ ເມືອງປາກລາຍ
ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມຄະນະ ໄດ້ລົງຢ້ຽມຢາມ ແລະ ພົບປະປະຊາຊົນ 3 ບ້ານຂອງເມືອງ ປາກລາຍ ຄື: ບ້ານ ປາກຄານ, ບ້ານ ນາຕຸງ ແລະ ບ້ານ ໃຫຍ່ພັດທະນາ ເມືອງປາ ຮັບຟັງການລາຍງານຫຍໍ້ກ່ຽວກັບການພັດທະນາເສດຖະກິດຂອງບ້ານ
ຈາກນັ້ນ ທ່ານ ເຈົ້າແຂວງ ໄຊຍະບູລີ ກໍ່ໄດ້ໂອ້ລົມຕໍ່ອໍານາດການປົກຄອງ ແລະໄດ້ຍ້ອງຍໍຊົມເຊີຍຕໍ່ຜົນງານທີ່ອົງການປົກຄອງບ້ານຍາດມາໄດ້ໃນໄລຍະຜ່ານມາ, ພ້ອມໃຫ້ເອົາໃຈໃສ່ຕ້ານ ແລະ ສະກັດກັ້ນຕໍ່ບັນຫາປະກົດການຫຍໍ້ທໍ້ພາຍໃນບ້ານ…ອ່ານຕໍ່
ເມືອງຈອມເພັດ ແຂວງຫຼວງພະວາງ ສືບຕໍ່ຈັດຕັ້ງການສອບເສັງຈົບຊັ້ນ ປ5 ທົ່ວເມືອງ
ທ່ານເຈົ້າເມືອງ ຈອມເພັດ ແຕ່ງຕັ້ງຄະນະຮັບຜິດຊອບຊີ້ນຳລວມ ໃນການຈັດຕັ້ງການສອບເສັງຈົບຊັ້ນປະຖົມປີທີ 5 ປະຈຳສົກຮຽນ 2020 – 2021 ຜ່ານຂໍ້ຕົກລົງຂອງ ທ່ານຫົວໜ້າຫ້ອງການສຶກສາທິການແລະກິລາ ເມືອງຈອມເພັດ
ມີນັກສອບເສັງເຂົ້າຮ່ວມທັງໝົດ 644 ນ້ອງ, ໄດ້ແບ່ງອອກເປັນ 14 ສູນສອບເສັງ ແລະ ມີຫ້ອງສອບເສັງທັງໜົດ 36 ຫ້ອງ, ເຊິ່ງມີວິຊາທີ່ນໍາມາສອບເສັງລວມມີ 4 ວິຊາຄືພາສາລາວ, ພາກຂຽນທວາຍ, ໂລກອ້ອມຕົວ ແລະວິຊາຄະນິດສາດ…ອ່ານຕໍ່
ຕົວເມືອງຊົນນະບູລີ ຕິດຕິດຕັ້ງດອກໄຟເຍືອງທາງດ້ວຍລະບົບໂລາເຊວ 159 ດອກ
ຫ້ອງການໄຟຟ້າເມືອງ ຊົນນະບູລີ ໄດ້ລົງເຄື່ອນໄຫວຕິດຕັ້ງດອກໄຟເຍືອງທາງດ້ວຍລະບົບໂຊລາເຊວ ( ພະລັງງານແສງຕາເວັນ) ຕາມເສັ້ນທາງພາຍໃນຕົວເມືອງ ຊົນນະບູລີ ເພື່ອເປັນການປັບປຸງພື້ນຖານໂຄ່ງລ່າງໃຫ້ມີຄວາມສະດວກສະບາຍ
ໃນການຈັດຕັ້ງປະຕິບັດການຕິດຕັ້ງດອກໄຟເຍືອງທາງດ້ວຍລະບົບໂຊລາເຊວ ມີຈໍານວນທັງໝົດລວມ 159 ດອກ, ເສົາເຮັດດ້ວຍເຫຼັກກົມສູງ 6 ແມັດ, ລວມມູນຄ່າທັງໝົດເກືອບ 120 ລ້ານກີບ ສໍາລັບທຶນຮອນແມ່ນໄດ້ມາຈາກການລະດົມທຶນຈາກຫ້ອງການສໍານັກງານພາຍໃນເມືອງ ຊົນນະບູລີ…ອ່ານຕໍ່
ອາຄານຫຼັງໃໝ່ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ປະຈຳເມືອງໂຂງ ແຂວງຈຳປາສັກ
ໂຄງການດັ່ງກ່າວ ແມ່ນໄດ້ເລີ່ມລົງມືກໍ່ສ້າງໃນເດືອນ ມັງກອນ 2021 ແລະສຳເລັດການກໍ່ສ້າງ 100% ໃນເດືອນ ພຶດສະພາ 2021 ເຊິ່ງໃຊ້ໄລຍະເວລາໃນການກໍ່ສ້າງ 5 ເດືອນ
ອາຄານຫລັງໃໝ່ນີ້ ເປັນອາຄານຊັນດຽວເບຕົງເສີມເຫຼັກ, ກໍ່ດ້ວຍດິນຈີ່, ມຸງດ້ວຍກະເບື້ອງ, ອາຄານດັ່ງກ່າວມີຂະໜາດ 15 x 20 ແມັດມີຈຳນວນ 06 ຫ້ອງ, ມີ 1 ຫ້ອງປະຊຸມ ແລະ 1 ຫ້ອງນ້ຳຕິດກັບອາຄານ…ອ່ານຕໍ່
ກອງປະຊຸມ ອົງການປົກຄອງ ແຂວງໄຊສົມບູນ ປະຈໍາ 6 ເດືອນຕົ້ນປີ
6 ເດືອນ ຜ່ານມາ ແມ່ນມີອັດຕາຂະຫຍາຍ ໂຕບັນລຸໄດ້ 3,2% ລວມຍອດຜະລິດຕະພັນ ພາຍໃນ GDP ບັນລຸ 723,18 ຕື້ກີບ, ພ້ອມນີ້ ວຽກງານວັດທະນະທຳ-ສັງຄົມ ແລະ ວຽກງານຂົງເຂດຕຸລາການ ກໍໄດ້ເຄື່ອນໄຫວຢ່າງຕັ້ງໜ້າ
ສຳລັບຄາດໝາຍສູ້ຊົນທີ່ຈະຕ້ອງໄດ້ສືບຕໍ່ນຳພາແກ້ໄຂໃນ 6 ເດືອນທ້າຍປີ 2021 ແມ່ນຈະໄດ້ສຸມໃສ່ຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ຂອງລັດ…ອ່ານຕໍ່
ປກສ 4 ແຂວງພາກເໜືອລາວ ມອບເງິນສົດຊ່ວຍເຫຼືອໃຫ້ກອງບັນຊາການ ຕໍາຫຼວດ ສສ ຫວຽດນາມ
ຢູ່ທີ່ຫຼັກໝາຍ 113 ລະຫວ່າງດ່ານສາກົກປາງຫົກ ແຂວງຜົ້ງສາລີ ແຫ່ງ ສປປ ລາວ ແລະດ່ານສາກົນໄຕຈ່າງ ແຂວງດຽນບຽນ ແຫ່ງ ສສ ຫວຽດນາມ, ໄດ້ຈັດພິທີມອບເງິນສົດຈາກກອງບັນຊາການ ປກສ 4 ແຂວງພາກເໜືອຄື : ກອງບັນຊາການ ປກສ ແຂວງຜົ້ງສາລີ, ແຂວງອຸດົມໄຊ, ແຂວງຫຼວງນໍ້າທາ ແລະແຂວງບໍແກ້ວ
ມອບໃຫ້ 03 ກອງບັນຊາການຄື : ກອງບັນຊາການ ຕໍາຫຼວດ, ກອງບັນຊາການທະຫານປ້ອງກັນຊາຍແດນ ແຂວງແດນບຽນ ແລະ ກອງບັນຊາການຕໍາຫຼວດ ແຂວງລາຍເຈົ່າ ລວມມູນຄ່າ 100 ລ້ານກີບ ເພື່ອເປັນການປະກອບສ່ວນອັນສໍາຄັນ ສະກັດກັ້ນການແຜ່ລະບາດຂອງພະຍາດອັກເສບປອດສາຍພັນໃໝ່ ຫຼື ພະຍາດໂຄວິດ-19…ອ່ານຕໍ່
ແຂວງສາລະວັນ ໄດ້ສຳເລັດການຂຸດຄົ້ນໄມ້ແລວທາງໄດ້ 749 ຕົ້ນ
ພະແນກກະສິກຳ ແລະປ່າໄມ້ແຂວງສາລະວັນ ໄດ້ຈັດຕັ້ງປະຕິບັດການຂຸດຄົ້ນໄມ້ອອກຈາກໂຄງການກໍ່ສ້າງເສັ້ນທາງ ແຕ່ບ້ານສຸທິ ຫາບ້ານນາໂພ, ບ້ານນາລັນ ແລະບ້ານກອງລື ໃນປີ 2020-2021 ໃນນັ້ນ ປະຕິບັດໄດ້ຕົວຈິງທັງໝົດ 749 ຕົ້ນ
ໄມ້ທີ່ຂຸດຄົ້ນທັງໝົດແມ່ນໄດ້ສຳເລັດການຈົດທະບຽນຂື້ນເປັນຊັບສິນຂອງລັດ ແລະ ໄດ້ສົ່ງໃຫ້ພະແນກການທີ່ກ່ຽວຂ້ອງ ເພື່ອເປັນການກໍ່ສ້າງເສັ້ນທາງໃຫ້ມີຄວາມສະດວກສະບາຍໃນການໄປ-ມາຫາສູ່ລະຫວ່າງ ບ້ານຫາບ້ານ, ເມືອງຫາເມືອງ ກໍ່ຄື: ເມືອງວາປີ ແຂວງສາລະວັນ ກັບ ເມືອງທ່າປາງທອງ ແຂວງສະຫວັນນະເຂດ…ອ່ານຕໍ່