ປະຈຳວັນທີ 14 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ເມືອງຫ້ວຍຊາຍ ແຂວງບໍ່ແກ້ວ ຈັດພິທີປ່ອຍປາໃນໂອກາດວັນອານຸລັກ ສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ
ການຈັດພິທີປ່ອຍປາຄືນສູ່ທຳມະຊາດຄັ້ງນີ້ ເພື່ອສືບຕໍ່ປົກປັກຮັກສາອານຸລັກ ສັດນ້ຳ-ສັດປ່າ ແລະ ເພີ້ມປະຊາກອນສັດນ້ຳໃຫ້ມີຄວາມອຸດົມສົມບູນ ນັບມື້ນັບຫຼາຍຂື້ນທັງເປັນການປູກຈິດສຳນຶກໃຫ້ແກ່ນັກທຸລະກິດ ພໍ່ຄ້າ-ຊາວຂາຍ ແລະ ພໍ່ແມ່ປະຊາຊົນບັນດາເຜົ່າ ໄດ້ຮັບຮູ້ເຂົ້າໃຈເຖິງ ຄວາມໝາຍຄວາມສຳຄັນຂອງວັນອານຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ
ບັນດາຜູ້ເຂົ້າຮ່ວມພິທີໄດ້ພ້ອມກັນປ່ອຍ ປາກິນຫຍ້າ ແລະ ປາປາກ ທັງໝົດ 30 ກວ່າພັນໂຕ ໂດຍແມ່ນທຶນຊ່ວຍເຫຼືອລ້າຈາກໂຄງການ ຊີບີເອບ ປະຈຳແຂວງບໍ່ແກ້ວລົງສູ່ເຂດວັງສະຫງວນບ້ານໜອງຄຳ ມີຄວາມຍາວ 800 ກວ່າແມັດ ພ້ອມທັງ ທຳລາຍອາວຸດລ່າເນື້ອຈຳນວນ 60 ກະບອກ ຢ່າງເປັນຂະບວນຟົດຟືນ..ອ່ານຕໍ່
ຊາວນາຊາວກະສິກອນທົ່ວເມືອງ ເຊໂປນ ລົງມືປັກດໍາເຂົ້ານາປີຄາດວ່າຈະສຳເລັດ 100% ເດືອນສິງຫານີ້
ທ່ານ ຈັນທະລາດ ມະໄລຄໍາ ຮອງຫົວໜ້າຫ້ອງການກະສິກໍາ ແລະ ປ່າໄມ້ ເມືອງເຊໂປນ ແຂວງສະຫວັນນະເຂດ ລາຍງານວ່າ ປັດຈຸບັນຊາວກະສິກອນທົ່ວເມືອງເຊໂປນ ກໍາລັງຂຸ້ນຂ້ຽວປັກດໍາເຂົ້ານາປີຂອງຕົນຢ່າງເປັນຂະບວນຟົດຟື້ນໃຫ້ທ່ວງທັນຕາມລະດູການຜະລິດ ໃນທົ່ວເມືອງເຊໂປນມີເນື້ອທີ່ທໍາການຜະລິດເຂົ້ານາປີທັງໝົດ 4.210 ເຮັກຕາ
ມາຮອດປະຈຸບັນນີ້ ຕົກກ້າ ແລະ ໄຖຮຸດນາສໍາເລັດ100% ,ປັກດໍາໄດ້ແລ້ວ 3.578 ເຮັກຕາ ເທົ່າກັບ 85 % ໂດຍໃຊ້ແນວພັນເຂົ້າທ່າດອກຄໍາ 1,5,11 ແລະແນວພັນທ່າຊະໂນ, ຄາດວ່າການປັກດໍາເຂົ້ານາປີ ປີນີ້ຈະໃຫ້ສໍາເລັດໃນກາງເດືອນສີງຫາ...ອ່ານຕໍ່
ຄະນະສະເພາະກິດເມືອງທຸລະຄົມ ລົງຕິດຕາມຊຸກຍູ້ການປ້ອງກັນເວນຍາມ 3 ບ້ານ
ຄະນະສະເພາະກິດເມືອງທຸລະຄົມ ແຂວງວຽງຈັນ ໄດ້ລົງຕິດຕາມຊຸກຍູ້ການປ້ອງກັນເວນຍາມໃນ 3 ບ້ານຄື: ບ້ານໂພນແພງ, ບ້ານຫາດສ້ຽວ ແລະ ບ້ານຫລິ່ງຊັນ ເພື່ອແນໃສ່ຍົກລະດັບການເຝົ້າລະວັງ ແລະ ສະກັດກັ້ນ ແຕ່ຫົວທີ ແລະ ບໍ່ໃຫ້ເຊື້ອພະຍາດກັບມາລະບາດອີກຢູ່ເມືອງທຸລະຄົມອີກຮອບໃໝ່
ສໍາລັບກາງຄືນແມ່ນເວນຍາມໂຮມກັນຢູ່ຫ້ອງການປົກຄອງບ້ານ ໂດຍໃຫ້ຜັດປ່ຽນກັນສາລະເວບໍ່ໃຫ້ມີການຕັ້ງວົງຊຸມແຊວດື່ມສິ່ງມຶນເມົາ, ເປີດເພງດັງ ແລະ ຮັກສາຄວາມປອດໄພຕ້ານປະ ກົດການຫຍໍ້ທໍ້ໄປພ້ອມ…ອ່ານຕໍ່
ຫ້ອງການກະສິກຳ ແລະ ປ່າໄມ້ເມືອງປາກທາໄດ້ຮັບເຄື່ອງອຸປະກອນທຳການຜະລິດ
ທ່ານ ສີບຸນເຮືອງ ພັນທຸລັກ ກຳມະການພັກແຂວງ ຫົວໜ້າພະແນກກະສິກຳ ແລະ ປ່າໄມ້ແຂວງບໍ່ແກ້ວ ພ້ອມດ້ວຍຄະນະ ໄດ້ນຳເອົາເຄື່ອງອຸປະກອນທຳການຜະລິດ ມອບໃຫ້ກັບຫ້ອງການກະສິກຳ ແລະ ປ່າໄມ້ເມືອງປາກທາ ແຂວງບໍ່ແກ້ວ
ເຊິ່ງເຄື່ອງອຸປະກອນທີ່ນຳມາມອບໃນຄັ້ງນີ້ປະກອບມີ: ເຄື່ອງຢອດເມັດພັນເຂົ້າ ຂະໜາດ 4 ຮູ ຈຳນວນ 1 ເຄື່ອງ, ຈັກຊີດຢາ ຈຳນວນ 5 ເຄື່ອງ, ຊຸດປ້ອງກັນ 5 ຊຸດ, ເກີບໂບກ 5 ຄູ່ ແລະ ຖົງມື 5 ຄູ່, ລວມມູນຄ່າ 18 ລ້ານກວ່າກີບ…ອ່ານຕໍ່
ຮອງປະທານສະພາແຫ່ງຊາດ ມອບເຄື່ອງຊ່ວຍເຫຼືອໃຫ້ປະຊາຊົນ ບ້ານຄູນສີ ເມືອງນອງ
ທ່ານ ປອ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດທັງເປັນສະມາຊິກສະພາແຫ່ງຊາດເຂດເລືອກຕັ້ງທີ 13 ພ້ອມດ້ວຍຄະນະ ແລະພາກສ່ວນກ່ຽວຂ້ອງຮ່ວມຕິດຕາມ ມອບເຄື່ອງຊ່ວຍເຫຼືອ ດ້ານການຮຽນ-ການສອນໃຫ້ກັບໂຮງຮຽນປະຖົມ ບ້ານຄູນສີ ເມືອງນອງ
ຈຳນວນເຄື່ອງທີ່ນຳມາມອບຄັ້ງນີ້ມີ: ປຶ້ມ, ບິກ,ສໍປະເພດຕ່າງໆ, ກະເປົ໋າ, ບານບ້ວງ, ບານເຕະ, ບານສົ່ງ, ບັນທັດຢາງລຶບ ແລະອື່ນໆ ເຄື່ອງດັ່ງກ່າວ ແມ່ນໄດ້ຮັບການອຸປະຖຳໂດຍ ມູນນິທິພັດທະນາລ້ານຊ້າງ-ແມ່ຂອງ…ອ່ານຕໍ່
ປູກໝາກເງາະຂາຍ ເຮັດໃຫ້ເສດຖະກິດຄອບຄົວ ໄດ້ຮັບການພັດທະນາດີຂຶ້ນ
ຄອບຄົວຂອງທ່ານ ຊົ່ງຢ່າງ ເຊ່ຍເຢັ້ງຢ່າງ ປະຊາຊົນບ້ານຄອນວັດ ເມືອງລ້ອງຊານ ແຂວງໄຊສົມບູນ ທີ່ໄດ້ຢຶດຖືການປູກໝາກເງາະເປັນສິນຄ້າ ເຮັດໃຫ້ເສດຖະກິດຄອບຄົວໄດ້ຮັບການພັດທະນາດີຂຶ້ນ ຢ່າງຕໍ່ເນື່ອງ
ຊຶ່ງການປູກແມ່ນໃຊ້ເວລາ 3 ປີ ຈຶ່ງໄດ້ຮັບຜົນຜະລິດ, ໃນນີ້ ລາຍຮັບຈາກການຂາຍຕົວຈິງ ແມ່ນຕົກຢູ່ໃນຈຳນວນເງິນ 50,000,000 ກວ່າກີບ ຕໍ່ລະດູ ອາດເວົ້າໄດ້ວ່າ ເປັນລາຍຮັບທີ່ເປັນກອບເປັນກຳ ແລະ ຫຼວງຫຼາຍພໍສົມຄວນ…ອ່ານຕໍ່