ເປີດໂຕໃຫ້ໃຊ້ງານໄດ້ແລ້ວມື້ນີ້, ສຳລັບຟີເຈີ້ໃໝ່ລ່າສຸດຈາກເຟສບຸກ. ໂດຍຜູ້ໃຊ້ງານສາມາດສະແດງຄວາມຮູ້ສຶກເທິງ Messenger ໄດ້ມ່ວນຍີ່ງຂຶ້ນຜ່ານ Soundmojis ຫຼື ອິໂມຈິແບບມີສຽງ ໂດຍເປັນສ່ວນໜຶ່ງຂອງການລົງທຶນໃນຟີເຈີ້ມ່ວນໆ ທີ່ທັນສະໄໝເພື່ອຊ່ວຍໃຫ້ຜູ້ຄົນສາມາດເຊື່ອມຕໍ່ກັນ ແລະ ມີອິດສະຫຼະໃນການສະແດງອອກເຖິງໂຕຕົນ
ໃນຖານະທີ່ເປັນອິໂມຈິຮຸ່ນໃໝ່ Soundmojis ນີ້ຈະຊ່ວຍໃຫ້ຜູ້ໃຊ້ງານສາມາດສົ່ງຄິບສຽງສັ້ນໆໃນແຊັດເທິງ Messenger ໄດ້ ໂດຍມີຕັ້ງແຕ່ສຽງຕົບມື ? ສຽງຈິ່ຫຼໍ່ ? ສຽງຕີກອງ ? ສຽງຫົວຂອງຜີສາດ ? ຄິບສຽງແຕ່ລະຄິບຈະມາພ້ອມກັບອິໂມຈິທີ່ສະທ້ອນສຽງນັ້ນໆ ເພື່ອຍັງຄົງເກັບການສົ່ງຕໍ່ຄວາມຮູ້ສຶກດ້ວຍພາບແບບທີ່ທຸກຄົນຮັກ ແຕ່ມີການເພີ່ມສຽງເຂົ້າໄປພ້ອມ
ການເປີດໂຕນີ້ ເກີດຂຶ້ນໃນຊ່ວງດຽວກັບວັນສະເຫຼີມສະຫຼອງອິໂມຈິສາກົນ ຫຼື World Emoji Day ເຊິ່ງກົງກັບວັນທີ 17 ກໍລະກົດ ຂອງທຸກໆປີ ຊຶ່ງໃນຊ່ວງເວລານີ້ເປັນເຫດການທີ່ສຳຄັນໂດຍ Facebook ເຜີຍວ່າ ມີຂໍ້ຄວາມຈຳນວນກວ່າ 2,400 ລ້ານຂໍ້ຄວາມທົ່ວໂລກຖືກສົ່ງພ້ອມໆກັນ ກັບອິໂມຈິເທິງ Messenger ໃນແຕ່ລະມື້ ແລະໂດຍໃນຊ່ວງ 3 ເດືອນ ທີ່ຜ່ານມາ ຄວາມນິຍົມການໃຊ້ງານທົ່ວໂລກສະແດງໃຫ້ເຫັນວ່າຜູ້ຍິງຈະສົ່ງຂໍ້ຄວາມທີ່ມີອິໂມຈິຫຼາຍກວ່າຜູ້ຊາຍ. ອິໂມຈິນັ້ນ ໄດ້ຊ່ວຍເພີ່ມສີສັນໃຫ້ກັບການແຊັດເທິງ Messenger ແລະ ທຸກຄົນກໍໃຊ້ອິໂມຈິ ໃນການສົ່ງຕໍ່ຄວາມຮູ້ສຶກ ທີ່ບໍ່ສາມາດໃຊ້ຄໍາເວົ້າໄດ້.
ທ່ານສາມາດລອງໃຊ້ຟີເຈີ້ Soundmojis ລ່າສຸດນີ້ໄດ້ງ່າຍໆ ພຽງເປີດແອັບ Messenger ແລ້ວເລີ່ມແຊັດ ຈາກນັ້ນແຕະທີ່ຮູບໜ້າຍິ້ມ ເພື່ອເປີດເມນູການສົ່ງຮູບພາບແທນຄວາມຮູ້ສຶກຂຶ້ນມາ ແຕະທີ່ປຸ່ມລຳໂພງ ພຽງເທົ່ານີ້ທ່ານກໍຈະສາມາດເລືອກເບິ່ງແລະສົ່ງ Soundmojis ທີ່ມັກໄດ້.
