ປະຈຳວັນທີ 16 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ສະຫວັນນະເຂດ ພົບຜູ້ຕິດເຊື້ອພະຍາດໂຄວິດ-19 ທີ່ເປັນແຮງງານນໍາເຂົ້າຫຼາຍກວ່າ 1 ພັນຄົນ
ທົ່ວແຂວງສະຫວັນນະເຂດ ໄດ້ມີແຮງງານທີ່ກັບມາຈາກຕ່າງປະເທດມີທັງໝົດ 1.374 ຄົນ ໃນນີ້ມີແຮງງານທີ່ເປັນເພດຍິງຫຼາຍເຖິງ 653 ຄົນ ແລະ ມີເດັກນ້ອຍອີກປະມານ 70 ຄົນ ມີຜູ້ຕິດເຊື້ອພະຍາດໂຄວິດ 19 ທັງໝົດ 494 ກໍລະນີ,ກຳລັງປິ່ນປົວ 348 ກໍລະນີ
ສຳລັບກໍລະນີຜູ້ຕິດເຊື້ອພະຍາດໂຄວິດ-19 ທີ່ເປັນເພດຍິງ ແລະ ເດັກນ້ອຍ ທາງພະແນກສາທາລະນະສຸກແຂວງ ກໍ່ຄືຄະນະສະເພາະກິດຂັ້ນແຂວງ ແມ່ນໄດ້ເອົາໃຈໃສ່ເປັນພິເສດ ໃນເລື່ອງການດູແລທາງດ້ານສຸຂະພາບ…ອ່ານຕໍ່
ພະແນກແຮງງານສະຫວັດດີການ ແລະ ສັງຄົມແຂວງຈຳປາສັກ ມອບເຂົ້າສານ 5 ໂຕນໃຫ້ເມືອງໂຂງ
ທ່ານ ຍົກດາ ໄຊຍະຈັກ ຮອງຫົວໜ້າພະແນກແຮງງານສະຫວັດດີການ ແລະ ສັງຄົມແຂວງຈຳປາສັກ ພ້ອມຄະນະໄດ້ນຳເອົາເຂົ້າສານໜຽວຈຳນວນ 5 ໂຕນມອບໃຫ້ກັບເມືອງໂຂງ
ດ້ວຍຄວາມເປັນຫ່ວງເປັນໄຍຂອງການນຳຂັ້ນສູນກາງ ກໍຄືຂັ້ນແຂວງຕໍ່ກັບຊີວິດການເປັນຢູ່ຂອງປະຊາຊົນລາວບັນດາເຜົ່າຊາວເມືອງໂຂງທີ່ໄດ້ຮັບຜົນກະທົບຈາກໄພພິບັດຕ່າງໆທີ່ເກີດຂຶ້ນໄລຍະຜ່ານມາ…ອ່ານຕໍ່
ໂຄງການກໍ່ສ້າງຕະຫຼາດປາກຊັນ ແຂວງບໍລິຄຳໄຊ ຄາດວ່າໃກ້ຈະສຳເລັດເດືອນກັນຍາ
ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາກວດກາໂຄງການກໍ່ສ້າງຕະຫຼາດປາກຊັນ ເຊິ່ງມີຂະໜາດ 46,8 x 140 ແມັດ ໜ້າວຽກສຳເລັດແລ້ວ 46%
ໄລຍະນີ້ ແມ່ນກຳລັງຕິດຕັ້ງຫຼັງຄາອາລູຊີ່ງ ແລະ ເທພື້ນເປຕົ່ງ, ຫຼັງຈາກນັ້ນແມ່ນຈະໄດ້ຂັ້ນຫ້ອງຈັດລອ໋ກ ເປັນຮ້ານຂາຍເຄື່ອງທົ່ວໄປ ເຊັ່ນ: ຮ້ານຂາຍເສື້ອຜ້າ, ຂາຍເຄື່ອງຫຍ່ອຍ, ຂາຍເຂົ້າ, ຂາຍຜັກ-ໝາກໄມ້, ຂາຍຊີ້ນ ແລະ ອື່ນໆ ລວມທັງໝົດ 204 ຫ້ອງ, ຄາດວ່າຈະໃຫ້ສຳເລັດ ໃນວັນທີ 11 ກັນຍາ 2021…ອ່ານຕໍ່
ເຈົ້ານະຄອນ ໄກສອນ ພົມວິຫານ ລົງຕິດຕາມຊຸກຍູ້ການຄຸ້ມຄ້ອງການນຳໃຊ້ເຮືອຕາມລຳແມ່ນ້ຳຂອງແຕ່ລະຈຸດ
ທ່ານ ປະສົງສິນ ຈະເລີນສຸກ ເຈົ້ານະຄອນ ໄກສອນ ພົມວິຫານ ພ້ອມຄະນະກຳມະການຄຸ້ມຄ້ອງເຮືອຂອງນະຄອນ,ກໍ່ໄດ້ສຶບຕໍ່ລົງເຄື່ອນໄຫວຊຸກຍູ້ວຽກງານການຄຸ້ມຄອງການນຳໃຊ້ເຮືອປະຕ່າງໆຕາມລຳແມ່ນ້ຳຂອງໃນບ້ານ 2 ບ້ານຄື: ບ້ານນາແກ ແລະບ້ານທ່າຫົວຊ້າງ
ໄດ້ວາງກ້ອນກໍາລັງທະຫານຊາຍແດນສົມທົບກັບກໍາລັງ ປກສ – ປກຊ ກຸ່ມ, ປກຊ ບ້ານ ແລະການການຈັດຕັ້ງຂັ້ນບ້ານຜັດປ່ຽນກັນເຝົ້າວຽນຍາມ, ໃນກອງກອງປະຊຸມ ຍັງໄດ້ແລກປ່ຽນຄໍາຄິດຄໍາເຫັນ ສະເໜີຂໍ້ສະດວກ ແລະຂໍ້ຫຍຸ້ງຍາກໃນການຄຸ້ມຄ້ອງເຮືອຫາປາຂອງປະຊາຊົນ…ອ່ານຕໍ່