ປະຈຳວັນທີ 22 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ຜົນຜະລິດກະສິກຳຢູ່ ເມືອງປາກຊ່ອງ ແຂວງຈຳປາສັກ ເປັນສິນຄ້າສົ່ງອອກໃຫ້ກັບຫຼາຍປະເທດ
ທ່ານ ຄຳພັນ ພົມມະທັດ ປະທານຄະນະກວດກາສູນກາງພັກ ພ້ອມດ້ວຍຄະນະ ໄດ້ຢ້ຽມຢາມ ສວນປູກພືດຜັກໄຮໂດຣ ໂປນິກ, ຂອງ ບໍລິສັດ ອາໂກຣເຕັກ ໂປຣລາວ ຈຳກັດ ປະເທດ ມາເລເຊຍ ໄດ້ຮັບໃບຢັ້ງຢືນມາດຕະຖານກະສິກຳທີ່ດີລາວ ກ່ຽວກັບ ຄວາມປອດໄພຂອງຜົນຜະລິດ ຂອງ ກົມປູກຝັງ ກະຊວງກະສິກຳ ແລະ ປ່າໄມ້
ເຊິ່ງສິນຄ້າທີ່ຜະລິດນີ້ແມ່ນຂາຍຢູ່ພາຍໃນປະເທດ, ຮ້ານຊັບພະສິນຄ້າໃຫຍ່ຕ່າງໆ 70%, ສົ່ງຂາຍ ນະຄອນຫລວງວຽງຈັນ ແມ່ນ 2 ຄັ້ງ ຕໍ່ອາທິດ, ພາຍໃນແຂວງຈຳປາສັກ ແຕ່ລະມື້ແມ່ນສະເລ່ຍ 1000 ກິໂລ ຕໍ່ມື້ ແລະ ອີກ 30% ແມ່ນສົ່ງອອກຕ່າງປະເທດ ເຊັ່ນ: ສິງກະໂປ, ຫົງກົງ, ໄທ, ຫວຽດນາມ, ກຳປູເຈຍ, ຈີນ…ອ່ານຕໍ່
ສສ.ຫວຽດນາມ ຊຸກຍູ້ແກ້ໄຂການລະບາດຂອງພະຍາດໂຄວິດ-19 ໃຫ້ແຂວງຈໍາປາສັກ 1 ຮ້ອຍລ້ານດົງ
ກົງສູນໃຫຍ່ ສສ.ຫວຽດນາມ ປະຈຳພາກໃຕ້ລາວ ໄດ້ຕາງໜ້າໃຫ້ ຄະນະພັກ-ອົງການປົກຄອງແຂວງກອນຕູມ ນຳເອົາເງິນຈຳນວນ 1 ຮ້ອຍລ້ານດົງ ຫລືປະມານ 46 ກວ່າລ້ານກີບ ມອບໃຫ້ຄະນະພັກ-ອົງການປົກຄອງແຂວງຈໍາປາສັກ ເພື່ອປະກອບສ່ວນເຂົ້າໃນວຽກງານປ້ອງກັນ ສະກັດກັ້ນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19
ພ້ອມກັນນັ້ນ ກໍໄດ້ສະແດງຄວາມຍ້ອງຍໍຊົມເຊີຍຕໍ່ ກົງສູນໃຫຍ່ ແລະ ຕີລາຄາສູງຕໍ່ຜົນງານໃນການເປັນໃຈກາງ ການປະສານງານຊ່ວຍຮັດແໜ້ນຄວາມສາມັກຄີ ແລະ ຜັນຂະຫຍາຍການຮ່ວມມື ລະຫວ່າງ ແຂວງຈຳປາສັກ ກັບ ບັນດາ ແຂວງພາກກາງ ແລະພາກໃຕ້ ຂອງ ສສ ຫວຽດນາມ…ອ່ານຕໍ່
ຮອງເຈົ້າຄະນະສົງແຂວງ ມອບອຸປະກອນການແພດ ໃຫ້ໂຮງໝໍນ້ອຍຈອມທອງ
ຍາທ່ານ ຄຳພອນ ທາອີນໄຊຍະວົງ ຮອງເຈົ້າຄະນະແຂວງບໍລິຄຳໄຊ, ເຈົ້າຄະນະສົງເມືອງວຽງທອງ ໄດ້ມອບອຸປະກອນການແພດ ໃຫ້ໂຮງໝໍນ້ອຍຈອມທອງເພື່ອນຳໃຊ້ເຂົ້າໃນວຽກງານປີ່ນປົວຄົນເຈັບໃນຍາມສຸກເສີນ
ເຄື່ອງທີ່ນຳມາມອບໃນຄັ້ງນີ້ ມີ ບັ້ງອົກຊີ່ 1 ບັ້ງ, ຫົວອົກຊີ່ 2 ຫົວ, ອົກຊີ່ແມັດ 1 ອັນ, ເຄື່ອງຟັງຫົວໃຈເດັກ 1 ຊຸດ ແລະ ເຄື່ອງວັດແທກຕັ່ງຊົ່ງອີເລັກໂທນິກ 1 ເຄື່ອງ ລວມມູນຄ່າຫຼາຍກວ່າ 5 ລ້ານກີບ…ອ່ານຕໍ່
ປກສ ເມືອງທ່າພະບາດ ມ້າງແກ້ງຄ້າຢາ ພ້ອມຂອງກາງ ເກືອບ 7 ພັນເມັດ
ເຈົ້າໜ້າທີ່ ປກສ ເມືອງທ່າພະບາດ ແຂວງບໍລິຄຳໄຊ ຮັບແຈ້ງຄວາມວ່າ ມີຄົນຮ້າຍມາງັດປະຕູປ່ອງຢ້ຽມ ແລະ ປະຕູເຮືອນ ເຂົ້າມາງັດລີ້ນຊັກຕູ້ໃສ່ເຄື່ອງເອົາເງີນ ພ້ອມວັດຖຸຄ້າຍຄືຄຳຈຳນວນໜື່ງ ຂອງປະຊາຊົນບ້ານສາມະຄີໄຊ ແລະ ຍັງໄດ້ຮັບຂໍ້ມູນຫາງສຽງສັງຄົມ ວ່າມີການມົ້ວສຸມເສບ ແລະ ຄ້າ-ຂາຍຢາເສບຕິດ
ຈຶ່ງນໍາໃຊ້ກໍາລັງວິຊາສະເພາະລົງກວດກາແຫຼ່ງຂ່າວ ເຫັນວ່າມີມູນຄວາມຈີງ, ຈຶ່ງໄດ້ວາງແຜນເຂົ້າກັກຕົວຜູ້ຖືກຫາໄດ້ຈໍານວນ 5 ຄົນພ້ອມຂອງກາງຢາບ້າຈໍານວນ 6,937 ເມັດ ມາດໍາເນີນການສືບສວນ-ສອບສວນ…ອ່ານຕໍ່