ປະຈຳວັນທີ 21 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ປກສ ແຂວງສະຫວັນນະເຂດ ລົງຊຸກຍູ້ແລະຕິດຕາມການສະກັດກັ້ນພະຍາດໂຄວິດ-19
ປກສ ແຂວງ ສະຫວັນນະເຂດ ພ້ອມຄະນະ ໄດ້ລົງເຄື່ອນໄຫວຕິດຕາມກວດກາການສະກັດກັ້ນ ແລະ ຕ້ານພະຍາດໂຄວິດ-19 ຢູ່ຈຸດກວດກາຄົນເຂົ້າ-ອອກ ເມືອງດ່ານສາກົນ ຂົວມິດຕະພາບລາວ-ໄທແຫ່ງທີ II ສະຫວັນນະເຂດ-ມຸກດາຫານ
ເຊິ່ງການຜ່ານດ່ານກໍ່ໄດ້ກວດກາວັດແທກອຸນະພູມ, ຮັກສາໄລຍະຫ່າງຕາມຂັ້ນຕອນຂອງເຈົ້າໜ້າທີ່ວິຊາສະເພາະຢ່າງຖືກຕ້ອງ ນຳໄປກັກໂຕ 14 ວັນຢູ່ສູນກັກຕົວທີ່ໄດ້ກໍານົດໄວ້ອ່ານຕໍ່ ແລະກວດກາລາດຕະເວນຂອບເຂດຊາຍແດນ ສະກັດກັ້ນການລັກລອບ ເຂົ້າ-ອອກເມືອງ ແບບບໍ່ຖືກຕ້ອງ…ອ່ານຕໍ່
ເປີດນໍາໃຊ້ປ້ຳນ້ຳມັນເຊື້ອໄຟແຫ່ງໃຫມ່ ທີ່ກອງພົນທະຫານຮາບທີ 4
ພິທີເປີດການນຳໃຊ້ປ້ຳນ້ຳມັນເຊື້ອໄຟກອງພົນທະຫານຮາບທີ 4 ຢ່າງເປັນທາງການ ໂດຍການເຂົ້າຮ່ວມເປັນປະທານຂອງ ສະຫາຍ ພັນເອກ ຈັນແດງ ຂຸນຍຸລາດ ຄະນະປະຈໍາພັກກອງພົນ ຫົວໜ້າຫ້ອງການເມືອງກອງພົນທະຫານຮາບທີ 4 ,ມີຄະນະພັກຫ້ອງອົງການ 5 ຫ້ອງ,ພະແນກການທີ່ກ່ຽວຂ້ອງ ພະນັກງານວິຊາສະເພາະເຂົ້າຮ່ວມ
ການກໍ່ສ້າງປ້ຳນ້ຳມັນເຊື້ອໄຟກອງພົນທະຫານຮາບທີ 4 ແມ່ນໄດ້ລົງມືກໍ່ສ້າງຕັ້ງແຕ່ ເດືອນ ມີຖຸນາ 2021 ຫາ ເດືອນ ກໍລະກົດ 2021 ແມ່ນສໍາເລັດ 100% ເຊິ່ງໄດ້ຮັບທຶນຊ່ວຍເຫຼືອຈາກກົມນ້ໍາມັນເຊື້ອໄຟ ກົມໃຫຍ່ພະລາທິການກອງທັບມູນຄ່າ 125 ລ້ານກີບ…ອ່ານຕໍ່
ບ້ານນໍ້າອ້ອນ ແຂວງບໍລິຄຳໄຊ ສາມັກຄີສ້າງຂົວໄມ້ຂ້າມໄປຫາໂຮງໝໍຊຸມຊົນ
ອົງການປົກຄອງບ້ານນໍ້າອ້ອນ ເມືອງໄຊຈຳພອນ ແຂວງບໍລິຄຳໄຊ ໄດ້ນໍາພາປະຊາຊົນອອກແຮງງານສ້າງຂົວໄມ້ຂ້າມນໍ້າອ້ອນ ໄປຫາໂຮງໝໍຊຸມຊົນຂອງເມືອງ ເຊີ່ງມີຄວາມຍາວ 35 ແມັດ ເປັນຂົວທີ່ນໍາໃຊ້ໄມ້ຈີງ ແລະ ໄມ້ປ່ອງມາສ້າງ
ເຊິ່ງຂົວດັ່ງກ່າວແມ່ນພຽງແກ້ໄຂການທຽວລົດຈັກ ແລະ ຄົນຍ່າງໃນໄລຍະລະດູຝົນ ທຶນທີ່ນຳມາໃຊ້ໃນການສ້າງຂົວນີ້ແມ່ນໄດ້ມາຈາກການສົມທົບຂອງບັນດາພາກສ່ວນທຸລະກິດ ແລະ ບຸກຄົນ, ສ່ວນໄມ້ແມ່ນການປະກອບສ່ວນຂອງປະຊາຊົນບ້ານນໍ້າອ້ອນ…ອ່ານຕໍ່
ເຈົ້າອະທິການວັດບ້ານວຽງຄຳ ມອບຕຽງນອນໃຫ້ຄະນະສະເພາະກິດ ເພື່ອເຂົ້າຊ່ວຍວຽກງານປ້ອງກັນໂຄວິດ-19
ຢູ່ທີ່ສະໂມສອນດອກປີກໄກ່ ເມືອງປາກກະດິງ ແຂວງບໍລິຄຳໄຊ ຍາພໍ່ເກສີ ປະລິສຸດໂທ ເຈົ້າອະທິການວັດບ້ານວຽງຄຳ ມອບໃຫ້ຄະນະສະເພາະກິດ ເມືອງປາກກະດິງ ມອບ ຕຽງນອນ 30 ໜ່ວຍເພື່ອກຽມຄວາມພ້ອມຮອງຮັບການນຳໃຊ້ ເຂົ້າໃນວຽກງານກັກກັນບຸກຄົນທີ່ສູນ
ເປັນກຽດມອບໂດຍ ທ່ານ ມັງ ສີບຸນເຮືອງ ຮອງນາຍບ້ານວຽງຄຳ ແລະ ເປັນກຽດຮັບໂດຍທ່ານ ຄຳພັນ ໄຊຍະລາດ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຕາງໜ້າໃຫ້ຄະນະສະເພາະກິດຂັ້ນເມືອງ…ອ່ານຕໍ່
