ປະຈຳວັນທີ 30 ຕຸລາ 2021 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ເຂດສາມຫຼ່ຽມເສດຖະກິດກຳປູເຈຍ-ລາວ-ຫວຽດນາມ ຈະກາຍເປັນຕົວເມືອງທັນສະໄໝ
ເຂດຊາຍແດນສາມຫຼ່ຽມເສດຖະກິດ ກຳປູເຈຍ-ລາວ-ຫວຽດນາມ (CLV) ທີ່ດ່ານສາກົນພູເກືອ ເມືອງພູວົງ ແຂວງອັດຕະປືອາດຈະກາຍເປັນຕົວເມືອງທັນສະໄໝໃນອະນາຄົດເພາະກະຊວງແຜນການ ແລະ ການລົງທຶນໄດ້ເລີ່ມສໍາຫຼວດສຶກສາຄວາມເປັນໄປໄດ້ໃນການກໍ່ສ້າງພັດທະນາເຂດດັ່ງກ່າວແລ້ວ
ເຊິ່ງພາຍຫຼັງທີ່ມີການເຊັນສັນຍາ, ບໍລິສັດພັດທະນາຈະເລີ່ມດໍາເນີນການສຶກສາ, ສໍາຫຼວດອອກແບບ ກໍ່ສ້າງພັດທະນາເຂດດັ່ງກ່າວ ຊຶ່ງການພັດທະນາຈະເນັ້ນໃສ່ດ້ານການທ່ອງທ່ຽວ ແລະ ລະບົບການບໍລິການດ່ານ…ອ່ານຕໍ່
ຮສສ ມອບລະເບີດຕົກຄ້າງໃຫ້ກະຊວງປ້ອງກັນ ເພື່ອໄວ້ວາງສະແເດງ
ຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ສປປ ລາວ ກະຊວງແຮງງານ ແລະສະຫວັດດີການສັງຄົມ (ຮສສ) ໄດ້ມອບລູກລະເບີດທີ່ຕົກຄ້າງ ແລະ ສຳພາວຸດທີ່ປອດທາດແຕກ ໃຫ້ກະຊວງປ້ອງກັນປະເທດ ເພື່ອນໍາໃຊ້ເຂົ້າໃນການວາງສະແດງຢູ່ຫໍພິິພິທະພັນກອງທັບປະຊາຊົນລາວ, ຊຶ່ງປະກອບມີລູກບົມໃຫ່ຍ, ບົ່ມບີ, ລູກປືນຄົກ, ລູກປືນໃຫຍ່, ລູກຈະຫຼວດ, ສໍາພາວຸດອື່ນໆອີກຈໍານວນ 14 ລາຍການ
ພ້ອມກັບໄດ້ມອບຂໍ້ມູນທີ່ສຳຄັນ ແລະຈໍາເປັນຈໍານວນໜຶ່ງເຊັ່ນ: ແຜນທີ່ການຖິ້ມລະເບີດຂອງ ສ. ອາເມລິກາ, ແຜ່ນປ້າຍໂຄສະນາກ່ຽວກັບລະເບີດລູກຫວ່ານ, ແຜນທີ່ປະຕິບັດງານຂອງອົງການປະຕິບັດງານເພື່ອມະນຸດສະທໍາ ແກ້ໄຂບັນຫາລູກລະເບີດບໍ່ທັນແຕກ…ອ່ານຕໍ່
ຂົງຈື້ ໄດ້ຄັດເອົານັກສຶກສາໃຫມ່ແຕ່ 90 ຄົນ ແລະຈະເປີດສອນທ້າຍເດືອນພະຈິກ
ສະຖາບັນຂົງຈືທີ່ມະຫາວິທະຍາໄລແຫ່ງຊາດ ເປັນສະຖາບັນແຫ່ງທໍາອິດຂອງໂລກທີ່ເປີດຫຼັກສູດຄູພາສາຈີນໂດຍປະກາດຮັບ, ຈັດຕັ້ງການສອບເສັງ ແລະ ຈັດການຮຽນການສອນດ້ວຍຕົນເອງເຊິ່ງພາຍໃຕ້ການຊີ້ນໍານໍາພາຂອງມະຫາວິທະຍາໄລແຫ່ງຊາດ ແລະ ການຮ່ວມມືຊ່ວຍເຫຼືອຂອງຄະນະສຶກສາສາດ ແລະ ອັກສອນສາດ
ສະຖາບັນຂົງຈືໃນທົ່ວໂລກມີທັງໝົດ 500 ກວ່າແຫ່ງ ເຊິ່ງການເປີດຫຼັກສູດຄັ້ງນີ້ຖືໄດ້ວ່າເປັນບາດກ້າວໃໝ່ໃນປະຫວັດສາດສະຖາບັນຂົງຈື ແລະ ກໍຖືໄດ້ວ່າເປັນປະຫວັດສາດຂອງວົງການສຶກສາສາຍຄູພາສາຈີນຂອງລາວ…ອ່ານຕໍ່
