Monday, July 15, 2024
Lenovo

ບໍລິສັດ ອີອອນ ບໍລິການ ເຊົ່າສິນເຊື່ອ (ລາວ) ຈຳກັດ ເປິດໂຕແອັບພຣີເຄຊັນເທິງມືຖື ເພື່ອສ້າງປະສົບການໃໝ່ໃຫ້ກັບລູກຄ້າໃນການຕິດຕາມຂ່າວສານ ແລະ ກວດສອບຂໍ້ມູນສິນເຊື່ອໄດ້ໄວຍິ່ງຂຶ້ນ

ໃນປະຈຸບັນ, ເຕັກໂນໂລຊີໄດ້ເຂົ້າມາມີບົດບາດ ເພື່ອຊ່ວຍອຳນວຍຄວາມສະດວກໃນການດຳລົງຊີວິດປະຈຳວັນ. ບໍລິສັດ ອີອອນ ບໍລິການ ເຊົ່າສິນເຊື່ອ (ລາວ) ຈຳກັດ ກໍ່ໄດ້ມີແນວທາງໃນການຫັນປ່ຽນໄປສູ່ ລະບົບດີຈີຕອນ ແລະ ຕ້ອງການເພີ່ມຊ່ອງທາງໃນການບໍລິການໃຫ້ແກ່ລູກຄ້າ ໂດຍມີຄວາມມຸ່ງໝັ້ນໃນການສ້າງຜະລິດຕະພັນ ແລະ ການບໍລິການແບບໃໝ່ໆ ເພື່ອສ້າງຄວາມສະດວກສະບາຍໃນການຕິດຕາມຂໍ້ມູນຈາກທາງບໍລິສັດ.

ສະນັ້ນ, ທາງບໍລິສັດຈຶ່ງໄດ້ສ້າງແອັບພຣີເຄຊັນ AEON LAO ເພື່ອເພີ່ມປະສົບການໃໝ່ໃນການນໍາໃຊ້ ແລະ ອໍານວຍຄວາມສະດວກໃນການກວດສອບຂໍ້ມູນສິນເຊື່ອໃຫ້ກັບລູກຄ້າ ເຊັ່ນ: ການຊອກຫາຂໍ້ມູນການໃຫ້ບໍລິການ, ຂໍ້ມູນຊ່ອງທາງການຊຳລະ, ການກວດສອບຂໍ້ມູນສິນເຊື່ອ ແລະ ປະຫວັດການຊໍາລະເງິນໄດ້ດ້ວຍຕົນເອງຜ່ານທາງມືຖືໄດ້ທຸກທີ່ທຸກເວລາ. ນອກຈາກນີ້, ຍັງຈະມີສິດທິພິເສດຮູບແບບຕ່າງໆເທີງແອັບພຣີເຄຊັນໃນອະນາຄົດອັນໃກ້ນີ້ອີກດ້ວຍ.

ສຳລັບແອັບພຣີເຄຊັນ AEON LAO ເເມ່ນພ້ອມໃຫ້ດາວໂຫຼດໄດ້ແລ້ວ ຜ່ານທາງ Play store ສຳລັບລະບົບ Android ແລະ App store ສຳລັບລະບົບ IOS. ສຳລັບລູກຄ້າທີ່ມີສັນຍາຜ່ອນກັບທາງບໍລິສັດ ສາມາດລົງທະບຽນດ້ວຍເບີໂທລະສັບທີ່ລະບຸໃນສັນຍາ ເພື່ອກວດສອບຂໍ້ມູນສິນເຊື່ອດ້ວຍຕົນເອງ. ສຳລັບບຸກຄົນທົ່ວໄປທີ່ຕ້ອງການຕິດຕາມຂໍ້ມູນຂ່າວສານແມ່ນສາມາດດາວໂຫຼດແອັບພຣີເຄຊັນ ແລະ ເບິ່ງຂໍ້ມູນໄດ້ທັນທີໂດຍບໍ່ຈໍາເປັນຕ້ອງລົງທະບຽນ.

ທ່ານສາມາດຕິດຕາມການເຄື່ອນໄຫວຂອງບໍລິສັດ ອີອອນ ບໍລິການ ເຊົ່າສິນເຊື່ອ (ລາວ) ຈໍາກັດ ໄດ້ທີ່ Facebook Page: AEON Lao ຫຼື ເວັບໄຊ www.aeonlao.com ແລະ ສອບຖາມຂໍ້ມູນເພີ່ມເຕີມ ໂທ: 1433.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),