ຫຼາຍຄົນອາດບໍ່ຮູ້ ຫຼືຄິດວ່າຟີເຈີການຄົ້ນຫາໂທລະສັບ Smart Phone ມີແຕ່ໃນສະເພາະ iOS ເທົ່ານັ້ນ, ເຊິ່ງ Android ກໍ່ມີຄືກັນເດີ້ ແຖມໃຊ້ງານກໍ່່ງ່າຍອີກດ້ວຍ
ກ່ອນທີ່ຈະໄປຮູ້ຈັກວິທີໃຊ້ງານ ເຮົາມາເບິ່ງຂໍ້ຄວນຮູ້ໄວ້ບາງຢ່າງກ່ອນທີ່ຈະໃຊ້ງານຄື
- ເຮົາສາມາດຄົ້ນຫາໂທລະສັບ ທີ່ບໍ່ເຫັນ ໄດ້ດ້ວຍອຸປະກ່ອນໃດກໍ່ໄດ້ເຊັ່ນ: PC, Notebook ແລະໂທລະສັບເຄື່ອງອື່ນ
- ອຸປະກອນທີ່ໃຊ້ໃນການຄົ້ນຫາ ຕ້ອງລົງຊື່ເຂົ້າໃຊ້ງານບັນຊີ Google ດຽວກັບອຸປະກອນທີ່ເສີຍ ຫຼືອຸປະກອນທີ່ຕ້ອງຊອກ
- ຄົ້ນຫານຕໍາແໜ່ງໄດ້ສະເພາະຕອນເປີດເຄື່ອງ ຫາກມີຄົນລັກ ຫຼືປິດໂທລະສັບ ຈະສະແດງພຽງແຕ່ຕໍ່າແໜ່ງລ້າສຸດເທົ່ານັ້ນ
ສຳລັບວິທີການໃຊ້ງານແມ່ນງ່າຍໆຕາມຂັ້ນຕອນນີ້ເລີຍ
- ຫາອຸປະກອນທີ່ຕ້ອງການໃຊ້ໃນການຄົ້ນຫາ, ຈາກນັ້ນລ໋ອກອິນເຂົ້າບັນຊີ Google ດຽວກັນກັບໂທລະສັບທີ່ຈະຄົ້ນຫາ
- ໄປທີ່ລິ້ງ Find my device ຂອງ Google
- ລະບົບຈະສະແດງອຸປະກອນທີ່ລົງຊື່ເຂົ້າໃຊ້ບັນຊີ Google ດັ່ງກ່າວໄວ້ ພ້ອມທັງສະຖານະແບັດ ແລະສະຖານທີ່ເທິງ Google Map (ກໍລະນີບໍ່ໃສ່ຊິມ ແຕ່ເຊື່ອມຕໍ່ Wifi ຈະບໍ່ເຫັນ Location ເຊິ່ງຖ້າຫາກຢາກເຫັນ Location ຈຳເປັນຕ້ອງໄດ້ໃສ່ຊິມ)
ລະບົບມີຟີເຈິໃຫ້ເລືອກໃຊ້ 3 ຢ່າງຄື: ຫຼິ້ນສຽງ (Play Sound) ຈະເຮັດໃຫ້ໂທລະສັບສຽງດັງຂຶ້ນ, ຄວາມປອດໄພຂອງອຸປະກອນ (Secure Device) ສາມາດປ່ຽນ ຫຼືຕັ້ງລະຫັດໃຫມ່ໄດ້, ລ້າງອຸປະກອນ (Erase Device)
Hits: 2
