ວັນທີ 28 ຕຸລາ 2021 ທີ່ຜ່ານມາ ທາງ huawei ໄດ້ເປີດໂຕຜະລິດຕະພັນພັນໃຫມ່ໃນງານ HUAWEI APAC AUTUMN LAUNCH ເຊິ່ງມີ: HUAWEI nova 9, HUAWEI MateBook 14s, HUAWEI WATCH GT 3 Series ແລະ HUAWEI Vision S ມາກັນຄົບເຄື່ອງກັນໄປເລີຍທັງໂທລະສັບ, ຄອມພິວເຕີ, ໂມງ ແລະ ໂທລະພາບ
Huawei nova 9
ເອົາໃຈກຸ່ມຄົນໄວລຸ້ນ ຕອບໂຈດການຖ່າຍຮູບພາບບໍ່ວ່າຈະເປັນ Portrait ຫຼືເຊວຟີ້ ດ້ວຍເຕັກໂນໂລຍີການຖ່າຍພາບແບບ Super Sensing ກ້ອງຫຼັກເປັນ Ultra Vision Camera ມີຄວາມລະອຽດເຖິງ 50 MP ໃຊ້ເຊັນເຊີແບບ RYYB ແລະລະບົບ Huawei XD Fusion Engine ທີ່ຈະຊ່ວຍໃຫ້ພາບມລສຍລະອຽດທີ່ຄົມຊັດ ແລະ Noise ຕໍ່າເຖິງຈະຢູ່ໃນທີ່ແສງໜ້ອຍ, ສ່ວນກ້ອງໜ້າມີຄວາມລະອຽດຢູ່ທີ່ 30 MP ສາມາດຮອງຮັບການຖ່າຍວີດີໂອແບບ 4K ອີກດ້ວຍ
Huawei nova 9 ມີຂະໜາດໜ້າຈໍ 6,57 ນິ້ວ ຂອບໂຄ້ງລະດັບ 3D Curved ທີ່ສະແດງຜົນໄດ້ເຖິງ 1,07 ພັນລ້ານສີ ແລະມີອັດຕາ Refresh Rate 120 Hz ຍົກລະດັບໃນການຕອບສະໜອງໃນການສຳຜັດ ແລະທີ່ສຳຄັນຍັງມີ SuperCharge ສູງເຖິງ 66 W
HUAWEI MateBook 14s
ຮູບຮ່າງລັກສະນະບາງ ເປີດໂຕມາພ້ອມກັນ 2 ສີເຊິ່ງມີ ສີຂຽວ Spruce Green และສີເທົາ Space Gray ມີໜ້າຈໍສຳຜັດແບບ HUAWEI FullView Display ເຊິ່ງມີຄວາມຄົມຊັດສູງເຖິງ 2.5K ແລະຂະໜາດຂອງໜ້າຈໍ 3:2 ເຊິ່ງຈະເຮັດໃຫ້ມີພື້ນທີ່ໃນການເຮັດວຽກຫຼາຍຂຶ້ນ ເພາະໜ້າຈໍແບບ 3:2 ສູງກວ່າແບບທົ່ວໄປ, ສຳລັບສະເປັກຂອງເຄື່ອງຈະມີກາດຈໍເປັນ Iris® Xe ແລະໜ່ວຍປະມວນຜົນ CPU ຈະເປັນ 11th Gen Intel® Core™ H-Series Processor ເຊິ່ງຈະເປັນ i5 ຫຼື i7 ນັ້ນກໍ່ຂຶ້ນກັບລາຄາຂອງເຄື່ອງ
HUAWEI MateBook 14s ຍັງມີຟັງຊັ້ນພິເສດທີ່ສຸດຄື ສາມາດໃຊ້ງານແອັບພິເຄຊັນມືຖືໄດ້ ໂດຍຜ່ານການໃຊ້ງານ HUAWEI Mobile App Engine ເຊິ່ງສາມາດດາວໂຫລດແອັບຈາກມືຖືຈາກ HUAWEI AppGallery ທີ່ຕິດຕັ້ງໃຫ້ມາໃນເຄື່ອງ (ການໃຊ້ງານນີ້ບໍ່ແມ່ນການຕໍ່ຈາກມືຖື ຫຼືການໃຊ້ງານຜ່ານ Emulator ເປັນການໃຊ້ງານຜ່ານ HUAWEI MateBook 14s ໂດຍຕົງເລີຍ) ແຕ່ທີ່ແນ່ນອນຄືໃນອະນາຄົດທຸກເຄື່ອງກໍ່ອາດຈະໃຊ້ງານໄດ້ຄືກັນກັບເຄື່ອງນີ້ ເພາະທາງ Microsoft ກໍ່ໄດ້ເປີດຟັງຊັນນີ້ໃຫ້ທົດລອງລຸ້ນ BETA ໃນ Windows 11 ແລ້ວ
HUAWEI WATCH GT 3 Series
ໂມງເຄື່ອງນີ້ໃຊ້ເຕັກໂນໂລຍີ TruSeen 5.0+ ໃນການກວດວັດອັດຕາການເຕັ້ນຂອງຫົວໃຈລະຫວ່າງອອກກຳລັງກາຍ ແລະຍັງກວດວັດອັດຕາຄວາມອິ່ມຕົວຂອງອອກຊີເຈນໃນເລືອດອີກດ້ວຍ, ສຳລັບຄວາມທົນທານໃນການໃຊ້ງານແມ່ນສູງເຖິງ 14 ວັນຕໍ່ການຊາກແບັດ 1 ຄັ້ງ
ມີທັງລະບົບ AI Running Coach ແລະໂຫມດອອກກຳລັງກາຍເຖິງ 100 ໂໝດ ທີ່ຈະຊ່ວຍໃນການເບິ່ງແຍງເປົ້າໝາຍແລະຕິດຕາມເສັ້ນທາງການອອກກຳລັງກາຍຢ່າງຖືກຕ້ອງທີ່ສຸດດ້ວຍການຮອງຮັບເຖິງ 5 ສັນຍານດາວທຽມ GPS, Beidou, GLONASS, GALILEO ແລະ QZSS
HUAWEI Vision S
ໂທລະພາບໜ້າຈໍຄວາມຄົມຊັດ 4K ພ້ອມກັບອັດຕາ Refresh Rate 120 Hz ທີ່ໄດ້ຮັບການຮອງຮອງຈາກ TÜV Rheinland ວ່າຊ່ວຍປົກປ້ອງດວງຕາດ້ວຍການຫຼຸດແສງສີຟ້າແລະການກະພິບຂອງໜ້າຈໍ, ມີລະບົບສຽງ HUAWEI SOUND ມີສຽງທີ່ເກັບລາຍລະອຽດແລະສົມຈິງ ປະກອບມາພ້ອມກັບລຳໂພງ 10W ຈຳນວນ 4 ໂຕໃນເຄື່ອງ
HUAWEI Vision S ຍັງມີກ້ອງ Magnetic Camera ຄວາມລະອຽດ 13 MP ເຊິ່ງສາມາດໝູນໄດ້ 180 ອົງສາ ແລະສາມາດຖອດອອກໄດ້ງ່າຍໆ ແລະຍັງສາມາດສະລັບການວີດີໂອຄໍ HUAWEI MeeTime ເທິງມືຖື ໄປໃຊ້ໃນ HUAWEI Vision S ໄດ້ງ່າຍໆ ໂດຍຮອງຮັບຄວາມລະອຽດເຖິງ 1920 x 1080
ຂໍ້ມູນຈາກ: HUAWEI
Hits: 13
