7 ເຫດຜົນ ທີ່ຄວນອອກກຳລັງກາຍ ໃນຍາມໜາວ

ຖ້າເວົ້າເລື່ອງການອອກກຳລັງກາຍ ສຳລັບຄົນຂີ້ຄ້ານ ຍາມໜາວແບບນີ້ ຍິ່ງບໍ່ຕ້ອງເວົ້າເຖິງ, ຍາມເຊົ້າໆ ມັກຈະນອນລີ້ຢູ່ຜ້າຫົ່ມ ແມ່ນບໍ່? ແຕ່ຜູ້ຊ່ຽວຊານແນະນຳວ່າ ຍາມໜາວແບບນີ້ ຍິ່ງຄວນອອກກຳລັງກາຍ ແລະ ຕໍ່ໄປນີ້ຄື 7 ເຫດຜົນຕ່າງໆ ທີ່ທ່ານຄວນອອກກຳລັງກາຍ ໃນຍາມໜາວ.  

  1. ຊ່ວຍໃຫ້ຮ່າງກາຍອົບອຸ່ນໄດ້ດົນ: ເພື່ອສຸຂະພາບທີ່ດີນັ້ນ ເຮົາຄວນສ້າງຄວາມອົບອຸ່ນໃຫ້ໂຕເອງ ໂດຍການລຸກຂຶ້ນມາອອກກຳລັງກາຍ ຈະເປັນການດີທີ່ສຸດ. ຖ້າມື້ໃດທີ່ບໍ່ຢາກອອກຫຼາຍ ກໍອອກແບບເບົາໆກໍໄດ້ ແບບວ່າ ພໍໃຫ້ເລືອດໄດ້ສູບສີດແດ່. ການອອກກຳລັງກາຍ ຍັງຊ່ວຍໃຫ້ຮ່າງກາຍທົນຕໍ່ຄວາມໜາວໄດ້ດີຂຶ້ນ. 
  1. ເຜົາຜານໄຂມັນໄດ້ດີ: ຍາມໜາວເປັນເວລາທີ່ດີໃນການຟິດຫຸ່ນສຳລັບຄົນທີ່ຕ້ອງການຫຼຸດນຳ້ໜັກ ແລະຮັກສາຮູບຮ່າງໃຫ້ຢູ່ໃນເກນປົກກະຕິ ເນື່ອງຈາກຍາມນີ້ລະບົບເຜົາຜານຈະເຮັດວຽກໄດ້ດີກວ່າປົກກະຕິ ເພາະຮ່າງກາຍຕ້ອງໃຊ້ພະລັງງານຫຼາຍຂຶ້ນກວ່າເກົ່າ ເພື່ອຮັກສາຄວາມອົບອຸ່ນໃຫ້ຮ່າງກາຍ ຊຶ່ງຜົນທີ່ຕາມມາກໍຄື ຮ່າງກາຍສາມາດເຜົາຜານໄຂມັນສ່ວນເກີນໄດ້ດີຂຶ້ນ. 
  1. ຫ່າງໄກຈາກໄຂ້ຫວັດ: ໃຜທີ່ເຄີຍໄດ້ຍິນວ່າ ບໍ່ຄວນອອກກຳລັງກາຍເມື່ອເປັນຫວັດ ໃຫ້ປ່ຽນຄວາມຄິດສາ ເພາະຄວາມຈິງແລ້ວ ການອອກກຳລັງກາຍຈະຊ່ວຍໃຫ້ລະບົບພູມຄຸ້ມກັນເຮັດວຽກໄດ້ຢ່າງມີປະສິດທິພາບຍິ່ງຂຶ້ນ ສົ່ງຜົນໃຫ້ໄຂ້ຫວັດຄ່ອຍໆຫາຍໄປ ແລະຊ່ວຍຫຼຸດຄວາມສ່ຽງຕໍ່ການເປັນຫວັດອີກດ້ວຍ. 
  1. ປ້ອງກັນອາການຊຶມເສົ້າ: SAD ຫຼື Seasonal Affective Disorder ຄື ພາວະຊຶມເສົ້າທີ່ມັກເກີດຂຶ້ນຕາມລະດູການ ໂດຍສະເພາະລະດູໜາວ ທີ່ມີກາງຄືນດົນກວ່າຍາມຮ້ອນ. ດັ່ງນັ້ນ ໃຜທີ່ຮູ້ສຶກເສົ້າ ແລະຕຶງຄຽດຫຼາຍ ແນະນຳໃຫ້ອອກກຳລັງກາຍຢ່າງສະໝຳ່ສະເໝີ ເພາະວ່າ ການທີ່ເຮັດໃຫ້ຮ່າງກາຍໄດ້ເຄື່ອນໄຫວຕະຫຼອດ ຈະຊ່ວຍກະຕຸ້ນໃຫ້ສະໝອງຫຼັ່ງສານຄວາມສຸກອອກມາ ຈຶ່ງຊ່ວຍຜ່ອນຄາຍຄວາມກັງວົນ ແລະບັນເທົາອາການຊຶມເສົ້າໄດ້ດີຂຶ້ນ. 
  1. ອາກາດເຢັນໆ ເຮັດໃຫ້ອອກກຳລັງກາຍໄດ້ສະບາຍຂຶ້ນ: ນຶ່ງໃນຂໍ້ອ້າງຂອງຄົນທີ່ບໍ່ມັກອອກກຳລັງກາຍ ກໍຄື “ອາກາດຮ້ອນ”  ຫຼາຍຄົນຈຶ່ງມັກເຂົ້າ ຟິດເນັດ ທີ່ຕິດແອເຢັນໆນັ້ນເອງ. ແຕ່ຖ້າເປັນຍາມໜາວແບບນີ້ ທ່ານກໍບໍ່ຈຳເປັນຕ້ອງເຂົ້າຟິດເນັດ ເພື່ອໜີຮ້ອນອີກຕໍ່ໄປ ຄື ສາມາດອອກກຳລັງກາຍຢູ່ບ່ອນໃດກໍໄດ້. 
  1. ແສງແດດພໍດີ: ແສງແດດໃນຍາວໜາວເໝາະກັບການອອກກຳລັງກາຍກາງແຈ້ງທີ່ສຸດ ເພາະບໍ່ຮ້ອນຈົນຮູ້ສຶກຄືກັນກັບຖືກໄຟເຜົາຄືກັບຍາມຮ້ອນ ເຮັດໃຫ້ໄດ້ຮັບວິຕາມິນ D ຈາກແສງແດດ ຊຶ່ງຊ່ວຍກະຕຸ້ນການດູດຊຶມແຄວຊຽມ ເຂົ້າສູ່ຮ່າງກາຍໄດ້ດີຍິ່ງຂຶ້ນ, ເຮັດໃຫ້ກ້າມຊີ້ນ ແລະກະດູກສ່ວນຕ່າງໆ ແຂງແຮງໄປຕາມໆກັນ. ແຕ່ກໍບໍ່ໝາຍຄວາມວ່າ ໃຫ້ໄປແລ່ນໃນຕອນແດດກ້າໆ, ແຕ່ໝາຍເຖິງແດດໃນຍາມເຊົ້າ ຫຼື ຄ້າຍແລງ. 
  1. ອາກາດໜາວ ເຮັດໃຫ້ອ້ວນງ່າຍ: ອາກາດໜາວ ມັກເຮັດໃຫ້ຫຼາຍຄົນ ກາຍເປັນຄົນຂີ້ຄ້ານ ຄື ບໍ່ຢາກເຮັດຫຍັງ ແຖມຍັງຢາກກິນຫຼາຍກວ່າເກົ່າ ເພາະຮ່າງກາຍຈະປ່ຽນໄຂມັນຈາກອາຫານເປັນພະລັງງານ ເພື່ອສ້າງຄວາມອົບອຸ່ນໃຫ້ຮ່າງກາຍ, ບາງຄົນຍັງເລືອກດື່ມນຳ້ເມົາ ເພາະຊ່ວຍໃຫ້ຮ່າງກາຍອຸ່ນຂຶ້ນ. ແຕ່ອັນນີ້ ມັນຈະເຮັດໃຫ້ນຳ້ໜັກພຸ່ງຂຶ້ນເດີ! ສະນັ້ນ ຄວນຫັນມາອອກກຳລັງກາຍຈະດີກວ່າ. 

More from author

Related posts

Latest posts

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...

ປະຫວັດຄວາມເປັນມາຂອງ “ບຸນຊ່ວງເຮືອ” ປະເພນີລາວ.

ບຸນຊ່ວງເຮືອ ແມ່ນບຸນປະເພນີ ທີ່ໄດ້ປະຕິບັດສືບທອດກັນມາ ແຕ່ບູຮານນະການຈົນເຖິງທຸກວັນນີ້ ແລະ ເປັນກິດຈະກຳແຂ່ງຂັນກັນທາງນໍ້າທີ່ສອດຄ່ອງກັບວິຖີຊີວິດ, ຄວາມເປັນຢູ່ຂອງຄົນລາວ ແລະ ມັກມີການແຂ່ງຂັນເຮືອຄວບຄູ່ໄປກັບການເຮັດບຸນຊ່ວຍສ້າງບັນຍາກາດ ເຮັດໃຫ້ພາຍໃນງານບຸນມີຄວາມຄຶກຄື້ນມ່ວນຊື່ນຍິ່ງຂຶ້ນ.