ຟັງເອົາເດີນັກດື່ມທັງຫຼາຍ! ຜົນການວິໄຈຄັ້ງໃໝ່ເຕືອນວ່າ ການດື່ມສິ່ງມຶນເມົາຫຼາຍ ໄດ້ຂ້າຄົນໄວກວ່າສູູບຢາສູບ ໂດຍສະເພາະໃນກຸ່ມແມ່ຍິງ, ສ່ວນພາບລວມແລ້ວ ຜູ້ທີ່ຕິດສິ່ງມຶນເມົາຈະມີອາຍຸໄຂສັ້ນກວ່າ ຄົນທົ່ວໄປເຖິງ 20 ປີ.
ສະຖາບັນ ວິໄຈໃນປະເທດ ເຢຍລະມັນ ໄດ້ສຶກສາເປັນໄລຍະເວລາກວ່າ 14 ປີ ໃນຜູ້ໃຫຍ່ທີ່ໄດ້ຮັບການວິນິດໄສວ່າ ເປັນຜູ້ຕິດ ແອວກໍຮໍ ຊຶ່ງຜົນການວິໄຈ ພົບວ່າ ອັດຕາການຕາຍໃນກຸ່ມແມ່ຍິງທີ່ຕິດສິ່ງມຶນເມົາສູງເຖິງ 4,6 ເທົ່າ ຂອງຄ່າສະເລ່ຍມາດຕະຖານ. ໃນຂະນະທີ່ອັດຕາການຕາຍຂອງຜູ້ຊາຍ ທີ່ຕິດສິ່ງມຶນເມົາ ກໍສູງກວ່າມາດຕະຖານເກືອບ 2 ເທົ່າຄືກັນ.