ແມ່ຍິງ ເປັນເພດທີ່ມີສະເໜ່ຢູ່ໃນໂຕຢູ່ແລ້ວ ທີ່ສາມາດກະຕຸ້ນໃຫ້ຜູ້ຊາຍແນມມາ, ແຕ່ຖ້າສະເໜ່ໃນໂຕແມ່ຍິງຄົນນັ້ນ ເປັ່ງປະກາຍ ກໍຍິ່ງສາມາດສະກົດໃຈຜູ້ຊາຍໃຫ້ຫຼົງໄຫຼໄດ້ ເຊິ່ງຕໍ່ໄປນີ້ ແມ່ນສະເໜ່ 8 ຢ່າງຂອງແມ່ຍິງ ທີ່ສະກົດໃຈຜູ້ຊາຍໄດ້.
1, ຮູບຊົງ: ຈາກຜົນການສຳຫຼວດບັນດາຊາຍໜຸ່ມຫຼາຍຮ້ອຍຄົນ ພົບວ່າ ຜູ້ຊາຍສ່ວນຫຼາຍມັກຜູ້ຍິງທີ່ມີແອວນ້ອຍ, ສະໂພກໃຫຍ່ ຊຶ່ງອັດຕາສັດສ່ວນຂອງແອວ ກັບສະໂພກ ຖືວ່າ ເປັນສ່ວນງາມ ແລະທັນສະໄໝສຳລັບຜູ້ຊາຍ ຄື 7 ຕໍ່ 10 ຊຶ່ງຜູ້ຊາຍ ບອກວ່າ ຜູ້ຍິງທີ່ມີຮູບຊົງແບບນີ້ ເໝາະທີ່ຈະມາເປັນແມ່ຂອງລູກ ເພາະຖືວ່າເປັນຫຸ່ນທີ່ພ້ອມຕໍ່ການຈະເລີນເຕີບພັນຫຼາຍທີ່ສຸດ. ສະນັ້ນ ຈຶ່ງບໍ່ແປກໃຈວ່າ ຜູ້ຊາຍມັກຜູ້ຍິງແອວນ້ອຍ ສະໂພກໃຫຍ່.
2, ດວງຕາ: ເພາະດວງຕາເປັນແວ່ນແຍງຂອງຫົວໃຈ ຖ້າສາວຄົນໃດຢາກໃຫ້ຜູ້ຊາຍຈ້ອງຕາດົນໆ ຕ້ອງໝັ່ນຮັກສາ ແລະບຳລຸງດວງຕາໃຫ້ສົດໃສເປັນປະກາຍຢູ່ສະເໝີ, ບໍ່ຄວນປ່ອຍໃຫ້ໝີແພນດ້າ ຫຼື ຮອຍຕີນກາມາຢຶດຄອງພື້ນທີ່ຮອບດວງຕາໄດ້ງ່າຍໆ. ຖ້າສາວໆໄດ້ແຕ່ງຕາງາມໆ ພ້ອມທັງປັດຂົນຕາເບົາໆ ຫຼື ທາອາຍແຊໂດບາງໆ ໃຫ້ພໍມີສີສັນອີກ ກໍຍິ່ງເພີ່ມສະເໜ່ໃຫ້ກັບໂຕເອງຂຶ້ນໄປອີກ.
3, ຊ່ວງແຂນຍາວ: ແນ່ນອນວ່າ ຜູ້ຍິງທີ່ມີຂາຍາວສູງຈະເຮັດໃຫ້ຜູ້ຊາຍສົນໃຈຫຼາຍຂຶ້ນ ແຕ່ຈາກຜົນການວິໄຈ ຫຼ້າສຸດ ພົບວ່າ ອີກສິ່ງນຶ່ງທີ່ສາມາດດຶງດູດຜູ້ຊາຍ ໄດ້ດີກໍຄື ແຂນຍາວຂອງສາວໆນັ້ນເອງ ເພາະຈະເຮັດໃຫ້ຜູ້ຍິງເບິ່ງແລ້ວໜ້າຖະໜຸຖະໜອມແຖມຍັງມີຂໍ້ດີຕອນໂອບກອດກັນອີກດ້ວຍ.
4, ຜົມງາມສຸຂະພາບດີ: ຜູ້ຍິງທີ່ມີຜົມຍາວ, ຜົມດົກໜາ, ດຳ, ເງົາງາມ ແລະມີສຸຂະພາບດີ ຈະຊ່ວຍເພີ່ມສະເໜ່ໃຫ້ກັບໂຕເອງ ແລະຍັງສາມາດດຶງດູດຜູ້ຊາຍໃຫ້ເຂົ້າຫາໄດ້ງ່າຍອີກດ້ວຍ. ຖ້າສາວໆຄົນໃດຍິ່ງມີຜົມຫອມຕື່ມອີກ ບວກກັບເສັ້ນຜົມຍາວ, ຊື່, ມີນຳ້ໜັກ ແລະຈັດຊົງງ່າຍ ບໍ່ວ່າຜູ້ຊາຍຄົນໃດກໍຕ້ອງແນມເບິ່ງ ແລະຢາກເຂົ້າໃກ້ແນ່ນອນ.
5, ແຕ່ງໜ້າອ່ອນໆ: ຈາກຜົນການວິໄຈ ພົບວ່າ ຜູ້ຊາຍກວ່າ 40% ຈະມັກຜູ້ຍິງທີ່ແຕ່ງໜ້າອ່ອນໆ ຫຼາຍກວ່າຜູ້ຍິງທີ່ແຕ່ງໜ້າຈັດເຕັມ ຊຶ່ງພວກເຂົາບອກວ່າ ຜູ້ຍິງຈະມີສະເໜ່ດຶງດູດຫຼາຍກວ່າ ເມື່ອພວກເຂົາເສີມແຕ່ງສີສັນເທິງໃບໜ້າດ້ວຍເຄື່ອງສຳອາງພຽງແຕ່ໜ້ອຍດຽວ ໂດຍການທາຮອງພື້ນບາງໆ, ປັດແກ້ມສີບົວບາງໆ, ທາລິບສະຕິກສີບົວ ກໍຈະເຮັດສາວໆງາມ ແລະມີສະເໜ່ແລ້ວ.
6, ຮອຍຍິ້ມຈາກໃຈ: ຮອຍຍິ້ມເປັນສິ່ງທີ່ສາມາດມອບໃຫ້ກັນໄດ້ຢ່າງງ່າຍດາຍ ຄື ຍິ່ງຍິ້ມກວ້າງໃຫ້ເຫັນແຂ້ວແດ່ ກໍຍິ່ງຈະເພີ່ມສະເໜ່ໃນໂຕສາວໆໄດ້ອີກ, ແຕ່ວ່າ ແຂ້ວກໍຕ້ອງຂາວສະອາດຄືກັນ ເພາະຈະຊ່ວຍໃຫ້ເບິ່ງແລ້ວມີສະເໜ່ຂຶ້ນ. ຮອຍຍິ້ມຂອງສາວໆນັ້ນ ນອກຈາກຈະສະແດງເຖິງມິດຕະພາບ ແລະຄວາມຈິງໃຈໃຫ້ຕໍ່ກັນແລ້ວ ຍັງເຮັດໃຫ້ຜູ້ຊາຍຮູ້ສຶກວ່າ ສາວໆເປັນຄົນໜ້າຮັກ ເບິ່ງໂລກໃນແງ່ດີ ມີຄວາມສົດໃສ ມ່ວນຊື່ນ. ສະນັ້ນ ຜູ້ຊາຍສ່ວນຫຼາຍຈຶ່ງໄດ້ມັກຜູ້ຍິງອາລົມດີ ແລະຍິ້ມງ່າຍ.
7, ນຳ້ສຽງອ່ອນຫວານ: ຜູ້ຊາຍສ່ວນຫຼາຍມັກຜູ້ຍິງສຽງໜ້າຮັກໆ ໃນໂທນແຫຼມສູງ ຊຶ່ງຄ້າຍຄືກັບສຽງເດັກນ້ອຍ ແຕ່ບໍ່ໄດ້ໝາຍຄວາມວ່າ ຕ້ອງດັດສຽງຫຼາຍເກີນໄປຕະຫຼອດເວລາ ຊຶ່ງນອກຈາກຜູ້ຊາຍຈະມັກສາວໆສຽງເດັກທີ່ອ່ອນຫວານແລ້ວ ຍັງມັກຄົນທີ່ເວົ້າຈາຊັດເຈນ ຟັງງ່າຍ. ຈາກຜົນການສຳຫຼວດ ພົບວ່າ ຜູ້ຍິງທີ່ມີນຳ້ສຽງແຫຼມໜ້ອຍ ແລະໜ້າຮັກ ຈະເຮັດໃຫ້ຜູ້ຊາຍເກີດຄວາມອີ່ຕົນສົງສານ ຢາກຖະໜຸຖະໜອມ ແລະຢາກເຂົ້າໄປສ້າງຄວາມຮູ້ຈັກຫຼາຍຂຶ້ນ.
8, ໃສ່ຊຸດສີແດງ: ມີຫຼາຍຜົນງານການວິໄຈ ພົບວ່າ ສີແດງນັ້ນ ເປັນສີທີ່ສາມາດດຶງດູດໃຫ້ຜູ້ຊາຍເຂົ້າຫາຜູ້ຍິງໄດ້ເປັນຢ່າງດີ ໂດຍສະເພາະຜູ້ຍິງທີ່ແຕ່ງໂຕດ້ວຍເສື້ອຜ້າທີ່ມີສີແດງ ຫຼື ການທາລິບສະຕິກສີແດງ, ຜູ້ຊາຍຈະເວົ້າວ່າ ສີແດງເປັນສີທີ່ເຮັດໃຫ້ຜູ້ຍິງໜ້າສົນໃຈ ແລະມີສະເໜ່ຫຼາຍຂຶ້ນ.