Monday, July 15, 2024
Lenovo

ຕົວເລກທີ່ເມຍ ບໍ່ເຄີຍຮູ້ຄວາມຈິງ

ເທື່ອກ່ອນ ອິນໄຊລາວ ໄດ້ລວບລວມບັນດາລາຍການທີ່ເມຍໄດ້ເຊື່ອງລາຄາແທ້ໄວ້ເປັນຄວາມລັບຈາກຜົວ ໂດຍບາງລາຍການກໍເຊື່ອງລາຄາໄດ້ເກີນເຄິ່ງ ຫຼື ບາງລາຍການກໍເຊື່ອງມິດຈົນຜົວຄິດວ່າເປັນຂອງແຖມແທ້ໆ.

ໃນແບບດຽວກັນ ກໍບໍ່ແມ່ນວ່າຈະມີແຕ່ເມຍເທົ່ານັ້ນ ທີ່ເປັນນັກເກັບຄວາມລັບ ເພາະຖ້າມາເບິ່ງທາງຂອງຜົວ ໂດຍບາງຢ່າງເມຍກໍ່ອາດຈະຮູ້ແບບເລັກໆ ນ້ອຍໆ ມາແດ່ ແຕ່ຍັງຫາຫຼັກຖານບໍ່ໄດ້,  ແຕ່ບາງລາຍການກໍຫາມາຮູ້ຕອນນີ້ ກໍເອົາເປັນວ່າເຮັດເປັນບໍ່ຮູ້ບໍເຫັນແດ່ກໍຄົງຈະບໍ່ເປັນຫຍັງເນາະ.

ພາບປະກອບ
  • ຄ່າແຕ່ງລົດ: ຄ່າແຕ່ງລົດຂອງຜົວ ກັບຄ່າແຕ່ງໜ້າເຮັດຜົມຂອງເມຍ ເປັນອີຫຍັງທີ່ຄ້າຍຄືກັນຫຼາຍເພາະຕ່າງມີລາຍການພິເສດເຊິ່ງອີກຝ່າຍອາດບໍ່ເຄີຍຮູ້ມາກ່ອນ ໂດຍສິ່ງທີ່ເບິ່ງທຳມະດາຢ່າງໝວກກັນນ໋ອກ ປອກແອນ ຈົນຮອດຈຸດປິດລົມຢາງກໍ່ອາດເຮັດໃຫ້ເມຍຕົກໃຈໄດ້ເມື່ອຮູ້ລາຄາແທ້.
ພາບປະກອບ
  • ຄ່າກິນລ້ຽງສ້າງສັນກັບໝູ່: ການອອກງານສ້າງສັນນັບເປັນສ່ວນໜຶ່ງຂອງການເຮັດວຽກເປັນທີມແລ້ວ ແລະເມື່ອເຂົາວົງການສ້າງສັນແລ້ວການຈະບໍ່ຈ່າຍເງິນເລີຍກໍ່ຈະເປັນໄປບໍ່ໄດ້ ໂດຍບາງເທື່ອການກິນດື່ມກໍ່ອາດຈະເລີຍເຖີດໄປໄດ້ບໍ່ວ່າຈະເປັນອາຫານ, ເມນູພິເສດຫຼືເຄືອງດື່ມທີ່ຖືກພະນັກງານເຊຍມາສຸດຈິດສຸດໃຈລ້ວນແຕ່ເຮັດໃຫ້ຫານອອກມາແລ້ວສູງກວ່າປົກກະຕິ ແຕ່ກະຕ້ອງຈ່າຍເທົາກັນ ບໍ່ວ່າຈະກິນນ້ອຍກວ່າກໍ່ຕາມເລື່ອງແບບນີ້ຖ້າເມຍຮູ້ອາດຖືກເວົ້າໃຫ້ເຖິງຂັ້ນບໍ່ຍອມໃຫ້ໄປກັບໝູ່ກຸ່ມນີ້ອີກເລີຍ.
ພາບປະກອບ
  • ຄ່າລາຍການແອັບເກມ ລວມເຖິງອິນເຕີເນັດ: ເລື່ອງເກມ ແລະລາຍການອອນລາຍຕະຫຼອດເຖິງອຸປະກອນລາຍການຕ່າງໆນັ້ນ ເກືອບຈະເປັນສ່ວນໜຶ່ງຂອງການດຳລົງຊີວິດຂອງບັນດາຜົວໄວລຸ້ນທັງຫຼາຍ ແລະກໍ່ເຊັ່ນດຽວກັນກັບເຄື່ອງສຳອາງກະປຸກເລັກໆນ້ອຍໆຂອງຜູ້ຍິງ ກໍຄືລາຄາກັບສິ່ງທີ່ຕາເຫັນນັ້ນມັນຕ່າງກັນ ຫາກເມຍບໍ່ໄດ້ຫຼິ້ນເກມອອນລາຍຄືກັນກໍ່ເອີ້ນວ່າບໍ່ມີມື້ຮູ້ລາຄາທີ່ແທ້ຈິງເລີຍ.
ພາບປະກອບ
  • ເບ້ຍລ້ຽງ ແລະໂບນັດ: ບັນດາພໍ່ບ້ານໃຈກ້າທັງຫຼາຍບໍ່ວ່າຈະເອົາເງິນເດືອນທຸກກີບໃຫ້ກັບເມຍເກັບໄວ້ແລ້ວກໍ່ຕາມແຕ່ຈະມີໃຜທີ່ບອກໄດ້ເຕັມປາກເຕັມຄຳວ່າແມ່ນແຕ່ໂບນັດ, ເບ້ຍລ້ຽງແລະເງິນພິເສດຈາກຫົວໜ້າກໍ່ຕົກໄປຢູ່ນຳເມຍໝົດ ພຽງແຕ່ເງິນເຫຼົ່ານີ້ອາດຕ້ອງຖືກຈັດແບ່ງໄປເກັບໄວ້ຕາມບ່ອນຕ່າງໆ ຫຼືອາດຈະສະແດງໃຫ້ເມຍເຫັນແຕ່ບາງສ່ວນເທົ່ານັ້ນ.

ເຫັນແບບນີ້ແລ້ວຢ່າພ້າວຄິດວ່າ ອິນໄຊລາວ ສະໜັບສະໜູນໃຫ້ສະຖາບັນຄອບຄົວເກີດຄວາມຜິດຖຽງກັນ ຫຼື ຢາກໃຫ້ສາມີພັນລະຍາລະແວງກັນຈົນກາຍເປັນນັກສືບກັນເອງ ເພາະເລື່ອງເຫຼົ່ານີ້ ເຮົາເຊື່ອວ່າຫາກບໍ່ເຫຼືອບ່າກວ່າແຮງຫຍັງ ອີກຝ່າຍທີ່ມາຮູ້ລາຄາຕາມຫຼັງກໍພຽງແຕ່ຕົກໃຈ ແລະ ຢາກຫົວ ຫຼື ບາງຄົນກໍອາດເຮັດເປັນລືມມັນໄປ ເພາະຄວາມຮັກທີ່ມີໃຫ້ນັ້ນ ມັນຍິ່ງໃຫຍ່ກວ່າຕົວເລກທີ່ມັນເຊື່ອງໄວ້ຢູ່ໃນລາຍການເຫຼົ່ານີ້ອີກດ້ວຍ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),